Kröfuhafar vilja að Íslandsbanki fari að fullu til ríkisins 20. október 2015 06:51 Hópur kröfuhafa Glitnis hefur lagt fram tillögu um að ríkið eignist 95 prósenta hlut í Íslandsbanka með því að ISB holding afsali sér hlutnum í bankanum, sem hluta af stöðugleikaframlagi. Þetta kemur fram í tilkynningu frá Fjármálaráðuneytinu sem barst í nótt. Þessi tillaga er töluverð breyting frá því sem áður var lagt upp með en framkvæmdahópur um losun fjármagnshafta telur að þær aðgerðir sem um ræðir í framangreindri tillögu falli að stöðugleikaskilyrðum og skapi forsendur fyrir undanþágu frá gjaldeyrishöftum.Tilkynninguna í heild sinni má sjá hér:Hópur kröfuhafa Glitnis hf. hefur lagt til breytingar á fyrri tillögu sinni, sem sett var fram með bréfi 8. júní sl., um stöðugleikaframlag Glitnis til ríkisins í tengslum við heildstæða áætlun stjórnvalda um losun fjármagnshafta sem kynnt var sama dag. Í bréfi sem barst fjármála- og efnahagsráðherra í dag leggja þessir sömu kröfuhafar Glitnis til að öllum eignarhlut Glitnis í Íslandsbanka verði afsalað til ríkisins, sem muni þá eignast bankann að fullu. Hinn 8. júní 2015 birti fjármála- og efnahagsráðuneytið tillögur hóps kröfuhafa Glitnis og ráðgjafa hans um aðgerðir til að greiða fyrir lokum slitameðferðar Glitnis. Þessar aðgerðir miðuðu að því að hlutleysa þá áhættu sem steðjaði að greiðslujöfnuði vegna uppgjörs innlendra eigna slitabúsins. Tillögurnar voru settar fram eftir upplýsingafundi kröfuhafanna og framkvæmdahóps um losun fjármagnshafta. Síðan þær komu fram hefur slitastjórn Glitnis úfært tillögurnar frekar með stuðningi kröfuhafa. Stjórnvöld hafa frá því í sumar haft upphaflegar tillögur til skoðunar, í þeim tilgangi að meta hvort þær uppfylltu stöðugleikaskilyrði stjórnvalda sem kynnt hafa verið.Ráðgjafar kröfuhafa Glitnis og framkvæmdahópur um losun fjármagnshafta áttu fundi 25. september til 13. október sl. vegna tillagnanna frá 8. júní. Í framhaldi af þeim fundum hafa sömu kröfuhafar Glitnis kynnt fjármála- og efnahagsráðherra, sem formanni stýrinefndar um losun fjármagnshafta, endurskoðaðar tillögur. Þær breytingar sem í þeim felast eru helstar eftirfarandi:Sem hluti af stöðugleikaframlagi mun Glitnir afsala öllu hlutafé ISB Holding ehf., sem er eigandi 95% hlutafjár Íslandsbanka hf., til stjórnvalda. Eigið fé Íslandsbanka nam um 185 ma.kr. í lok júní 2015. Vegna þessarar breytingar falla eftirfarandi þættir í fyrri tillögum kröfuhafa Glitnis niðurAfkomuskiptasamningur um arðsemi hlutafjár Íslandsbanka;Skilyrt skuldabréf að fjárhæð 119 ma.kr.;Arðgreiðsla Íslandsbanka í erlendum gjaldeyri að fjárhæð 16 ma.kr. til Glitnis og aðrar fyrirhugaðar arðgreiðslur.Framsal lausafjáreigna, reiðufjár og ígildi reiðufjár, mun samkvæmt framangreindri tillögu lækka um 16 ma.kr. vegna fyrirhugaðrar arðgreiðslu í erlendum gjaldeyri til Glitnis, sem ekki verður af, og 36 ma.kr. vegna annarra breytinga sem felast í endurskoðuðum tillögum kröfuhafa Glitnis. Umbreyting innlána