„Ef hann er svona góður hagfræðingur þá getur hann sett 1 og 1 saman og fattað, ég er ömurlegur“

Þátturinn Punkturinn er á dagskrá Stöðvar 3 á laugardagskvöldum og hefur hann fengið góðar viðtökur.

Nú er fimmti þátturinn í seríunni kominn inn á Vísi og í upphafsatriði þáttarins er tónlistamaðurinn Jón Jónsson tekinn fyrir.

Þar ræða tveir félagar um það hvað Jón Jónsson sé ömurlegur tónlistarmaður. Þeir eru báðir sammála um það en síðar kemur í ljós að Jón situr á milli þeirra í flugvél.

Hópurinn á bak við Punktinn sat stíft allt síðastliðið ár yfir handritsgerð fyrir seríuna en kjarninn í hópnum hefur verið að leika sér með gerð sketsa síðan í Menntaskólanum í Kópavogi.

Síðan þá hafa nokkrir einstaklingar bæst í hópinn og eftir stendur samheldin hópur hæfileikaríks fólks sem hefur ekkert annað á stefnuskránni en að framleiða gamanþætti þar sem ekkert er heilagt og allt er fyndið.

Hópinn skipa Sindri Gretars, Bjarki Már Jóhannsson, Tómas Valgeirsson, Guðmundur Heiðar Helgason, Daníel Grímur Kristjánsson, Þórunn Guðlaugsdóttir, Egill Viðarsson, Þór Þorsteinsson, Viktor Bogdanski, Tanja Björk og Karl Lúðvíksson en til viðbótar er frábær hópur af leikurum og vinum í kringum hópum sem yfirleitt er kippt í þegar verið er að skipa í hlutverk.

Hér að neðan má sjá fimmta þáttinn í heild sinni. 

Atriði í þáttunum eru ekki við hæfi barna.