Týnd Steinbeck-saga útgefin

Óútgefna smásagan With Your Wings eftir John Steinbeck hefur loksins verið gefin út.

Leikstjórinn Orson Welles lauk einum stríðsáraútvarpsþætti sínum 1944 með tilfinningaþrungnum upplestri á sögunni en hún hefur aldrei birst áður. Andrew F. Gulli, ritstjóri Strand Magazine, fann handritið á safni í Texas.

Sagan fjallar um svartan flugmann í seinni heimsstyrjöldinni. „Steinbeck sá Ameríku sem frábært land með gríðarlega mikla möguleika en á hinn bóginn gat hann séð ójöfnuð,“ ritar Gulli.