Með gleðina í farteskinu Elín Albertsdóttir skrifar 12. september 2015 13:00 Hjördís syngur ekki bara fyrir farþega á Spáni heldur heimsækir hún reglulega dagvistarstofnanir á höfuðborgarsvæðinu og skemmtir fólki. MYND/VILHELM Hjördís Geirsdóttir söngkona er hvergi nærri hætt að syngja eða skemmta þótt hún sé 71 árs. Hún segist halda áfram á meðan heilsan leyfi. Hjördís flaug til Benidorm í gær þar sem hún er skemmtanastjóri. Hjördís er glaðlynd og hress en það þekkja vel þeir fjölmörgu farþegar sem hafa fylgt henni á sólarströnd, bæði Benidorm, Kanarí og Tenerífe í gegnum tíðina. Hún tekur gjarnan upp gítarinn og syngur gömlu, góðu lögin. Gömlu lögin sem hún söng á böllunum í gamla daga, enda syngja allir með Hjördísi. Dóttir hennar, Hera Björk Þórhallsdóttir, er ekki síður hress en þær mæðgur verða með tónleika í Salnum í Kópavogi í október ásamt fleiri góðum söngvurum þar sem Jóns Sigurðssonar, Jóns í bankanum, verður minnst. Hann hefði orðið níræður á þessu ári. Jón á heiðurinn af mörgum helstu dægurperlum Íslands. Gömlu meistararnir „Við vorum með svona tónleika í maí sem tókust svo vel að við ætlum að endurtaka leikinn. Við Jón störfuðum saman um árabil,“ segir Hjördís. „Jón var harmóníkuleikari, textahöfundur og bankamaður. Ég ætla að rifja upp texta hans með unga fólkinu sem syngur með mér. Fólk verður oft hissa á hversu mörg lög Jón gerði og flestir þekkja þau vel. Þessir gömlu meistarar gerðu svo fallega texta við dægurlög sem innihéldu gjarnan sögu. Hver man ekki eftir Einsa kalda úr Eyjunum, Ég er kominn heim, Komdu í kvöld, Úti í Hamborg og fleiri sígildum dægurperlum?“ spyr Hjördís. „Salurinn syngur með þegar maður syngur þessa gömlu, góðu texta.“Í fjörinu á Spáni Hjördís var búin að pakka þegar við spjölluðum við hana og orðin spennt að fara í sólina. Hún verður á Benidorm í mánuð en það er árlegt hjá henni á haustin. „Ég fer með farþegum 60+ og tek að mér að skemmta fólki. Um helgina byrjar fjörið, fyrst með kynningu, síðan göngutúr og síðan verður skemmtidagskrá á sunnudaginn. Á milli vinnu ætla ég bara að slaka á og njóta þess að vera í góða veðrinu. Ég fer á vorin til Tenerife og á haustin til Benidorm,“ segir Hjördís og bætir við að margir komi aftur og aftur í þessar ferðir. „Þetta er ægilega skemmtilegt fólk.“ Þegar Hjördís er spurð hvernig það hafi komið til að hún tók að sér þetta starf, svarar hún: „Fyrir þrjátíu árum söng ég á böllum fyrir eldriborgaraklúbb á vegum Útsýnar. Fólkið kom hvaðanæva af landinu og skemmti sér á Hótel Sögu. Þar var ég uppgötvuð og boðið að fara með í ferðir. Ég starfaði líka sem sjúkraliði og hafði því víðtæka reynslu til að fara með eldra fólki til útlanda. Í framhaldinu lærði ég nokkur grip á gítar og tek hann gjarnan upp á skemmtunum.