Umfjöllun og viðtöl: Víkingur - Grótta 22-20 | Víkingur vann nýliðaslaginn Guðmundur Marinó Ingvarsson í Víkinni skrifar 17. september 2015 21:45 Jóhann Reynir Gunnlaugsson var markahæstur Víkinga í kvöld. vísir/stefán Víkingur lagði Gróttu 22-20 í nýliðaslag liðanna í Víkinni í 3. umferð Olís deildar karla í handbolta í kvöld. Grótta var 12-10 yfir í hálfleik. Grótta var sterkara liðið í fyrri hálfleik eftir nokkuð jafna byrjun. Gestirnir náðu mest þriggja marka forystu og virtust hafa nokkuð góð tök á leiknum. Varnarleikur beggja liða var góður en Víkingur skellti hreinlega í lás í seinni hálfleik. Það tók Gróttu tæpar sex mínútur að skora fyrsta markið eftir hlé og þó liðið hafi aftur náð tveggja marka forystu þegar 18 mínútur voru til leiksloka var vandræðagangur í sóknarleik liðsins. Magnús Gunnar Erlendsson markvörður Víkings skellti í lás eftir að Grótta náði aftur tveggja marka forystu og hélt markinu hreinu í 9 mínútur. Þá náði Víkingur tveggja marka forystu en enn var tími fyrir frekari sviptingar. Víkingur virtist ætla að kasta frá sér sigrinum því Grótta náði að jafna metin með auðveldum mörkum þegar fimm mínútur voru eftir. Upphófst æsispennandi lokakafli þar sem Víkingar voru sterkari með öfluga vörn sína sem sitt sterkasta vopn. Grótta þurfti að hafa mikið fyrir því að sjá markið og virtust leikmenn liðsins hreinlega ekki hafa trú á því að þeir kæmust í gegn. Það hjálpaði Gróttu ekki að leikmenn liðsins sóttu ítrekað inn á miðja vörn Víkinga þar sem hún er stærst og sterkust. Á sama tíma stigu leikmenn Víkings upp í sóknarleiknum og skoruðu mörkin sem skildu á milli þó að Grótta gæfi ekkert eftir í vörninni. Grótta vann alla þrjá leiki liðanna á síðustu leiktíð í 1. deildinni og því má segja að um langþráðan sigur hjá Víkingi væri að ræða. Þetta voru fyrstu stig Víkings á leiktíðinni en Grótta er sömuleiðis með tvö stig eftir þrjár umferðir. Ágúst: Margir sem vilja sanna sig„Við erum í mikilli baráttu og þurfum á stigum að halda. Ég held að það að ná að brjóta ísinn í kvöld sé mikilvægt,“ sagði Ágúst Þór Jóhannsson þjálfari Víkings. „Við vorum góðir í síðasta leik fyrir utan tíu mínútur og svo núna. Þetta var heilsteyptara hjá okkur og margir sem stigu upp.“ Gríðarleg barátta einkenndi leikinn og augljóst að bæði liðin hungraði í stigin sem voru í boði. „Það er mikill karakter í þessum strákum og hungur í að ná árangri. Það eru margir sem vilja sanna sig sem hafa komið til okkar eftir að hafa ekki fengið tækifæri hjá öðrum liðum. „Við vitum að við verum ekki með bestu handboltamenn í heimi í liðnu en við höfum lagt áherslu á að byggja upp sterka liðsheild og vinna hver fyrir annan og það skín í gegn. „Varnarleikurinn var mjög góður allan leikinn. Okkar lykill er að spila góða vörn. Við vorum agaðir sóknarlega og gerðum færri sóknarfeila og það skilar sér í að við fáum ekki mörg hraðaupphlaup á okkur,“ sagð Ágúst. Þrátt fyrir að liðið hafði tapað tveimur fyrstu leikjunum hélt liðið ró sinni í lokin þegar leikurinn var undir. „Menn voru yfirvegaðir og rólegir á boltanum. Við erum með unga stráka í bland við reynslumeiri og við treystum þeim öllum. Vonandi verðum við enn sterkari í framhaldinu.“ Gunnar: Sóknarleikurinn var mjög lélegur„Það verður að segjast eins og er að sóknarleikurinn í kvöld var mjög lélegur. Við vorum skömminni skárri í fyrri hálfleik en seinni hálfleikur var arfa lélegur,“ sagði Gunnar Andrésson þjálfari Gróttu. „Það fer margt í gegnum huga minn núna, hvað ég hefði getað prófað og annað en ég held að maður þurfi að horfa á leikinn aftur áður en maður greinir þetta.“ Grótta gerði sig seka um að sækja mikið inn á miðja vörn Víkings þar sem Ægir Hrafn Jónsson var eins kóngur í ríki sínu. „Við sækjum allt og mikið inn á miðju, inn á Ægi í raun og veru í staðin fyrir að reyna að teygja þá í sundur og fá flot á boltann og láta hann vinna vinnuna. Við vorum að gera þeim þetta allt og auðvelt. „Mér fannst við vera betri aðilinn í fyrri hálfleik en Víkingar eru seigir. Þetta voru allt hörku leikir gegn þeim í fyrra og hefðu getað farið hvernig sem er, þannig. „Við vorum ekki nógu klókir í dag. Varnarleikurinn var í lagi en við fengum tvö hraðaupphlaup í leiknum og það er mjög svekkjandi að fá bara tvo hraðaupphlaupsmöguleika í 60 mínútur verandi að spila ágætis vörn. Það er mjög svekkjandi að ná ekki að fá meira úr því,“ sagði Gunnar. Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Vill eignast lið í hverri heimsálfu Fótbolti Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti HK - Fylkir 0-2 | Manni færri með afar mikilvægan sigur Íslenski boltinn „Þetta var svolítið skrýtið og óþægilegt“ Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Víkingur lagði Gróttu 22-20 í nýliðaslag liðanna í Víkinni í 3. umferð Olís deildar karla í handbolta í kvöld. Grótta var 12-10 yfir í hálfleik. Grótta var sterkara liðið í fyrri hálfleik eftir nokkuð jafna byrjun. Gestirnir náðu mest þriggja marka forystu og virtust hafa nokkuð góð tök á leiknum. Varnarleikur beggja liða var góður en Víkingur skellti hreinlega í lás í seinni hálfleik. Það tók Gróttu tæpar sex mínútur að skora fyrsta markið eftir hlé og þó liðið hafi aftur náð tveggja marka forystu þegar 18 mínútur voru til leiksloka var vandræðagangur í sóknarleik liðsins. Magnús Gunnar Erlendsson markvörður Víkings skellti í lás eftir að Grótta náði aftur tveggja marka forystu og hélt markinu hreinu í 9 mínútur. Þá náði Víkingur tveggja marka forystu en enn var tími fyrir frekari sviptingar. Víkingur virtist ætla að kasta frá sér sigrinum því Grótta náði að jafna metin með auðveldum mörkum þegar fimm mínútur voru eftir. Upphófst æsispennandi lokakafli þar sem Víkingar voru sterkari með öfluga vörn sína sem sitt sterkasta vopn. Grótta þurfti að hafa mikið fyrir því að sjá markið og virtust leikmenn liðsins hreinlega ekki hafa trú á því að þeir kæmust í gegn. Það hjálpaði Gróttu ekki að leikmenn liðsins sóttu ítrekað inn á miðja vörn Víkinga þar sem hún er stærst og sterkust. Á sama tíma stigu leikmenn Víkings upp í sóknarleiknum og skoruðu mörkin sem skildu á milli þó að Grótta gæfi ekkert eftir í vörninni. Grótta vann alla þrjá leiki liðanna á síðustu leiktíð í 1. deildinni og því má segja að um langþráðan sigur hjá Víkingi væri að ræða. Þetta voru fyrstu stig Víkings á leiktíðinni en Grótta er sömuleiðis með tvö stig eftir þrjár umferðir. Ágúst: Margir sem vilja sanna sig„Við erum í mikilli baráttu og þurfum á stigum að halda. Ég held að það að ná að brjóta ísinn í kvöld sé mikilvægt,“ sagði Ágúst Þór Jóhannsson þjálfari Víkings. „Við vorum góðir í síðasta leik fyrir utan tíu mínútur og svo núna. Þetta var heilsteyptara hjá okkur og margir sem stigu upp.“ Gríðarleg barátta einkenndi leikinn og augljóst að bæði liðin hungraði í stigin sem voru í boði. „Það er mikill karakter í þessum strákum og hungur í að ná árangri. Það eru margir sem vilja sanna sig sem hafa komið til okkar eftir að hafa ekki fengið tækifæri hjá öðrum liðum. „Við vitum að við verum ekki með bestu handboltamenn í heimi í liðnu en við höfum lagt áherslu á að byggja upp sterka liðsheild og vinna hver fyrir annan og það skín í gegn. „Varnarleikurinn var mjög góður allan leikinn. Okkar lykill er að spila góða vörn. Við vorum agaðir sóknarlega og gerðum færri sóknarfeila og það skilar sér í að við fáum ekki mörg hraðaupphlaup á okkur,“ sagð Ágúst. Þrátt fyrir að liðið hafði tapað tveimur fyrstu leikjunum hélt liðið ró sinni í lokin þegar leikurinn var undir. „Menn voru yfirvegaðir og rólegir á boltanum. Við erum með unga stráka í bland við reynslumeiri og við treystum þeim öllum. Vonandi verðum við enn sterkari í framhaldinu.“ Gunnar: Sóknarleikurinn var mjög lélegur„Það verður að segjast eins og er að sóknarleikurinn í kvöld var mjög lélegur. Við vorum skömminni skárri í fyrri hálfleik en seinni hálfleikur var arfa lélegur,“ sagði Gunnar Andrésson þjálfari Gróttu. „Það fer margt í gegnum huga minn núna, hvað ég hefði getað prófað og annað en ég held að maður þurfi að horfa á leikinn aftur áður en maður greinir þetta.“ Grótta gerði sig seka um að sækja mikið inn á miðja vörn Víkings þar sem Ægir Hrafn Jónsson var eins kóngur í ríki sínu. „Við sækjum allt og mikið inn á miðju, inn á Ægi í raun og veru í staðin fyrir að reyna að teygja þá í sundur og fá flot á boltann og láta hann vinna vinnuna. Við vorum að gera þeim þetta allt og auðvelt. „Mér fannst við vera betri aðilinn í fyrri hálfleik en Víkingar eru seigir. Þetta voru allt hörku leikir gegn þeim í fyrra og hefðu getað farið hvernig sem er, þannig. „Við vorum ekki nógu klókir í dag. Varnarleikurinn var í lagi en við fengum tvö hraðaupphlaup í leiknum og það er mjög svekkjandi að fá bara tvo hraðaupphlaupsmöguleika í 60 mínútur verandi að spila ágætis vörn. Það er mjög svekkjandi að ná ekki að fá meira úr því,“ sagði Gunnar.
Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Vill eignast lið í hverri heimsálfu Fótbolti Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti HK - Fylkir 0-2 | Manni færri með afar mikilvægan sigur Íslenski boltinn „Þetta var svolítið skrýtið og óþægilegt“ Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira