Guðjón Baldvinsson er búinn að fá leikheimild með Stjörnunni og getur því leikið með Garðabæjarliðinu gegn ÍA í fyrsta leik 12. umferðar Pepsi-deildar karla á morgun.
Guðjón gekk í raðir uppeldisfélagsins frá danska liðinu Nordsjælland í dag og gerði þriggja ára samning við Stjörnuna.
Guðjón lék síðast með Stjörnunni sumarið 2007 en eftir tímabilið fór hann til KR þar sem hann spilaði samtals þrjú tímabil.
Guðjón hefur aldrei leikið með Stjörnunni í efstu deild en hann gerði 36 mörk í 66 leikjum með liðinu í 1. og 2. deild á árunum 2003-07.
Í samtali við Vísi fyrr í dag sagðist Guðjón óviss hvort hann myndi spila leikinn gegn ÍA en hann flýgur til Íslands í kvöld.
„Við bara sjáum til hvernig þetta fer allt saman. Hvort það sé sniðugt að fljúga heim seint í kvöld og spila leik á morgun án þess að æfa með liðinu veit ég ekki. Ég tek bara ákvörðun Rúnars Páls.“
Stjörnumönnum veitir ekki af liðsstyrk en Íslandsmeistararnir eru í 6. sæti Pepsi-deildarinnar með aðeins 15 stig eftir 11 umferðir.
Guðjón kominn með leikheimild | Getur spilað gegn ÍA á morgun
Tengdar fréttir
Guðjón Baldvinsson gerði þriggja ára samning við Stjörnuna
Framherjinn kominn heim í Garðabæ eftir átta ára fjarveru en hann spilaði fyrsta leikinn fyrir uppeldisfélagið árið 2003.
Guðjón stefnir á það spila fyrsta leikinn með Stjörnunni á móti ÍBV 26. júlí
Stjörnumenn eru að endurheimta einn af fótboltasonum félagsins því Íslandsmeistararnir eru að kaupa Guðjón Baldvinsson frá danska liðinu Nordsjælland eins og fram kom á Vísi fyrr í kvöld og fyrst var greint frá á vefsíðunni Fótbolti.net.
Guðjón: Þetta var klúður frá upphafi
Garðbæingurinn ánægður með að vera kominn heim en dvölin hjá Nordsjælland var ekki jákvæð.
Stjarnan að kaupa Guðjón Baldvinsson frá Nordsjælland
Guðjón Baldvinsson er á leiðinni aftur heim til Íslands og mun spila með Stjörnunni í seinni umferð Pepsi-deildar karla en þetta er mikilli liðstyrkur fyrir Garðabæjarliðið.