“Syngur fyrir sjúka Hjördís skemmtir ekki eingöngu farþegum á sólarströnd. Hún heldur gjarnan söngskemmtanir fyrir fólk sem dvelur í Múlabæ ásamt fleiri konum sem kalla sig Hafmeyjarnar. „Við skemmtum fólki sem er þar í dagvistun. Fólk sem er orðið fullorðið og lúið, sumir að ná sér eftir veikindi. Fólk er ákaflega þakklátt þegar við komum og syngjum með því. Ég er með í fóstri nokkrar svona dagvistanir sem ég heimsæki reglulega og oft með Hafmeyjunum en þetta gerum við í sjálfboðavinnu. Það er svo gaman að upplifa gleðina með fólkinu,“ segir Hjördís. „Hafmeyjarnar eru konur sem ég kynntist í sundi þegar ég flutti í Mosfellsbæinn. Við fengum okkur kaffi eftir sundið og ég fékk þær til að koma með mér á dagvistarstofnanir og syngja fyrir fólkið þar. Við erum allar hættar að vinna og finnst þetta mjög skemmtilegt. Það sýna allir viðbrögð við söngnum, hversu lasið sem fólk er. Ég gæti gert þetta á hverjum degi hefði ég tíma, en ég fæ svo margar beiðnir um að koma á hinar og þessar stofnanir,“ segir Hjördís. „Við tökum mest gömul lög en svo ný inni á milli, eins og Það geta ekki allir verið gordjös og Þannig týnist tíminn.“Langur ferill Hjördís hefur verið lengi í bransanum. „Ég byrjaði að syngja fimmtán ára. Ég er fædd og uppalin í Flóanum. Bróðir minn, Gissur Geirsson heitinn, var með hljómsveit. Á þessum tíma var danska söngkonan Gitte Henning afar vinsæl. Hún kom hingað til lands árið 1959 og var með mjög vinsælt lag sem nefnist Mama. Ég fór að stæla sönginn hennar í fjósinu heima. Þegar Gissur bróðir heyrði í mér kippti hann mér á hljómsveitaræfingu og lét mig syngja Mama. Þannig varð ferillinn til,“ segir Hjördís sem söng meðal annars í fimm ár á Hótel Loftleiðum með hljómsveit Karls Lilliendahl. „Í þeirri hljómsveit voru líka Árni Scheving, Árni Elvar, Guðjón Karlsson og fleiri frábærir músíkantar.“ Hjördís hefur gefið út tvær hljómplötur, árin 1990 og 2001. Á seinni plötunni reyndi ég að ná saman eldri tónlistarmönnum og var með aldurstakmarið 50+. Mér blöskraði þessi ungdómsást sem var sprottin upp á þeim tíma. Ég gerði því uppreisn og fékk gömlu karlana með mér. Það voru sautján meðspilarar með mér á plötunni, tveir sem rétt sluppu inn vegna aldurs. Bakraddasöngkonurnar fengu undanþágu þar sem það voru Hera Björk, dóttir mín, og Kristjana Stefánsdóttir sem er nánast stjúpdóttir.“Hreyfing er góð Starfsmenn hótelsins Melia á Benidorm, þar sem Hjördís býr, eru afar kátir þegar hún kemur, enda syngur hún fyrir alla hótelgesti. „Ég syng Bítlana og Tinu Turner í bland við íslenska tónlist. Það er mjög gaman að eldast í þessu starfi og ég þakka fyrir góða heilsu. Ég hef alltaf hugsað vel um mig, stunda sund og fer í göngur. Ég var lengi heilbrigðisstarfsmaður og veit vel hvað það er mikilvægt að hreyfa sig,“ segir Hjördís. „Mér líður vel í sólinni og hitanum á Spáni en er ekki mikið fyrir að liggja í sólbaði. „Ég var í kuldanum fyrir norðan í sumar og lét hann svo sem ekkert á mig fá,“ segir Hjördís og bætir því við að fjölskyldan eigi lítinn og fallegan sveitabæ í Þingeyjarsýslu. „Við reynum að dvelja þar á sumrin, stunda trjárækt og veiða fisk.“ Hjördís segist hafa kynnst mörgu yndislegu fólki í gegnum starf sitt. Hún er mannblendin og á auðvelt með að umgangast fólk. Þegar hún er spurð hver sé uppáhaldsstaðurinn, svarar hún: „Það er eiginlega hver staður með sitt sérkenni en ef ég á að vera hreinskilin finnst mér best að vera á Tenerife. Þangað fer ég með hóp í mars,“ segir þessi hressi skemmtanastjóri. Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Sjá meira
