„Mamma, mega konur vera lögreglustjórar?“ Lilja Katrín Gunnarsdóttir skrifar 29. desember 2014 10:00 Páley er fædd árið 1975 í Vestmannaeyjum. mynd/úr einkasafni „Þetta leggst bara mjög vel í mig. Ég hlakka til að takast á við nýtt og krefjandi starf. Það er fullt af tækifærum sem fylgja nýju embætti og ég hlakka til að taka þátt í að móta það og byggja það upp,“ segir Páley Borgþórsdóttir. Hún tekur við embætti lögreglustjóra í Vestmannaeyjum þann 1. janúar næstkomandi en skipað er í embættið til fimm ára í senn. Páley segir þar með skilið við núverandi vinnustað sinn, Pacta lögmenn, þar sem hún hefur unnið sem lögmaður í tæp átta ár. „Það er alltaf eftirsjá í öllu og maður veit hvað maður hefur átt en ekki hvað maður fær,“ segir Páley spurð hvort hún muni sakna vinnufélaganna. „Ég þekki nú samt til á gamla sýslumannsembættinu. Þar var ég að vinna í fimm ár og var meðal annars staðgengill sýslumanns áður en ég fór að vinna sem lögmaður. Ég þekki meirihlutann af starfsfólkinu og þar er reynslumikið lögreglulið og öflugt starfslið. Ég hlakka til að vinna með því góða fólki.“ Páley er fædd og uppalin í Vestmannaeyjum. „Ég var hér í grunnskóla og sleit hér barnskónum. Síðan lá leið mín í Menntaskólann á Akureyri þegar ég var sextán ára. Þá var ég ákveðin í að verða verkfræðingur og fór norður til að geta farið á eðlisfræðibraut. Á síðasta árinu náði ég mér í mann sem er með mér enn og höfum við flakkað hingað og þangað saman. Árið 1997 fór ég síðan í Háskóla Íslands í lagadeild og útskrifaðist með embættispróf úr lögfræði árið 2002,“ segir Páley. Þann 1. janúar tekur ný reglugerð innanríkisráðuneytisins gildi sem þýðir að umdæmum sýslumannsembætta er fækkað úr 24 í níu og lögregluumdæmum fækkað úr fimmtán í níu. Í Vestmannaeyjum hafa lögreglustjórn og sýslumannsstörf fallið undir sýslumannsembætti en um áramótin breytist það og verða embættin aðskilin. Páley verður einnig fyrsta konan til að gegna embætti lögreglustjóra í Eyjum. Páley er að vonum ánægð með þau tímamót að kona gegni starfinu. „Ég sagði dóttur minni, sem er tíu ára, að ég væri að fara að skipta um starf fyrir stuttu. Ég sagði henni að ég ætlaði að hætta að starfa sem lögmaður og verða lögreglustjóri. Þá horfði hún á mig og sagði svo: „Mamma, mega konur vera lögreglustjórar?“ Ég var eiginlega orðlaus. Við hjónin höfum alltaf bæði unnið úti, ég sinnt áberandi störfum í samfélaginu og tekið að mér ábyrgðarstöður. Ég vil líka meina að ég og maðurinn minn séum með afar jafnréttissinnað heimilislíf svo þetta kom mér talsvert á óvart og ýtti við mér. Þessi meintu kynbundnu hlutverk eru greinilega greypt dýpra í meðvitundina en maður áttar sig á. Þarna er verk að vinna“ Páley hefur ekki látið sér nægja að starfa sem lögmaður og hefur einnig setið í meirihluta í bæjarstjórn í Vestmannaeyjum síðustu níu ár og verið formaður bæjarráðs. Hún hefur óskað eftir lausn frá störfum í bæjarstjórn. „Það gerir enginn þá kröfu að ég víki úr því starfi. Mér finnst það eðlilegra. Mér finnst mikilvægt að lögreglustjóri sé trúr sínu hlutverki og sinni aðeins einu starfi,“ segir Páley. Hún býst ekki við því að það verði mikill munur á álagi í lögreglustjórastarfinu og lögmannsstarfinu. „Lögmennskan er held ég álagsmeira starf en flestir halda. Það er ekki alveg eins og í bíómyndunum og lögmannsþáttunum. Það er ekki alltaf hvítvín á skrifstofunni,“ segir Páley og hlær. „Lögmannsstarfið er rosalega víðfeðmt. Þar er unnið á ofsalega breiðu sviði og maður er með stór mál í höndunum fyrir fyrirtæki og einstaklinga sem skipta það fólk oft öllu máli. Maður ber því mikla ábyrgð og því fylgir mikil vinna og oft mikil streita. En þetta er líka skemmtilegt starf og fjölbreytt,“ segir Páley og hlakkar til að ögra sjálfri sér á nýjum vettvangi. „Lögreglustjórastarfið verður auðvitað áhugavert og krefjandi. Og ég vil hafa það þannig. Það er skemmtilegt að fást við ný verkefni og þurfa að leggja sig fram. Ég hlakka því til að taka við nýju starfi á nýju ári.