Bílaframleiðsla heldur uppi hagvexti í Ungverjalandi Finnur Thorlacius skrifar 18. ágúst 2014 16:55 Í verksmiðju Mercedes Benz í Ungverjalandi. Þó svo Ungverjar státi ekki af neinu bílamerki er ekki þar með sagt að þar fari ekki fram mikil bílaframleiðsla. Hún er reyndar umtalsverð og eiga þýsku bílaframleiðendurnir Mercedes Benz og Audi þar stærstan þátt. Aukin framleiðsla þeirra í Ungverjalandi undanfarið ber uppi þann 3,9% hagvöxt sem varð á öðrum ársfjórðungi. Er þetta mesti hagvöxtur sem orðið hefur þar allar götur frá fyrsta ársfjórðungi 2006. Útflutningur iðnaðarframleiðslu jókst um 11% í júní og á útflutningur bíla þar stærstan þátt. Mercedes Benz framleiðir meira en 100.000 bíla á ári í Ungverjalandi og svo mikið hefur verið að gera í verksmiðju Mercedes Benz þar að bæta hefur þurft við þriðju vaktinn og því unnið allan sólarhringinn. Mestu skiptir þar aukin eftirspurn eftir B-Class og CLA bílum sem framleiddir eru í Ungverjalandi. Audi hefur þurft að gera það sama í verksmiðju sinni í Ungverjalandi og þar er einnig unnið allan sólarhringinn. Þar framleiðir Audi TT Coupe og Roadster og A3 sedan og A3 convertible bíla og er eftirspurn eftir þeim mikil. Þessi verksmiðja Audi hefur framleiðslugetu uppá 160.000 bíla en þar eru einnig framleiddar býsn af bílvélum en á síðasta ári voru þær 1.930.000 talsins. Verksmiðja Audi er í Gyor og þar hefur Audi fjárfest fyrir 142 milljarða króna á undanförnum árum. Mest lesið Rafbílaeigendur með sínar leiðir til að svindla Innlent Starfsemi skert í tíu leik- eða grunnskólum í Reykjavík í vetur Innlent Mesta rúmmálið sem hefur safnast frá því að gosin hófust Innlent „Ekki sést á þessari öld“ Veður Kuldakastinu muni fylgja töluverð úrkoma Veður Vara við versnandi öryggisaðstæðum við Zaporizhzhia kjarnorkuverið Erlent Eru að slökkva í síðustu glæðunum í Somerset Erlent Kjörís gaf nokkur tonn af ís í dag Innlent „Ég hef aldrei séð annan eins viðbjóð“ Innlent Beðið eftir eldgosi: Allar vefmyndavélarnar á einum stað Innlent
Þó svo Ungverjar státi ekki af neinu bílamerki er ekki þar með sagt að þar fari ekki fram mikil bílaframleiðsla. Hún er reyndar umtalsverð og eiga þýsku bílaframleiðendurnir Mercedes Benz og Audi þar stærstan þátt. Aukin framleiðsla þeirra í Ungverjalandi undanfarið ber uppi þann 3,9% hagvöxt sem varð á öðrum ársfjórðungi. Er þetta mesti hagvöxtur sem orðið hefur þar allar götur frá fyrsta ársfjórðungi 2006. Útflutningur iðnaðarframleiðslu jókst um 11% í júní og á útflutningur bíla þar stærstan þátt. Mercedes Benz framleiðir meira en 100.000 bíla á ári í Ungverjalandi og svo mikið hefur verið að gera í verksmiðju Mercedes Benz þar að bæta hefur þurft við þriðju vaktinn og því unnið allan sólarhringinn. Mestu skiptir þar aukin eftirspurn eftir B-Class og CLA bílum sem framleiddir eru í Ungverjalandi. Audi hefur þurft að gera það sama í verksmiðju sinni í Ungverjalandi og þar er einnig unnið allan sólarhringinn. Þar framleiðir Audi TT Coupe og Roadster og A3 sedan og A3 convertible bíla og er eftirspurn eftir þeim mikil. Þessi verksmiðja Audi hefur framleiðslugetu uppá 160.000 bíla en þar eru einnig framleiddar býsn af bílvélum en á síðasta ári voru þær 1.930.000 talsins. Verksmiðja Audi er í Gyor og þar hefur Audi fjárfest fyrir 142 milljarða króna á undanförnum árum.
Mest lesið Rafbílaeigendur með sínar leiðir til að svindla Innlent Starfsemi skert í tíu leik- eða grunnskólum í Reykjavík í vetur Innlent Mesta rúmmálið sem hefur safnast frá því að gosin hófust Innlent „Ekki sést á þessari öld“ Veður Kuldakastinu muni fylgja töluverð úrkoma Veður Vara við versnandi öryggisaðstæðum við Zaporizhzhia kjarnorkuverið Erlent Eru að slökkva í síðustu glæðunum í Somerset Erlent Kjörís gaf nokkur tonn af ís í dag Innlent „Ég hef aldrei séð annan eins viðbjóð“ Innlent Beðið eftir eldgosi: Allar vefmyndavélarnar á einum stað Innlent