Hjördís Geirsdóttir söngkona er hvergi nærri hætt að syngja eða skemmta þótt hún sé 71 árs. Hún segist halda áfram á meðan heilsan leyfi. Hjördís flaug til Benidorm í gær þar sem hún er skemmtanastjóri. Hjördís er glaðlynd og hress en það þekkja vel þeir fjölmörgu farþegar sem hafa fylgt henni á sólarströnd, bæði Benidorm, Kanarí og Tenerífe í gegnum tíðina. Hún tekur gjarnan upp gítarinn og syngur gömlu, góðu lögin. Gömlu lögin sem hún söng á böllunum í gamla daga, enda syngja allir með Hjördísi. Dóttir hennar, Hera Björk Þórhallsdóttir, er ekki síður hress en þær mæðgur verða með tónleika í Salnum í Kópavogi í október ásamt fleiri góðum söngvurum þar sem Jóns Sigurðssonar, Jóns í bankanum, verður minnst. Hann hefði orðið níræður á þessu ári. Jón á heiðurinn af mörgum helstu dægurperlum Íslands. Gömlu meistararnir „Við vorum með svona tónleika í maí sem tókust svo vel að við ætlum að endurtaka leikinn. Við Jón störfuðum saman um árabil,“ segir Hjördís. „Jón var harmóníkuleikari, textahöfundur og bankamaður. Ég ætla að rifja upp texta hans með unga fólkinu sem syngur með mér. Fólk verður oft hissa á hversu mörg lög Jón gerði og flestir þekkja þau vel. Þessir gömlu meistarar gerðu svo fallega texta við dægurlög sem innihéldu gjarnan sögu. Hver man ekki eftir Einsa kalda úr Eyjunum, Ég er kominn heim, Komdu í kvöld, Úti í Hamborg og fleiri sígildum dægurperlum?“ spyr Hjördís. „Salurinn syngur með þegar maður syngur þessa gömlu, góðu texta.“Í fjörinu á Spáni Hjördís var búin að pakka þegar við spjölluðum við hana og orðin spennt að fara í sólina. Hún verður á Benidorm í mánuð en það er árlegt hjá henni á haustin. „Ég fer með farþegum 60+ og tek að mér að skemmta fólki. Um helgina byrjar fjörið, fyrst með kynningu, síðan göngutúr og síðan verður skemmtidagskrá á sunnudaginn. Á milli vinnu ætla ég bara að slaka á og njóta þess að vera í góða veðrinu. Ég fer á vorin til Tenerife og á haustin til Benidorm,“ segir Hjördís og bætir við að margir komi aftur og aftur í þessar ferðir. „Þetta er ægilega skemmtilegt fólk.“ Þegar Hjördís er spurð hvernig það hafi komið til að hún tók að sér þetta starf, svarar hún: „Fyrir þrjátíu árum söng ég á böllum fyrir eldriborgaraklúbb á vegum Útsýnar. Fólkið kom hvaðanæva af landinu og skemmti sér á Hótel Sögu. Þar var ég uppgötvuð og boðið að fara með í ferðir. Ég starfaði líka sem sjúkraliði og hafði því víðtæka reynslu til að fara með eldra fólki til útlanda. Í framhaldinu lærði ég nokkur grip á gítar og tek hann gjarnan upp á skemmtunum.“Syngur fyrir sjúka Hjördís skemmtir ekki eingöngu farþegum á sólarströnd. Hún heldur gjarnan söngskemmtanir fyrir fólk sem dvelur í Múlabæ ásamt fleiri konum sem kalla sig Hafmeyjarnar. „Við skemmtum fólki sem er þar í dagvistun. Fólk sem er orðið fullorðið og lúið, sumir að ná sér eftir veikindi. Fólk er ákaflega þakklátt þegar við komum og syngjum með því. Ég er með í fóstri nokkrar svona dagvistanir sem ég heimsæki reglulega og oft með Hafmeyjunum en þetta gerum við í sjálfboðavinnu. Það er svo gaman að upplifa gleðina með fólkinu,“ segir Hjördís. „Hafmeyjarnar eru konur sem ég kynntist í sundi þegar ég flutti í Mosfellsbæinn. Við fengum okkur kaffi eftir sundið og ég fékk þær til að koma með mér á dagvistarstofnanir og syngja fyrir fólkið þar. Við erum allar hættar að vinna og finnst þetta mjög skemmtilegt. Það sýna allir viðbrögð við söngnum, hversu lasið sem fólk er. Ég gæti gert þetta á hverjum degi hefði ég tíma, en ég fæ svo margar beiðnir um að koma á hinar og þessar stofnanir,“ segir Hjördís. „Við tökum mest gömul lög en svo ný inni á milli, eins og Það geta ekki allir verið gordjös og Þannig týnist tíminn.“Langur ferill Hjördís hefur verið lengi í bransanum. „Ég byrjaði að syngja fimmtán ára. Ég er fædd og uppalin í Flóanum. Bróðir minn, Gissur Geirsson heitinn, var með hljómsveit. Á þessum tíma var danska söngkonan Gitte Henning afar vinsæl. Hún kom hingað til lands árið 1959 og var með mjög vinsælt lag sem nefnist Mama. Ég fór að stæla sönginn hennar í fjósinu heima. Þegar Gissur bróðir heyrði í mér kippti hann mér á hljómsveitaræfingu og lét mig syngja Mama. Þannig varð ferillinn til,“ segir Hjördís sem söng meðal annars í fimm ár á Hótel Loftleiðum með hljómsveit Karls Lilliendahl. „Í þeirri hljómsveit voru líka Árni Scheving, Árni Elvar, Guðjón Karlsson og fleiri frábærir músíkantar.“ Hjördís hefur gefið út tvær hljómplötur, árin 1990 og 2001. Á seinni plötunni reyndi ég að ná saman eldri tónlistarmönnum og var með aldurstakmarið 50+. Mér blöskraði þessi ungdómsást sem var sprottin upp á þeim tíma. Ég gerði því uppreisn og fékk gömlu karlana með mér. Það voru sautján meðspilarar með mér á plötunni, tveir sem rétt sluppu inn vegna aldurs. Bakraddasöngkonurnar fengu undanþágu þar sem það voru Hera Björk, dóttir mín, og Kristjana Stefánsdóttir sem er nánast stjúpdóttir.“Hreyfing er góð Starfsmenn hótelsins Melia á Benidorm, þar sem Hjördís býr, eru afar kátir þegar hún kemur, enda syngur hún fyrir alla hótelgesti. „Ég syng Bítlana og Tinu Turner í bland við íslenska tónlist. Það er mjög gaman að eldast í þessu starfi og ég þakka fyrir góða heilsu. Ég hef alltaf hugsað vel um mig, stunda sund og fer í göngur. Ég var lengi heilbrigðisstarfsmaður og veit vel hvað það er mikilvægt að hreyfa sig,“ segir Hjördís. „Mér líður vel í sólinni og hitanum á Spáni en er ekki mikið fyrir að liggja í sólbaði. „Ég var í kuldanum fyrir norðan í sumar og lét hann svo sem ekkert á mig fá,“ segir Hjördís og bætir því við að fjölskyldan eigi lítinn og fallegan sveitabæ í Þingeyjarsýslu. „Við reynum að dvelja þar á sumrin, stunda trjárækt og veiða fisk.“ Hjördís segist hafa kynnst mörgu yndislegu fólki í gegnum starf sitt. Hún er mannblendin og á auðvelt með að umgangast fólk. Þegar hún er spurð hver sé uppáhaldsstaðurinn, svarar hún: „Það er eiginlega hver staður með sitt sérkenni en ef ég á að vera hreinskilin finnst mér best að vera á Tenerife. Þangað fer ég með hóp í mars,“ segir þessi hressi skemmtanastjóri.
Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Sjá meira