“ Mest lesið „Ég myndi aldrei fara í samband með einhverjum fávita“ Lífið Liam Payne úr One Direction látinn Lífið Símtal í neyðarlínu varpar ljósi á atburðarásina Lífið Stjörnurnar minnast Liam Payne: „Þessar fréttir eru hrikalegar, ég er orðlaus“ Lífið Harðlega gagnrýnd fyrir að birta myndir af líki Liam Payne Lífið „Ef ég á að vera hreinskilin þá var þetta bara svæsið einelti“ Lífið Loka Sæbraut á laugardag vegna kvikmyndatöku Lífið Þurfti að missa þáttinn til að átta sig á næsta skrefi Lífið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp Þjóðhátíðarstemning á árshátíð Sýnar Lífið Fleiri fréttir Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó „Bullandi stífir í því að halda uppi þessu afneitunarhagkerfi sem við búum í“ „Ekki þurrt auga í salnum“ Krúttlegasti innbrotsþjófur landsins Lén skráð á laugardag ekki framboðslén Verður þér skipt út fyrir kynlífstæki? Þjóðhátíðarstemning á árshátíð Sýnar Orðið það sama og þekkt fataverslun í miðbæ Reykjavíkur Hlutverkið það erfiðasta hingað til Glamúr og glæsileiki í opnun hjá Lovísu DIMMA var flott en einhæf Almenningur um stjórnarslit: „Þetta var komið út í smá rugl“ Sjarmerandi íbúð listafólks í miðbænum Pískur sem þróaðist í hættulegustu samsæriskenningu síðari tíma Sungu bakraddir fyrir Heru og eru nú byrjuð saman Fylgdist með Pétri Jóhanni byggja útieldhús Dóttir Ingós og Alexöndru komin með nafn „Lífsstíllinn er að drepa okkur“ Sjá meira
„Þetta leggst bara mjög vel í mig. Ég hlakka til að takast á við nýtt og krefjandi starf. Það er fullt af tækifærum sem fylgja nýju embætti og ég hlakka til að taka þátt í að móta það og byggja það upp,“ segir Páley Borgþórsdóttir. Hún tekur við embætti lögreglustjóra í Vestmannaeyjum þann 1. janúar næstkomandi en skipað er í embættið til fimm ára í senn. Páley segir þar með skilið við núverandi vinnustað sinn, Pacta lögmenn, þar sem hún hefur unnið sem lögmaður í tæp átta ár. „Það er alltaf eftirsjá í öllu og maður veit hvað maður hefur átt en ekki hvað maður fær,“ segir Páley spurð hvort hún muni sakna vinnufélaganna. „Ég þekki nú samt til á gamla sýslumannsembættinu. Þar var ég að vinna í fimm ár og var meðal annars staðgengill sýslumanns áður en ég fór að vinna sem lögmaður. Ég þekki meirihlutann af starfsfólkinu og þar er reynslumikið lögreglulið og öflugt starfslið. Ég hlakka til að vinna með því góða fólki.“ Páley er fædd og uppalin í Vestmannaeyjum. „Ég var hér í grunnskóla og sleit hér barnskónum. Síðan lá leið mín í Menntaskólann á Akureyri þegar ég var sextán ára. Þá var ég ákveðin í að verða verkfræðingur og fór norður til að geta farið á eðlisfræðibraut. Á síðasta árinu náði ég mér í mann sem er með mér enn og höfum við flakkað hingað og þangað saman. Árið 1997 fór ég síðan í Háskóla Íslands í lagadeild og útskrifaðist með embættispróf úr lögfræði árið 2002,“ segir Páley. Þann 1. janúar tekur ný reglugerð innanríkisráðuneytisins gildi sem þýðir að umdæmum sýslumannsembætta er fækkað úr 24 í níu og lögregluumdæmum fækkað úr fimmtán í níu. Í Vestmannaeyjum hafa lögreglustjórn og sýslumannsstörf fallið undir sýslumannsembætti en um áramótin breytist það og verða embættin aðskilin. Páley verður einnig fyrsta konan til að gegna embætti lögreglustjóra í Eyjum. Páley er að vonum ánægð með þau tímamót að kona gegni starfinu. „Ég sagði dóttur minni, sem er tíu ára, að ég væri að fara að skipta um starf fyrir stuttu. Ég sagði henni að ég ætlaði að hætta að starfa sem lögmaður og verða lögreglustjóri. Þá horfði hún á mig og sagði svo: „Mamma, mega konur vera lögreglustjórar?