Umfjöllun, viðtöl og einkunnir: Keflavík - ÍBV 3-1 | Þjálfaraskiptin höfðu jákvæð áhrif Árni Jóhannsson á Nettó-vellinum skrifar 7. júní 2015 16:15 Hörður Sveinsson, leikmaður Keflavíkur. vísir/ernir Keflvíkingar unnu sinn fyrsta leik í sumar þegar þeir lögðu Eyjamenn að velli í Keflavík fyrr í dag. Leikurinn endaði 3-1 fyrir heimamenn sem voru betri aðilinn í seinni hálfleik en leikurinn var mjög jafn í fyrri hálfleik. Bæði lið eru því komin með fjögur stig og sitja saman á botni deildarinnar. Gestirnir úr Vestmannaeyjum voru frískari í byrjun leiks og voru meira með boltann fyrsta korterið. Heimamenn vöknuðu þó til lífsins á þeim tímapunkti og sýndu betri sóknartilburði en leikurinn var þó mest leikinn á miðjum vellinum Keflvíkingar uppskáru síðan mark á 19. mínútu þegar Jón Ingason misreiknaði boltann og stal Sigurbergur Elisson honum og renndi boltanum fyrir markið. Þar var Hörður Sveinsson mættur og renndi boltanum í netið framhjá Guðjóni Sigurjónssyni og forskotið heimamanna. Eyjamenn hresstust aftur eftir markið og voru meira með boltann næstu mínúturna án þess þó að skapa sér einhver færi sem hægt er að tala um. Á 31. mínútu fengu gestirnir svo víti þegar brotið var á Ian Jeffs og uppskar Haraldur Freyr Guðmundsson gult spjald að launum fyrir brotið. Jonathan Glenn steig á punktinn og skoraði með þéttingsföstu skoti. Markvörðurinn var samt með hönd á boltanum en náði ekki að halda boltanum frá markinu. Það mætti segja að það hafi verið verðskuldað að Eyjamenn hafi jafnað leikinn. Hálfleikurinn leið síðan út og var jafnt í hálfleik. Bæði lið voru þó heppin að vera með 11 menn inn á í hálfleik en Haraldur Freyr og Jonathan Barden fengu báðir gult spjald og brutu síðan aftur af sér brotum sem hefðu getað verðskuldað annað gult spjald. Keflvíkingar voru sterkari aðilinn í síðari hálfleik til að gera langa sögu stutta. Leikurinn bauð ekki upp á mikil gæði eða mörg færi en þau fáu sem komu voru eign heimamanna. Heimamenn endurheimtu forskotið þegar 15 mínútur voru liðnar af seinni hálfleik. Samuel Hernandez tók hornspyrnu og datt boltinn fyrir fætur Einars Orra Einarssonar sem var ekkert að tvínóna við hlutina heldur þrumaði hann boltanum upp í þaknetið þannig að boltinn söng í netinu. Keflvíkingar voru vel að því komnir að taka forystuna. Gestirnir hresstust örlítið við að fá á sig markið eins og gerðist með fyrra markið en þó án þess að ná að skapa sér færi og ógna marki heimamanna sem gerðu síðan út um leikinn þegar níu mínútur voru eftir af honum. Hernandez gaf þá boltann fyrir af vinstri kantinum á Sigurberg Elisson, sem var besti maður vallarins, hann lagði boltann aftur fyrir markið á Leonard Sigurðsson sem smellti boltanum í stöngina og inn. Vel spilað hjá heimamönnum og stigin þrjú í höfn fyrir Keflvíkinga. Leikurinn leið síðan án teljandi atvika. Keflvíkingar þar með komnir með fyrsta sigurinn í sumar og jafna Eyjamenn að stigum en sitja þó enn á botninum ásamt ÍBV.Haukur Ingi Guðnason: Gífurlega ánægðir með strákana í dag Haukur Ingi Guðnason var að þjálfa sinn fyrsta leik sem aðalþjálfari liðs í efstu deild þegar Keflavík vann ÍBV í Keflavík á sunnudag. Hann var ánægður með framlag sinna manna. „Við vorum þéttir og að vinna vel saman og í dag gekk það upp. Planið sem við lögðum upp með fyrir leik gekk 90% upp hjá okkur í dag. Aðallega vorum við þéttari varnarlega og voru að vinna vel saman en þegar það er stuttur fyrirvari fyrir fyrsta leik eins og hjá okkur í dag þá verður maður að passa sig líka á því að umturna ekki öllu 1, 2 og 3. Við byggjum bara á því starfi sem er búið að vera hérna áður og ég tel að strákarnir hafi tekið því vel sem fyrir þá var lagt og við Jóhann erum gífurlega ánægðir með þá. Þá er vert að nefna þátt Gunnars Magnúsar Jónssonar en hann hjálpaði okkur gífurlega mikið í undirbúningnum fyrir leikinn.“ Haukur var spurður hvort það hafi þurft mikið að tala um andlegu hlið leikamanna liðsins en það hlýtur að hafa tekið á að vera ekki búnir að ná sigri á mótinu. „Það er einhver hluti af þessu og fórum við yfir nokkra punkta hvað það varðar og skilaði það sér ágætlega í dag.“ Það vakti athygli að hvorki Guðjón Árni Antoníusson né Richard Arends voru í hóp heimamanna í dag og var Haukur spurður út í þá staðreynd. „Guðjón Árni er búinn að vera veikur undanfarið og við vitum ekki hversu lengi það mun vara en hann er að skríða saman. Richard er búinn að vera meiddur og við sjáum það á næstu dögum hversu lngi það verður. Sindri stóð sig hins vegar mjög vel í dag.“Sigurbergur Elisson: Hrikalega gott að klára þennan leik „Þetta er hrikalega góð tilfinning, maður var hálfpartin búinn að gleyma því hvernig sigurtilfinningin var og því hrikalega gott að koma inn í klefa með þrjú stig í farteskinu“, sagði besti maður leiksins Sigurbergur Elisson eftir sigur Keflvíkinga á ÍBV í dag. Sigurbergur var spurður hvað nýjir þjálfarar hefðu lagt upp með fyrir leik. „Ég ætla kannski ekki að opinbera það hér en það eru ýmsar breyttar áherslur í leik okkar sem farið var strax í á æfingu á föstudeginum. Það skilaði sér í dag. Ég sé að framhaldið sé bjart hjá okkur, við erum vonandi dottnir í gírinn og ef við höldum áfram á sömu braut þá förum við að safna fleiri stigum en það var mikilvægt að ná fyrsta sigrinum og var þetta farið að leggjast á sálina á manni. Hrikalega gott að klára þennan leik og sérstaklega á heimavelli."Jóhannes Þór Harðarson: Menn þurfa að vera innstilltir á það að berjast fyrir hvorn annan Þjálfari Vestmanneyinga var spurður að því hvað hafi klikkað hjá hans mönnum í leiknum á móti Keflavík á sunnudag. „Fyrst og fremst voru Keflvíkingar töluvert grimmari heldur en við og eins og aðstæður voru hér í dag þá snerist þetta fyrst og fremst um það að vera grimmari og vinna slagina á vellinum. Við spiluðum svo sem ágætlega á köflum í fyrri hálfleik og sköpum okkur nokkur færi. Þeir hefðu átt að missa mann af velli þegar vítaspyrnan var dæmd en engu að síður eiga Keflvíkingar hrós skilið því þeir voru grimmari og verðskulda sigurinn.“ Hann var spurður hvort þetta tap myndi hafa einhver áhrif á framhald liðsins í Íslandsmótinu en Keflvíkingar náðu að jafna þá Eyjamenn að stigum. „Við verðum að sjá til þess að svo verði ekki og halda hausnum uppi og halda áfram. Við erum bara í þannig stöðu eins og Keflavík og fleiri lið að við þurfum að mæta í hvern leik og berjast til síðasta blóðdropa, það er algjört skilyrði. Því þurfum við að ná fram fyrir næsta leik á móti FH.“ „Menn þurfa að vera innstilltir á það að berjast fyrir hvorn annan, FH er náttúrulega feyki öflugt lið og þurfum við að fara vel yfir leik þeirra og vera eins vel undirbúnir undir það og við getum.“ Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn „Gæti verið minn síðasti leikur á laugardaginn“ Íslenski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Fleiri fréttir „Gæti verið minn síðasti leikur á laugardaginn“ Í beinni: Breiðablik - Stjarnan | Blikar verða að vinna Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Uppgjörið : FH - Valur | Gylfi klúðraði víti og FH stal stigi í uppbótartíma Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Sjá meira