Glitnis í erlendum gjaldeyri í Íslandsbanka í staðlaða skuldabréfaútgáfu mun taka mið af sérstöku samkomulagi Glitnis og Íslandsbanka. Glitnir mun greiða fyrir og eignast fyrirgreiðslu ríkissjóðs við Íslandsbanka sem veitt var í formi víkjandi skuldabréfs í erlendri mynt á nafnvirði auk greiðslu áfallinna vaxta.Framkvæmdahópur um losun fjármagnshafta telur að þær aðgerðir sem um ræðir í framangreindu bréfi falli að stöðugleikaskilyrðunum sem mótuð voru og að því gefnu að umræddar aðgerðir verði framkvæmdar er það mat framkvæmdahópsins að forsendur fyrir undanþágu frá gjaldeyrishöftum séu fyrir hendi.Framangreindar aðgerðir eru háðar sömu forsendum og komu fram í tillögum aðila 8. júní 2015, meðal annars um undanþágu frá lögum nr. 87/1992, um gjaldeyrismál, sem heimila Glitni að ljúka slitameðferð þannig að ekki komi til greiðslu stöðugleikaskatts. Mest lesið Staðfesta frávísun vegna stefnu Samskipa í samráðsmáli Viðskipti innlent Fokdýr jólagjöf til dætranna reyndist eintóm blekking Neytendur Staðfesta að gjöf í formi bankakorts er skattskyld Viðskipti innlent Þau vilja stýra ÁTVR Viðskipti innlent Fyrsta íslenska grænkera ostagerðin í hættu Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Gervigreindin: Stjórnendur framtíðarinnar verði þjálfarar Atvinnulíf Um þrjátíu prósent hafa miklar áhyggjur af áhrifum tolla á Ísland Viðskipti innlent Verðbólga eykst hressilega og fer aftur yfir fjögur prósent Viðskipti innlent Fleiri fréttir Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Sjá meira
Hópur kröfuhafa Glitnis hefur lagt fram tillögu um að ríkið eignist 95 prósenta hlut í Íslandsbanka með því að ISB holding afsali sér hlutnum í bankanum, sem hluta af stöðugleikaframlagi. Þetta kemur fram í tilkynningu frá Fjármálaráðuneytinu sem barst í nótt. Þessi tillaga er töluverð breyting frá því sem áður var lagt upp með en framkvæmdahópur um losun fjármagnshafta telur að þær aðgerðir sem um ræðir í framangreindri tillögu falli að stöðugleikaskilyrðum og skapi forsendur fyrir undanþágu frá gjaldeyrishöftum.Tilkynninguna í heild sinni má sjá hér:Hópur kröfuhafa Glitnis hf. hefur lagt til breytingar á fyrri tillögu sinni, sem sett var fram með bréfi 8. júní sl., um stöðugleikaframlag Glitnis til ríkisins í tengslum við heildstæða áætlun stjórnvalda um losun fjármagnshafta sem kynnt var sama dag. Í bréfi sem barst fjármála- og efnahagsráðherra í dag leggja þessir sömu kröfuhafar Glitnis til að öllum eignarhlut Glitnis í Íslandsbanka verði afsalað til ríkisins, sem muni þá eignast bankann að fullu. Hinn 8. júní 2015 birti fjármála- og efnahagsráðuneytið tillögur hóps kröfuhafa Glitnis og ráðgjafa hans um aðgerðir til að greiða fyrir lokum slitameðferðar Glitnis. Þessar aðgerðir miðuðu að því að hlutleysa þá áhættu sem steðjaði að greiðslujöfnuði vegna uppgjörs innlendra eigna slitabúsins. Tillögurnar voru settar fram eftir upplýsingafundi kröfuhafanna og framkvæmdahóps um losun fjármagnshafta. Síðan þær komu fram hefur slitastjórn Glitnis úfært tillögurnar frekar með stuðningi kröfuhafa. Stjórnvöld hafa frá því í sumar haft upphaflegar tillögur til skoðunar, í þeim tilgangi að meta hvort þær uppfylltu stöðugleikaskilyrði stjórnvalda sem kynnt hafa verið.Ráðgjafar kröfuhafa Glitnis og framkvæmdahópur um losun fjármagnshafta áttu fundi 25. september til 13. október sl. vegna tillagnanna frá 8. júní. Í framhaldi af þeim fundum hafa sömu kröfuhafar Glitnis kynnt fjármála- og efnahagsráðherra, sem formanni stýrinefndar um losun fjármagnshafta, endurskoðaðar tillögur. Þær breytingar sem í þeim felast eru helstar eftirfarandi:Sem hluti af stöðugleikaframlagi mun Glitnir afsala öllu hlutafé ISB Holding ehf., sem er eigandi 95% hlutafjár Íslandsbanka hf., til stjórnvalda. Eigið fé Íslandsbanka nam um 185 ma.kr. í lok júní 2015. Vegna þessarar breytingar falla eftirfarandi þættir í fyrri tillögum kröfuhafa Glitnis niðurAfkomuskiptasamningur um arðsemi hlutafjár Íslandsbanka;Skilyrt skuldabréf að fjárhæð 119 ma.kr.;Arðgreiðsla Íslandsbanka í erlendum gjaldeyri að fjárhæð 16 ma.kr. til Glitnis og aðrar fyrirhugaðar arðgreiðslur.Framsal lausafjáreigna, reiðufjár og ígildi reiðufjár, mun samkvæmt framangreindri tillögu lækka um 16 ma.kr. vegna fyrirhugaðrar arðgreiðslu í erlendum gjaldeyri til Glitnis, sem ekki verður af, og 36 ma.kr. vegna annarra breytinga sem felast í endurskoðuðum tillögum kröfuhafa Glitnis. Umbreyting innlána Glitnis í erlendum gjaldeyri í Íslandsbanka í staðlaða skuldabréfaútgáfu mun taka mið af sérstöku samkomulagi Glitnis og Íslandsbanka. Glitnir mun greiða fyrir og eignast fyrirgreiðslu ríkissjóðs við Íslandsbanka sem veitt var í formi víkjandi skuldabréfs í erlendri mynt á nafnvirði auk greiðslu áfallinna vaxta.Framkvæmdahópur um losun fjármagnshafta telur að þær aðgerðir sem um ræðir í framangreindu bréfi falli að stöðugleikaskilyrðunum sem mótuð voru og að því gefnu að umræddar aðgerðir verði framkvæmdar er það mat framkvæmdahópsins að forsendur fyrir undanþágu frá gjaldeyrishöftum séu fyrir hendi.Framangreindar aðgerðir eru háðar sömu forsendum og komu fram í tillögum aðila 8. júní 2015, meðal annars um undanþágu frá lögum nr. 87/1992, um gjaldeyrismál, sem heimila Glitni að ljúka slitameðferð þannig að ekki komi til greiðslu stöðugleikaskatts.
Mest lesið Staðfesta frávísun vegna stefnu Samskipa í samráðsmáli Viðskipti innlent Fokdýr jólagjöf til dætranna reyndist eintóm blekking Neytendur Staðfesta að gjöf í formi bankakorts er skattskyld Viðskipti innlent Þau vilja stýra ÁTVR Viðskipti innlent Fyrsta íslenska grænkera ostagerðin í hættu Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Gervigreindin: Stjórnendur framtíðarinnar verði þjálfarar Atvinnulíf Um þrjátíu prósent hafa miklar áhyggjur af áhrifum tolla á Ísland Viðskipti innlent Verðbólga eykst hressilega og fer aftur yfir fjögur prósent Viðskipti innlent Fleiri fréttir Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Sjá meira