Sólarmegin í lífinu Viktoría Hermannsdóttir skrifar 15. apríl 2015 07:00 Það hefur ekki farið fram hjá neinum undanfarið hvað það er ömurlegt veður á þessu landi sem við búum á og kennum okkur við. Um fátt annað er talað þar sem fólk kemur saman, hvort sem það er í net- eða raunheimum. Enda er full ástæða til þess að ræða þetta. Hér er búið að vera ömurlegt veður síðan ég veit ekki hvenær og það sér engan endi á því. Svo ömurlegt að ég sé mig knúna til þess að skrifa heilan pistil um þennan ömurleika sem hvorki ég né nokkur annar getur gert nokkuð í. Það er, annað en að röfla yfir því. Ég myndi kannski ekki gerast svo djörf að segja að ég sé yfirmáta bjartsýn að eðlisfari en ég reyni þó yfirleitt að vera sólarmegin í lífinu. Þess vegna hef ég hingað til lítið nennt að kippa mér upp við þetta ástand. Satt að segja fannst mér fyrstu stormarnir í vetur bara frekar huggulegir en þegar sá milljónasti (eða eitthvað) gekk yfir og á sama tíma voru sagðar fréttir af því að líklega yrði nú sumarið ekki sólríkt þá hætti sólin að skína í hjarta mér. Það er nú samt þannig að maður getur nákvæmlega ekkert gert í þessu ástandi nema bara farið eitthvað annað eða látið sig dreyma um betri tíð með blóm í haga. Sólríka sumardaga þar sem sólin hættir ekki að skína nema í örfáar klukkustundir yfir hánóttina. Dásamlega sólríka sumarmorgna þar sem sólin vekur mann með kossi og maður hoppar út í sólskinið með bros á vör og brosir út daginn. Það er hreint ótrúlegt að það sé enginn annar en ferðaskrifstofurnar búinn að sjá sóknarfæri í þessu vonda veðri. Af hverju er enginn búinn að opna sýndarveruleikasal með tilbúnu sólskini þar sem sólarþyrstir þunglyndir Íslendingar geta svalað sólarþorstanum í sýndarveruleika? Þarna eruð þið með ókeypis viðskiptahugmynd frá mér – eina skilyrðið er að mér sé boðið í prufutíma en ég tek engar prósentur af hugmyndinni sem á vafalaust eftir að bjarga sálarlífi þúsunda Íslendinga á vonarvöl. Þangað til þetta verður að veruleika þá held ég áfram að röfla um veðrið. Maður hefur þó allavega eitthvað að tala um á meðan. Viltu birta grein á Vísi? Sendu okkur póst. Senda grein Viktoría Hermannsdóttir Mest lesið Hverjir eiga Ísland? Jón Baldvin Hannibalsson Skoðun Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun Þegar vald óttast þekkingu Halla Sigríður Ragnarsdóttir Skoðun Sagnaarfur Biblíunnar - Babýlonherleiðingin og örlög smáþjóða í átökum heimsvelda Sigurvin Lárus Jónsson Skoðun Komum náminu á Höfn í höfn Halla Hrund Logadóttir Skoðun Allt að vinna, engu að tapa! Helga Rakel Rafnsdóttir,Margrét M. Norðdahl Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Snýst núverandi staðsetning Reykjavíkurflugvallar um öryggi… eða mögulega eitthvað annað Daði Rafnsson ,Kristján Vigfússon ,Margrét Manda Jónsdóttir Skoðun Betra líf eftir greiningu krabbameins, tímamótarannsókn sem vísar veginn Sigríður Gunnarsdóttir Skoðun Veiðigjöld vs afnám undanþágu orkumannvirkja frá fasteignamatsskyldu Guðmundur Haukur Jakobsson Skoðun
Það hefur ekki farið fram hjá neinum undanfarið hvað það er ömurlegt veður á þessu landi sem við búum á og kennum okkur við. Um fátt annað er talað þar sem fólk kemur saman, hvort sem það er í net- eða raunheimum. Enda er full ástæða til þess að ræða þetta. Hér er búið að vera ömurlegt veður síðan ég veit ekki hvenær og það sér engan endi á því. Svo ömurlegt að ég sé mig knúna til þess að skrifa heilan pistil um þennan ömurleika sem hvorki ég né nokkur annar getur gert nokkuð í. Það er, annað en að röfla yfir því. Ég myndi kannski ekki gerast svo djörf að segja að ég sé yfirmáta bjartsýn að eðlisfari en ég reyni þó yfirleitt að vera sólarmegin í lífinu. Þess vegna hef ég hingað til lítið nennt að kippa mér upp við þetta ástand. Satt að segja fannst mér fyrstu stormarnir í vetur bara frekar huggulegir en þegar sá milljónasti (eða eitthvað) gekk yfir og á sama tíma voru sagðar fréttir af því að líklega yrði nú sumarið ekki sólríkt þá hætti sólin að skína í hjarta mér. Það er nú samt þannig að maður getur nákvæmlega ekkert gert í þessu ástandi nema bara farið eitthvað annað eða látið sig dreyma um betri tíð með blóm í haga. Sólríka sumardaga þar sem sólin hættir ekki að skína nema í örfáar klukkustundir yfir hánóttina. Dásamlega sólríka sumarmorgna þar sem sólin vekur mann með kossi og maður hoppar út í sólskinið með bros á vör og brosir út daginn. Það er hreint ótrúlegt að það sé enginn annar en ferðaskrifstofurnar búinn að sjá sóknarfæri í þessu vonda veðri. Af hverju er enginn búinn að opna sýndarveruleikasal með tilbúnu sólskini þar sem sólarþyrstir þunglyndir Íslendingar geta svalað sólarþorstanum í sýndarveruleika? Þarna eruð þið með ókeypis viðskiptahugmynd frá mér – eina skilyrðið er að mér sé boðið í prufutíma en ég tek engar prósentur af hugmyndinni sem á vafalaust eftir að bjarga sálarlífi þúsunda Íslendinga á vonarvöl. Þangað til þetta verður að veruleika þá held ég áfram að röfla um veðrið. Maður hefur þó allavega eitthvað að tala um á meðan.
Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun
Sagnaarfur Biblíunnar - Babýlonherleiðingin og örlög smáþjóða í átökum heimsvelda Sigurvin Lárus Jónsson Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Snýst núverandi staðsetning Reykjavíkurflugvallar um öryggi… eða mögulega eitthvað annað Daði Rafnsson ,Kristján Vigfússon ,Margrét Manda Jónsdóttir Skoðun
Betra líf eftir greiningu krabbameins, tímamótarannsókn sem vísar veginn Sigríður Gunnarsdóttir Skoðun
Veiðigjöld vs afnám undanþágu orkumannvirkja frá fasteignamatsskyldu Guðmundur Haukur Jakobsson Skoðun
Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun
Sagnaarfur Biblíunnar - Babýlonherleiðingin og örlög smáþjóða í átökum heimsvelda Sigurvin Lárus Jónsson Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Snýst núverandi staðsetning Reykjavíkurflugvallar um öryggi… eða mögulega eitthvað annað Daði Rafnsson ,Kristján Vigfússon ,Margrét Manda Jónsdóttir Skoðun
Betra líf eftir greiningu krabbameins, tímamótarannsókn sem vísar veginn Sigríður Gunnarsdóttir Skoðun
Veiðigjöld vs afnám undanþágu orkumannvirkja frá fasteignamatsskyldu Guðmundur Haukur Jakobsson Skoðun