Breiðablik vann mikilvægan sigur á Stjörnunni í stórleik 5. umferðar Pepsi-deildar kvenna í gær.
Sjá einnig: Blikar unnu toppslaginn.
Með sigrinum náði Breiðablik fjögurra stiga forystu á Íslands- og bikarmeistara Stjörnunnar en Blikastúlkur eru enn ósigraðar í deildini.
Stjarnan er hins vegar búin að tapa tveimur af fyrstu fimm leikjum sínum en liðið tapaði aðeins einum leik allt tímabilið í fyrra.
Aðeins eitt mark var skorað í leiknum í gær. Það gerði Telma Hjaltalín Þrastardóttir fjórum mínútum fyrir hálfleik eftir magnaðan undirbúning Fanndísar Friðriksdóttur.
Landsliðskonan fékk þá boltann á miðjum eigin vallarhelmingi, hljóp upp allan vinstri kantinn og sendi svo boltann fyrir á Telmu sem skoraði af stuttu færi.
Þetta var fimmta mark Telmu í deildinni í sumar en það má sjá á heimasíðu SportTV með því að smella hér.
Sjáðu magnaðan sprett Fanndísar og sigurmark Blika gegn Stjörnunni | Myndband

Tengdar fréttir

Umfjöllun, viðtöl og myndir: Breiðablik - Stjarnan 1-0 | Blikar unnu toppslaginn
Telma Hjaltalín Þrastardóttir hetja Breiðabliks gegn Íslands- og bikarmeisturum Stjörnunnar.

Stórleikur sumarins í Kópavoginum í kvöld
Stórleikur 5. umferðar Pepsi-deildar kvenna fer fram á Kópavogsvelli í kvöld þegar Breiðablik og Stjarnan mætast.