„Fermingarbróðir“ ballettdansarans svo gott sem blasti við gestum Hörpu Jakob Bjarnar skrifar 16. nóvember 2015 17:21 Leifur telur sig hafa heyrt eina ungballerínuna segja í hléi: Það sást í typpið á honum. Einn helsti dansari rússnesks ballettdanshóps gaf sig allan í dansinn um helgina, á fjölum Hörpu, en mörgum áhorfendanum var hreinlega brugðið því fátt var til að hylja hvernig maðurinn er vaxinn niður. „Ég sat ansi framarlega, en er ekki nú á tímum alls þess sem er bannað er þá ekki möguleiki að gera einhverjar siðferðiskröfur til dansaranna? Ég meina, hvar eru allar þessar séríslensku öfgar þegar maður þarf loksins á þeim að halda?“ spyr Leifur Magnússon sviðsstjóri hjá Fiskistofu.Forstjóri Hörpu kannast ekki við neina ósiðsemiLeifur vildi vera menningarlegur og skellti sér á ballettsýningu um helgina. Um er að ræða sérstakan Hátíðarballett frá Pétursborg; rússneskir dansarar fluttu Svanavatnið við tónlist Piotr Tchaikovskys ásamt Sinfóníuhljómsveit Íslands í sérstökum viðhafnarbúningi í Eldborg. En, að mati Leifs fór lítið fyrir búningnum. „Já, manni verður hreinlega brugðið þegar miðaldra rússneskur karldansari á síðustu metrunum nánast berar fermingarbróðurinn íklæddur næfurþunnum hvítum sokkabuxum? Svo var í ofanálag 25 prósent áhorfenda bráðungar tilvonandi ballerínur,“ segir Leifur og veltir því fyrir sér hvort svo frjálsleg framganga sé hreinlega við hæfi þegar þessi er vettvangurinn?Halldór forstjóri veit ekkert hvað Leifur er að tala um.„Ég kannast ekkert við þetta. Ég var þarna og veit ekkert hvað hann er að tala um,“ segir Halldór Guðmundsson forstjóri Hörpu í örstuttu samtali við Vísi, en hann var á fundi þegar fréttamiðillinn náði af honum tali.„Það sást í typpið á honum“ En, má hugsanlega rekja þessa sýn Leifs til skorts á menningarlegu uppeldi? Að hann skilji ekki hið listræna og það að karldansarar í ballett vilja helst í engu öðru vera nema þröngum hvítum sokkabuxum? Leifur segir það trauðla standast.„Ég er alinn upp á miklu menningarheimili við klassíska tónlist og óperur. Þótt ég sé kannski enginn sérstakur áhugamaður um ballett en hef þó alveg gaman af því að sjá dansara í heimsklassa eins og þá í St. Petersburg Festival Ballet. Fór á Hnotubrjótinn sem sami flokkur sýndi hér um árið og var mikið sjónarspil. Tónlistin í báðum þessum verkum er líka frábær og ekki ónýtt að hafa Sinfó í gryfjunni. Þar sem ég sat þarna á sjötta bekk fór ég að velta fyrir mér hvort þetta listform, klassíski ballettinn, ætti sér viðreisnar von í dauðhreinsuðu andrúmslofti rétttrúnaðar og hysteríu sem er ríkjandi í dag. Kannski yrði þess krafist að Svanurinn væri karldansari og að það yrðu jöfn kynjahlutföll á sviðinu,“ spyr Leifur. Leifur telur víst að ballettheimurinn sé ekki í uppnámi vegna þessa. „En, ég get svoleiðis svarið að mér heyrðist ein ungballerína segja við mömmu sína í hléinu: „Það sást í typpið á honum.““ Mest lesið Kántrígoðsögnin Kris Kristoffersson látin Lífið Elti drauminn og flutti um borð í húsbíl Lífið Mamma byrjuð að undirbúa stúdentsveislu þegar fregn barst af falli Lífið Beverly Hills Cop-stjarnan John Ashton er látin Lífið „Það er galið að sjá fimm manna fjölskyldu sitja saman en öll í símanum“ Áskorun Gaf langömmu tattú í afmælisgjöf Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið „Það er einhver sjarmi yfir París sem er ekki annarsstaðar“ Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Kántrígoðsögnin Kris Kristoffersson látin Beverly Hills Cop-stjarnan John Ashton er látin Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Sjá meira
Einn helsti dansari rússnesks ballettdanshóps gaf sig allan í dansinn um helgina, á fjölum Hörpu, en mörgum áhorfendanum var hreinlega brugðið því fátt var til að hylja hvernig maðurinn er vaxinn niður. „Ég sat ansi framarlega, en er ekki nú á tímum alls þess sem er bannað er þá ekki möguleiki að gera einhverjar siðferðiskröfur til dansaranna? Ég meina, hvar eru allar þessar séríslensku öfgar þegar maður þarf loksins á þeim að halda?“ spyr Leifur Magnússon sviðsstjóri hjá Fiskistofu.Forstjóri Hörpu kannast ekki við neina ósiðsemiLeifur vildi vera menningarlegur og skellti sér á ballettsýningu um helgina. Um er að ræða sérstakan Hátíðarballett frá Pétursborg; rússneskir dansarar fluttu Svanavatnið við tónlist Piotr Tchaikovskys ásamt Sinfóníuhljómsveit Íslands í sérstökum viðhafnarbúningi í Eldborg. En, að mati Leifs fór lítið fyrir búningnum. „Já, manni verður hreinlega brugðið þegar miðaldra rússneskur karldansari á síðustu metrunum nánast berar fermingarbróðurinn íklæddur næfurþunnum hvítum sokkabuxum? Svo var í ofanálag 25 prósent áhorfenda bráðungar tilvonandi ballerínur,“ segir Leifur og veltir því fyrir sér hvort svo frjálsleg framganga sé hreinlega við hæfi þegar þessi er vettvangurinn?Halldór forstjóri veit ekkert hvað Leifur er að tala um.„Ég kannast ekkert við þetta. Ég var þarna og veit ekkert hvað hann er að tala um,“ segir Halldór Guðmundsson forstjóri Hörpu í örstuttu samtali við Vísi, en hann var á fundi þegar fréttamiðillinn náði af honum tali.„Það sást í typpið á honum“ En, má hugsanlega rekja þessa sýn Leifs til skorts á menningarlegu uppeldi? Að hann skilji ekki hið listræna og það að karldansarar í ballett vilja helst í engu öðru vera nema þröngum hvítum sokkabuxum? Leifur segir það trauðla standast.„Ég er alinn upp á miklu menningarheimili við klassíska tónlist og óperur. Þótt ég sé kannski enginn sérstakur áhugamaður um ballett en hef þó alveg gaman af því að sjá dansara í heimsklassa eins og þá í St. Petersburg Festival Ballet. Fór á Hnotubrjótinn sem sami flokkur sýndi hér um árið og var mikið sjónarspil. Tónlistin í báðum þessum verkum er líka frábær og ekki ónýtt að hafa Sinfó í gryfjunni. Þar sem ég sat þarna á sjötta bekk fór ég að velta fyrir mér hvort þetta listform, klassíski ballettinn, ætti sér viðreisnar von í dauðhreinsuðu andrúmslofti rétttrúnaðar og hysteríu sem er ríkjandi í dag. Kannski yrði þess krafist að Svanurinn væri karldansari og að það yrðu jöfn kynjahlutföll á sviðinu,“ spyr Leifur. Leifur telur víst að ballettheimurinn sé ekki í uppnámi vegna þessa. „En, ég get svoleiðis svarið að mér heyrðist ein ungballerína segja við mömmu sína í hléinu: „Það sást í typpið á honum.““
Mest lesið Kántrígoðsögnin Kris Kristoffersson látin Lífið Elti drauminn og flutti um borð í húsbíl Lífið Mamma byrjuð að undirbúa stúdentsveislu þegar fregn barst af falli Lífið Beverly Hills Cop-stjarnan John Ashton er látin Lífið „Það er galið að sjá fimm manna fjölskyldu sitja saman en öll í símanum“ Áskorun Gaf langömmu tattú í afmælisgjöf Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið „Það er einhver sjarmi yfir París sem er ekki annarsstaðar“ Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Kántrígoðsögnin Kris Kristoffersson látin Beverly Hills Cop-stjarnan John Ashton er látin Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Sjá meira