Rafhlöðurnar í Nissan Leaf bara bila ekki Finnur Thorlacius skrifar 26. mars 2015 13:15 Nissan Leaf. Í öllum þeim rúmlega 35 þúsund Nissan Leaf bílum sem seldir hafa verið vítt og breitt um Evrópu síðastliðin fimm ár reynast 99,99 prósent rafhlaða bílanna enn í fullkomnu lagi. Aðeins hefur 0,01 prósent þeirra bilað, alls þrjár rafhlöður. Frá þessu segir á vef Green Car Congress, en niðurstöðurnar byggjast á upplýsingum úr gagnagrunni verkstæða hjá viðurkenndum þjónustuaðilum Nissan Leaf í Evrópu. Niðurstöðurnar eru mikil viðurkenning fyrir framleiðanda Nissan Leaf enda er þessi lága bilanatíðni aðeins brot af því sem búast má við í hefðbundnum bílum. Til marks um það má nefna óháða greiningu, sem tryggingasérfræðingur Warranty Direct (WD) í Bretlandi, gerði á fimm ára viðhaldssögu um 50 þúsund, 3-6 ára bíla með bensín- eða dísilvél. Viðkomandi bílar eru skráðir í viðhaldsgagnagrunn WD og leiddi greiningin m.a. í ljós að í 0,25% bílanna höfðu komið upp vandamál sem gerðu þá ógangfæra. Algeng vandamál reyndust vera allt frá leku kælikerfi og brostnum heddpakkningum til alvarlegra tjóna á vélum bílanna. Á síðasta ári jókst sala á Nissan Leaf um 33% frá fyrra ári með sölu á 15.098 bílum árið 2014. Ræður Leaf nú meira en fjórðungi heimsmarkaðar fyrir rafbíla. Nissan Leaf kom á markað árið 2010 og var hann einn fyrsti fjöldaframleiddi rafmagnabíllinn sem boðinn var á almennum markaði. Leaf er söluhæsti bíll veraldar í sínum flokki, en alls hafa verið seldir rúmlega 165 þúsund bílar af tegundinni Nissan Leaf frá því að sala hófst 2010. Mest lesið Segir ákvörðun um kæru fyrir nauðgun tekna fyrir andlát flugmanns Innlent Eiturlyf og vopn fundust á heimili hins handtekna á Bakkafirði Innlent „Þetta má aldrei gerast aftur“ Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Sextán ára dómur fyrir manndráp í Drangahrauni stendur Innlent Hjónin létust eftir langvarandi veikindi Innlent Gripnir á leið upp í flugvél en tugmilljóna þýfi ófundið Innlent
Í öllum þeim rúmlega 35 þúsund Nissan Leaf bílum sem seldir hafa verið vítt og breitt um Evrópu síðastliðin fimm ár reynast 99,99 prósent rafhlaða bílanna enn í fullkomnu lagi. Aðeins hefur 0,01 prósent þeirra bilað, alls þrjár rafhlöður. Frá þessu segir á vef Green Car Congress, en niðurstöðurnar byggjast á upplýsingum úr gagnagrunni verkstæða hjá viðurkenndum þjónustuaðilum Nissan Leaf í Evrópu. Niðurstöðurnar eru mikil viðurkenning fyrir framleiðanda Nissan Leaf enda er þessi lága bilanatíðni aðeins brot af því sem búast má við í hefðbundnum bílum. Til marks um það má nefna óháða greiningu, sem tryggingasérfræðingur Warranty Direct (WD) í Bretlandi, gerði á fimm ára viðhaldssögu um 50 þúsund, 3-6 ára bíla með bensín- eða dísilvél. Viðkomandi bílar eru skráðir í viðhaldsgagnagrunn WD og leiddi greiningin m.a. í ljós að í 0,25% bílanna höfðu komið upp vandamál sem gerðu þá ógangfæra. Algeng vandamál reyndust vera allt frá leku kælikerfi og brostnum heddpakkningum til alvarlegra tjóna á vélum bílanna. Á síðasta ári jókst sala á Nissan Leaf um 33% frá fyrra ári með sölu á 15.098 bílum árið 2014. Ræður Leaf nú meira en fjórðungi heimsmarkaðar fyrir rafbíla. Nissan Leaf kom á markað árið 2010 og var hann einn fyrsti fjöldaframleiddi rafmagnabíllinn sem boðinn var á almennum markaði. Leaf er söluhæsti bíll veraldar í sínum flokki, en alls hafa verið seldir rúmlega 165 þúsund bílar af tegundinni Nissan Leaf frá því að sala hófst 2010.
Mest lesið Segir ákvörðun um kæru fyrir nauðgun tekna fyrir andlát flugmanns Innlent Eiturlyf og vopn fundust á heimili hins handtekna á Bakkafirði Innlent „Þetta má aldrei gerast aftur“ Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Sextán ára dómur fyrir manndráp í Drangahrauni stendur Innlent Hjónin létust eftir langvarandi veikindi Innlent Gripnir á leið upp í flugvél en tugmilljóna þýfi ófundið Innlent