Siggi er spilltur yfirmaður fíkniefnadeildarinnar

Vísir sýnir fyrst allra miðla sex plaköt fyrir kvikmyndina Borgríki II. Á þriðja plakatinu er sjálfur Sigurður Sigurjónsson.

Sigurður leikur Margeir, spilltan yfirmann fíkniefnadeildarinnar sem leikur tveim skjöldum til að viðhalda heimili sínu með ungri brúði sinni.

Borgríki II - Blóð hraustra manna er sjálfstætt framhald  kvikmyndarinnar Borgríki sem kom út síðla árs 2011. Í helstu hlutverkum eru Darri Ingólfsson, Ágústa Eva Erlendsdóttir, Ingvar E. Sigurðsson, Sigurður Sigurjónsson, Zlatko Krickic og Hilmir Snær Guðnason.

Hér fyrir neðan má sjá sýnishorn úr myndinni en hún verður frumsýnd í október. Vísir frumsýnir síðan nýja stiklu næsta þriðjudag.