“ Ég var eiginlega orðlaus. Við hjónin höfum alltaf bæði unnið úti, ég sinnt áberandi störfum í samfélaginu og tekið að mér ábyrgðarstöður. Ég vil líka meina að ég og maðurinn minn séum með afar jafnréttissinnað heimilislíf svo þetta kom mér talsvert á óvart og ýtti við mér. Þessi meintu kynbundnu hlutverk eru greinilega greypt dýpra í meðvitundina en maður áttar sig á. Þarna er verk að vinna“ Páley hefur ekki látið sér nægja að starfa sem lögmaður og hefur einnig setið í meirihluta í bæjarstjórn í Vestmannaeyjum síðustu níu ár og verið formaður bæjarráðs. Hún hefur óskað eftir lausn frá störfum í bæjarstjórn. „Það gerir enginn þá kröfu að ég víki úr því starfi. Mér finnst það eðlilegra. Mér finnst mikilvægt að lögreglustjóri sé trúr sínu hlutverki og sinni aðeins einu starfi,“ segir Páley. Hún býst ekki við því að það verði mikill munur á álagi í lögreglustjórastarfinu og lögmannsstarfinu. „Lögmennskan er held ég álagsmeira starf en flestir halda. Það er ekki alveg eins og í bíómyndunum og lögmannsþáttunum. Það er ekki alltaf hvítvín á skrifstofunni,“ segir Páley og hlær. „Lögmannsstarfið er rosalega víðfeðmt. Þar er unnið á ofsalega breiðu sviði og maður er með stór mál í höndunum fyrir fyrirtæki og einstaklinga sem skipta það fólk oft öllu máli. Maður ber því mikla ábyrgð og því fylgir mikil vinna og oft mikil streita. En þetta er líka skemmtilegt starf og fjölbreytt,“ segir Páley og hlakkar til að ögra sjálfri sér á nýjum vettvangi. „Lögreglustjórastarfið verður auðvitað áhugavert og krefjandi. Og ég vil hafa það þannig. Það er skemmtilegt að fást við ný verkefni og þurfa að leggja sig fram. Ég hlakka því til að taka við nýju starfi á nýju ári.“
Mest lesið „Ég myndi aldrei fara í samband með einhverjum fávita“ Lífið Liam Payne úr One Direction látinn Lífið Símtal í neyðarlínu varpar ljósi á atburðarásina Lífið Stjörnurnar minnast Liam Payne: „Þessar fréttir eru hrikalegar, ég er orðlaus“ Lífið Harðlega gagnrýnd fyrir að birta myndir af líki Liam Payne Lífið „Ef ég á að vera hreinskilin þá var þetta bara svæsið einelti“ Lífið Loka Sæbraut á laugardag vegna kvikmyndatöku Lífið Þurfti að missa þáttinn til að átta sig á næsta skrefi Lífið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp Þjóðhátíðarstemning á árshátíð Sýnar Lífið Fleiri fréttir Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó „Bullandi stífir í því að halda uppi þessu afneitunarhagkerfi sem við búum í“ „Ekki þurrt auga í salnum“ Krúttlegasti innbrotsþjófur landsins Lén skráð á laugardag ekki framboðslén Verður þér skipt út fyrir kynlífstæki? Þjóðhátíðarstemning á árshátíð Sýnar Orðið það sama og þekkt fataverslun í miðbæ Reykjavíkur Hlutverkið það erfiðasta hingað til Glamúr og glæsileiki í opnun hjá Lovísu DIMMA var flott en einhæf Almenningur um stjórnarslit: „Þetta var komið út í smá rugl“ Sjarmerandi íbúð listafólks í miðbænum Pískur sem þróaðist í hættulegustu samsæriskenningu síðari tíma Sungu bakraddir fyrir Heru og eru nú byrjuð saman Fylgdist með Pétri Jóhanni byggja útieldhús Dóttir Ingós og Alexöndru komin með nafn „Lífsstíllinn er að drepa okkur“ Sjá meira