Franska liðið vann nokkuð sannfærandi sigur á Spánverjum í gær en á sama tíma náðu Slóvenar að snúa taflinu við á lokametrunum gegn Íslandi. Virkuðu slóvensku leikmennirnir örlítið orkulausir fyrir vikið í dag.
Franska liðið náði yfirhöndinni í leiknum strax á fyrstu mínútum og leiddu í hálfleik með þremur mörkum. Í seinni hálfleik voru úrslitin aldrei spurning en um miðbik hálfleiksins leiddi franska liðið þegar mest var með níu mörkum.
Slóvenska liðið reyndi að vinna upp muninn á seinustu tíu mínútum leiksins en tíminn var of naumur og lauk leiknum með 33-26 sigri franska liðsins.