Keflvíkingar unnu sinn fyrsta leik í sumar þegar þeir lögðu Eyjamenn að velli í Keflavík fyrr í dag. Leikurinn endaði 3-1 fyrir heimamenn sem voru betri aðilinn í seinni hálfleik en leikurinn var mjög jafn í fyrri hálfleik. Bæði lið eru því komin með fjögur stig og sitja saman á botni deildarinnar. Gestirnir úr Vestmannaeyjum voru frískari í byrjun leiks og voru meira með boltann fyrsta korterið. Heimamenn vöknuðu þó til lífsins á þeim tímapunkti og sýndu betri sóknartilburði en leikurinn var þó mest leikinn á miðjum vellinum Keflvíkingar uppskáru síðan mark á 19. mínútu þegar Jón Ingason misreiknaði boltann og stal Sigurbergur Elisson honum og renndi boltanum fyrir markið. Þar var Hörður Sveinsson mættur og renndi boltanum í netið framhjá Guðjóni Sigurjónssyni og forskotið heimamanna. Eyjamenn hresstust aftur eftir markið og voru meira með boltann næstu mínúturna án þess þó að skapa sér einhver færi sem hægt er að tala um. Á 31. mínútu fengu gestirnir svo víti þegar brotið var á Ian Jeffs og uppskar Haraldur Freyr Guðmundsson gult spjald að launum fyrir brotið. Jonathan Glenn steig á punktinn og skoraði með þéttingsföstu skoti. Markvörðurinn var samt með hönd á boltanum en náði ekki að halda boltanum frá markinu. Það mætti segja að það hafi verið verðskuldað að Eyjamenn hafi jafnað leikinn. Hálfleikurinn leið síðan út og var jafnt í hálfleik. Bæði lið voru þó heppin að vera með 11 menn inn á í hálfleik en Haraldur Freyr og Jonathan Barden fengu báðir gult spjald og brutu síðan aftur af sér brotum sem hefðu getað verðskuldað annað gult spjald. Keflvíkingar voru sterkari aðilinn í síðari hálfleik til að gera langa sögu stutta. Leikurinn bauð ekki upp á mikil gæði eða mörg færi en þau fáu sem komu voru eign heimamanna. Heimamenn endurheimtu forskotið þegar 15 mínútur voru liðnar af seinni hálfleik. Samuel Hernandez tók hornspyrnu og datt boltinn fyrir fætur Einars Orra Einarssonar sem var ekkert að tvínóna við hlutina heldur þrumaði hann boltanum upp í þaknetið þannig að boltinn söng í netinu. Keflvíkingar voru vel að því komnir að taka forystuna. Gestirnir hresstust örlítið við að fá á sig markið eins og gerðist með fyrra markið en þó án þess að ná að skapa sér færi og ógna marki heimamanna sem gerðu síðan út um leikinn þegar níu mínútur voru eftir af honum. Hernandez gaf þá boltann fyrir af vinstri kantinum á Sigurberg Elisson, sem var besti maður vallarins, hann lagði boltann aftur fyrir markið á Leonard Sigurðsson sem smellti boltanum í stöngina og inn. Vel spilað hjá heimamönnum og stigin þrjú í höfn fyrir Keflvíkinga. Leikurinn leið síðan án teljandi atvika. Keflvíkingar þar með komnir með fyrsta sigurinn í sumar og jafna Eyjamenn að stigum en sitja þó enn á botninum ásamt ÍBV.Haukur Ingi Guðnason: Gífurlega ánægðir með strákana í dag Haukur Ingi Guðnason var að þjálfa sinn fyrsta leik sem aðalþjálfari liðs í efstu deild þegar Keflavík vann ÍBV í Keflavík á sunnudag. Hann var ánægður með framlag sinna manna. „Við vorum þéttir og að vinna vel saman og í dag gekk það upp. Planið sem við lögðum upp með fyrir leik gekk 90% upp hjá okkur í dag. Aðallega vorum við þéttari varnarlega og voru að vinna vel saman en þegar það er stuttur fyrirvari fyrir fyrsta leik eins og hjá okkur í dag þá verður maður að passa sig líka á því að umturna ekki öllu 1, 2 og 3. Við byggjum bara á því starfi sem er búið að vera hérna áður og ég tel að strákarnir hafi tekið því vel sem fyrir þá var lagt og við Jóhann erum gífurlega ánægðir með þá. Þá er vert að nefna þátt Gunnars Magnúsar Jónssonar en hann hjálpaði okkur gífurlega mikið í undirbúningnum fyrir leikinn.“ Haukur var spurður hvort það hafi þurft mikið að tala um andlegu hlið leikamanna liðsins en það hlýtur að hafa tekið á að vera ekki búnir að ná sigri á mótinu. „Það er einhver hluti af þessu og fórum við yfir nokkra punkta hvað það varðar og skilaði það sér ágætlega í dag.“ Það vakti athygli að hvorki Guðjón Árni Antoníusson né Richard Arends voru í hóp heimamanna í dag og var Haukur spurður út í þá staðreynd. „Guðjón Árni er búinn að vera veikur undanfarið og við vitum ekki hversu lengi það mun vara en hann er að skríða saman. Richard er búinn að vera meiddur og við sjáum það á næstu dögum hversu lngi það verður. Sindri stóð sig hins vegar mjög vel í dag.“Sigurbergur Elisson: Hrikalega gott að klára þennan leik „Þetta er hrikalega góð tilfinning, maður var hálfpartin búinn að gleyma því hvernig sigurtilfinningin var og því hrikalega gott að koma inn í klefa með þrjú stig í farteskinu“, sagði besti maður leiksins Sigurbergur Elisson eftir sigur Keflvíkinga á ÍBV í dag. Sigurbergur var spurður hvað nýjir þjálfarar hefðu lagt upp með fyrir leik. „Ég ætla kannski ekki að opinbera það hér en það eru ýmsar breyttar áherslur í leik okkar sem farið var strax í á æfingu á föstudeginum. Það skilaði sér í dag. Ég sé að framhaldið sé bjart hjá okkur, við erum vonandi dottnir í gírinn og ef við höldum áfram á sömu braut þá förum við að safna fleiri stigum en það var mikilvægt að ná fyrsta sigrinum og var þetta farið að leggjast á sálina á manni. Hrikalega gott að klára þennan leik og sérstaklega á heimavelli."Jóhannes Þór Harðarson: Menn þurfa að vera innstilltir á það að berjast fyrir hvorn annan Þjálfari Vestmanneyinga var spurður að því hvað hafi klikkað hjá hans mönnum í leiknum á móti Keflavík á sunnudag. „Fyrst og fremst voru Keflvíkingar töluvert grimmari heldur en við og eins og aðstæður voru hér í dag þá snerist þetta fyrst og fremst um það að vera grimmari og vinna slagina á vellinum. Við spiluðum svo sem ágætlega á köflum í fyrri hálfleik og sköpum okkur nokkur færi. Þeir hefðu átt að missa mann af velli þegar vítaspyrnan var dæmd en engu að síður eiga Keflvíkingar hrós skilið því þeir voru grimmari og verðskulda sigurinn.“ Hann var spurður hvort þetta tap myndi hafa einhver áhrif á framhald liðsins í Íslandsmótinu en Keflvíkingar náðu að jafna þá Eyjamenn að stigum. „Við verðum að sjá til þess að svo verði ekki og halda hausnum uppi og halda áfram. Við erum bara í þannig stöðu eins og Keflavík og fleiri lið að við þurfum að mæta í hvern leik og berjast til síðasta blóðdropa, það er algjört skilyrði. Því þurfum við að ná fram fyrir næsta leik á móti FH.“ „Menn þurfa að vera innstilltir á það að berjast fyrir hvorn annan, FH er náttúrulega feyki öflugt lið og þurfum við að fara vel yfir leik þeirra og vera eins vel undirbúnir undir það og við getum.“
Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn „Gæti verið minn síðasti leikur á laugardaginn“ Íslenski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Fleiri fréttir „Gæti verið minn síðasti leikur á laugardaginn“ Í beinni: Breiðablik - Stjarnan | Blikar verða að vinna Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Uppgjörið : FH - Valur | Gylfi klúðraði víti og FH stal stigi í uppbótartíma Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Sjá meira
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn