Umfjöllun og viðtöl: Stjarnan - Fram 26-21 | Frábær fyrri hálfleikur Stjörnunnar gerði útslagið Dagur Sveinn Dagbjartsson skrifar 30. apríl 2015 20:45 vísir/vilhelm Stjarnan jafnaði metin í einvígi sínu við Fram í úrslitakeppni Olís-deildar kvenna með því að leggja Fram að velli með fimm marka mun, 26-21, í Mýrinni. Frábær vörn Stjörnunnar í gerði útslagið og Framstúlkur voru algjörlega týndar í fyrri hálfleik. Fyrri hálfleikurinn í Mýrinni var eign Stjörnunnar frá upphafi til enda. Heimastúlkur náðu undirtökum strax í upphafi og fljótlega sást í hvað stefndi. Stjörnustúlkur voru miklu grimmari og gestirnir voru fljótir að gefast upp. Vörn Stjörnunnar var feykilega öflug og þá sérstaklega hægri vængurinn þar sem þær Þórhildur Gunnarsdóttir og Esther Ragnarsdóttir náðu að loka algjörlega á Ragnheiði Júlíusdóttur, stórskyttu Framara. Vörnin, yfirleitt með eina til tvær framliggjandi, truflaði sóknarleik Framara mikið og Framstúlkur klúðruðu hverri sókninni á fætur annarri. Stjarnan náði mest níu marka forystu, 12-3, í fyrri hálfleik. Stefán Arnarson, þjálfari Fram, var allt annað en sáttur við sínar stúlkur í fyrri hálfleiknum og tók til að mynda tvisvar leikhlé. Þau skiluðu engu. Ekki nóg með að vörn Stjörnunnar hafi verið góð í fyrri hálfleiknum heldur var sóknin einnig til fyrirmyndar, margir leikmenn að taka ábyrgð og alls skoruðu sex leikmenn Stjörnunnar mark í fyrri hálfleik. Florentina Stanciu, markvörður Stjörnunnar, sem yfirleitt er einna atkvæðamest í leik liðsins, þurfti varla að verja skot í fyrri hálfleik. Varði fimm skot í fyrri hálfleik. Það var öllu meira að gera hjá Florentinu í síðari hálfleik því Fram mætti af gríðarlegum krafti inn í síðari hálfleikinn. Fram skoraði fimm fyrstu mörk hálfleiksins og virtist ætla að gera þetta að alvöru leik. En Fram náði aldrei að minnka muninn niður í meira en fjögur mörk. Alltaf þegar Fram virtist ætla að færast nær náðu Stjörnustúlkur alltaf að svara. Ýmist Florentina í markinu að verja mikilvæg skot eða sókn Stjörnunnar að gera það sem þurfti, auka muninn aftur í fimm mörk. Stjarnan gerði það sem þurfti í síðari hálfleik og fór að lokum með öruggan fimm marka sigur af hólmi, 26-21. Sólveig Lára Kjærnested var með 100% skotnýtingu í þessum leik, sex mörk í sex skotum, og þá var Florentina öflug á ögurstundu eins og fram hefur komið. Hjá Fram var Hulda Dagsdóttir markahæst með sex mörk.Helena Rut Örvarsdóttir: Við vorum nokkrum mörkum yfir og við þurftum bara að stilla okkur aðeins betur saman og slaka aðeins á Helena Rut Örvarsdóttir, leikmaður Stjörnunnar, skoraði 4 mörk í leiknum í kvöld. Hún var að vonum sátt að honum loknum og sagði að barátta liðsins hafi gert gæfumuninn. "Við byrjuðum leikinn frábærlega, vorum með fókus allan tímann í vörninni og vörnin var mjög mjög góð í fyrri hálfleik," sagði Helena Rut og bætti við að liðið hafi verið staðráðið í að slá hvergi slöku við þegar leið á leikinn þó staðan væri vænleg. "Við ætluðum bara að halda áfram allan tímann. Stebbi (þjálfari Fram) tók tvö leikhlé og eftir bæði leikhléin þá ætluðum við að halda áfram því tempói sem við vorum á og halda fókus allan tímann," sagði Helena Rut en Fram skoraði fimm fyrstu mörkin í síðari hálfleik. "Við vorum nokkrum mörkum yfir og við þurftum bara að stilla okkur aðeins betur saman og slaka aðeins á. Við vorum að drífa okkur aðeins og mikið," sagði Helena Rut. Nú er ljóst að Stjarnan þarf að gera það sem liðinu hefur ekki tekist hingað til í vetur, hvorki í deildinni né í úrslitakeppninni, að vinna Fram í Safamýra. "Það var vitað fyrirfram að við þyrftum að vinna í Safamýrinni. Það tókst ekki í hin tvö skiptin í úrslitakeppninni þannig að það verður að takast í næsta leik," sagði Helena Rut að lokum.Stefán Arnarson: Fyrri hálfleikur var skelfilegur af okkar hálfu Stefán Arnarson, þjálfari Fram, átti fá svör þegar hann var spurður út í það hvað hafi verið að hjá Framliðinu í fyrri hálfleik. "Við höfðum engin svör við því, eins og sást, og við verðum bara að skoða það. En það er ljóst að hann var skelfilegur af okkar hálfu," sagði Stefán. "Við vissum að við gætum gert betur og vildum sýna fólki sem kom að horfa á okkur að það væri smá líf í liðinu. Við gerðum það, náðum tvisvar að minnka í fjögur mörk en því miður dugði það ekki," sagði Stefán og bætti við að liði hafi reynt eftir fremsta megni að gera alvöru leik úr þessu. "Við gerðum leik úr þessu, minnkuðum tvisvar í fjögur mörk og fjögur mörk í handbolta er ekki mikið. En á þessum kafla, þá fá þær fráköst og fara aftur í fimm til sex marka mun, við missum leikmenn útaf og þá var þetta erfitt," sagði Stefán. Fram hefur síður en svo riðið feitum hesti frá leikjum sínum við Stjörnuna í Mýrinni í vetur, tapað öllum þremur viðureignum sínum. "Við höfum ekki náð okkur á strik hér, hver sem skýringin er. Við munum fara í 1. maí göngu á morgun, safna liði og koma sterkari til leiks á laugardaginn," sagði Stefán að lokum. Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Stjarnan jafnaði metin í einvígi sínu við Fram í úrslitakeppni Olís-deildar kvenna með því að leggja Fram að velli með fimm marka mun, 26-21, í Mýrinni. Frábær vörn Stjörnunnar í gerði útslagið og Framstúlkur voru algjörlega týndar í fyrri hálfleik. Fyrri hálfleikurinn í Mýrinni var eign Stjörnunnar frá upphafi til enda. Heimastúlkur náðu undirtökum strax í upphafi og fljótlega sást í hvað stefndi. Stjörnustúlkur voru miklu grimmari og gestirnir voru fljótir að gefast upp. Vörn Stjörnunnar var feykilega öflug og þá sérstaklega hægri vængurinn þar sem þær Þórhildur Gunnarsdóttir og Esther Ragnarsdóttir náðu að loka algjörlega á Ragnheiði Júlíusdóttur, stórskyttu Framara. Vörnin, yfirleitt með eina til tvær framliggjandi, truflaði sóknarleik Framara mikið og Framstúlkur klúðruðu hverri sókninni á fætur annarri. Stjarnan náði mest níu marka forystu, 12-3, í fyrri hálfleik. Stefán Arnarson, þjálfari Fram, var allt annað en sáttur við sínar stúlkur í fyrri hálfleiknum og tók til að mynda tvisvar leikhlé. Þau skiluðu engu. Ekki nóg með að vörn Stjörnunnar hafi verið góð í fyrri hálfleiknum heldur var sóknin einnig til fyrirmyndar, margir leikmenn að taka ábyrgð og alls skoruðu sex leikmenn Stjörnunnar mark í fyrri hálfleik. Florentina Stanciu, markvörður Stjörnunnar, sem yfirleitt er einna atkvæðamest í leik liðsins, þurfti varla að verja skot í fyrri hálfleik. Varði fimm skot í fyrri hálfleik. Það var öllu meira að gera hjá Florentinu í síðari hálfleik því Fram mætti af gríðarlegum krafti inn í síðari hálfleikinn. Fram skoraði fimm fyrstu mörk hálfleiksins og virtist ætla að gera þetta að alvöru leik. En Fram náði aldrei að minnka muninn niður í meira en fjögur mörk. Alltaf þegar Fram virtist ætla að færast nær náðu Stjörnustúlkur alltaf að svara. Ýmist Florentina í markinu að verja mikilvæg skot eða sókn Stjörnunnar að gera það sem þurfti, auka muninn aftur í fimm mörk. Stjarnan gerði það sem þurfti í síðari hálfleik og fór að lokum með öruggan fimm marka sigur af hólmi, 26-21. Sólveig Lára Kjærnested var með 100% skotnýtingu í þessum leik, sex mörk í sex skotum, og þá var Florentina öflug á ögurstundu eins og fram hefur komið. Hjá Fram var Hulda Dagsdóttir markahæst með sex mörk.Helena Rut Örvarsdóttir: Við vorum nokkrum mörkum yfir og við þurftum bara að stilla okkur aðeins betur saman og slaka aðeins á Helena Rut Örvarsdóttir, leikmaður Stjörnunnar, skoraði 4 mörk í leiknum í kvöld. Hún var að vonum sátt að honum loknum og sagði að barátta liðsins hafi gert gæfumuninn. "Við byrjuðum leikinn frábærlega, vorum með fókus allan tímann í vörninni og vörnin var mjög mjög góð í fyrri hálfleik," sagði Helena Rut og bætti við að liðið hafi verið staðráðið í að slá hvergi slöku við þegar leið á leikinn þó staðan væri vænleg. "Við ætluðum bara að halda áfram allan tímann. Stebbi (þjálfari Fram) tók tvö leikhlé og eftir bæði leikhléin þá ætluðum við að halda áfram því tempói sem við vorum á og halda fókus allan tímann," sagði Helena Rut en Fram skoraði fimm fyrstu mörkin í síðari hálfleik. "Við vorum nokkrum mörkum yfir og við þurftum bara að stilla okkur aðeins betur saman og slaka aðeins á. Við vorum að drífa okkur aðeins og mikið," sagði Helena Rut. Nú er ljóst að Stjarnan þarf að gera það sem liðinu hefur ekki tekist hingað til í vetur, hvorki í deildinni né í úrslitakeppninni, að vinna Fram í Safamýra. "Það var vitað fyrirfram að við þyrftum að vinna í Safamýrinni. Það tókst ekki í hin tvö skiptin í úrslitakeppninni þannig að það verður að takast í næsta leik," sagði Helena Rut að lokum.Stefán Arnarson: Fyrri hálfleikur var skelfilegur af okkar hálfu Stefán Arnarson, þjálfari Fram, átti fá svör þegar hann var spurður út í það hvað hafi verið að hjá Framliðinu í fyrri hálfleik. "Við höfðum engin svör við því, eins og sást, og við verðum bara að skoða það. En það er ljóst að hann var skelfilegur af okkar hálfu," sagði Stefán. "Við vissum að við gætum gert betur og vildum sýna fólki sem kom að horfa á okkur að það væri smá líf í liðinu. Við gerðum það, náðum tvisvar að minnka í fjögur mörk en því miður dugði það ekki," sagði Stefán og bætti við að liði hafi reynt eftir fremsta megni að gera alvöru leik úr þessu. "Við gerðum leik úr þessu, minnkuðum tvisvar í fjögur mörk og fjögur mörk í handbolta er ekki mikið. En á þessum kafla, þá fá þær fráköst og fara aftur í fimm til sex marka mun, við missum leikmenn útaf og þá var þetta erfitt," sagði Stefán. Fram hefur síður en svo riðið feitum hesti frá leikjum sínum við Stjörnuna í Mýrinni í vetur, tapað öllum þremur viðureignum sínum. "Við höfum ekki náð okkur á strik hér, hver sem skýringin er. Við munum fara í 1. maí göngu á morgun, safna liði og koma sterkari til leiks á laugardaginn," sagði Stefán að lokum.
Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira