Ég trúi á tónlistina og það sem hún gerir fyrir okkur Magnús Guðmundsson skrifar 2. nóvember 2015 10:00 Jóel Pálsson tónlistarmaður. Visir/Vilhelm Jóel Pálsson segir að þeir Kjartan hafi starfað með Stórsveitinni um árabil sem óbreyttir meðlimir og séu báðir búnir að vera viðloðandi þennan bransa lengi. „En þetta er þó í fyrsta skipti sem Stórsveitin spilar tónlistina mína sem er venjulega skrifuð fyrir smærra band. Upphaflega hugmyndin varð til á afmælishátíð Félags íslenskra tónskálda og textahöfunda en þá spilaði Stórsveitin lag eftir mig sem Kjartan útsetti. Það kom bara skratti vel út og þá kom upp þessi hugmynd að gera heila dagskrá með tónlistinni sem er núna klár og platan komin.“ Jóel segir að upptökur hafi farið fram í Stúdíó Sýrlandi í Vatnagörðum í sumar og að um 20 manns séu í sveitinni að meðtöldum aukamönnum sem tóku þátt í flutningnum. „Þarna er valinn maður í hverju rúmi svo þetta gekk allt glimrandi vel fyrir sig.“ Jóel var þó ekki með Stórsveitina í huga þegar þessi lög voru samin á sínum tíma. „Það eru svona fimmtíu til sextíu lög á plötunum mínum og við fórum að velja úr þeim þau sem hentuðu best og hafa í bland við nýtt efni. Svo eru fáir betur til þess fallnir en Kjartan Valdemarsson til þess að útsetja þetta enda þekkir hann Stórsveitina vel og hefur verið að færa sig þar upp á skaftið sem útsetjari með góðum árangri. Þetta var mjög skemmtilegt ferli og það merkilega er að eftir að maður hefur verið að vasast í þessu þá finnst mér eins og sum lögin hafi alltaf átt að vera svona eins og þau eru í þessum útsetningum þegar maður er farinn að venjast þeim. Það skiptir líka miklu máli að Stórsveitin er búin að vera í stöðugri framför og mikill metnaður í mannskapnum að gera vel. Við spilum tónleika á nokkra vikna fresti og fyrir marga okkar er þetta ákveðið akkeri að hittast þarna reglulega og vinna að afmörkuðum verkefnum í þessum góða félagsskap.“ Jóel segir að titillag plötunnar Innri hafi verið sótt í ákveðnar pælingar um trúarbrögð á sínum tíma og þörf mannsins fyrir þau. „INRI með einu enni er latnesk skammstöfun fyrir Jesús frá Nasaret og þetta er bara smá útúrsnúningur á því. En ég get að minnsta kosti sagt að ég trúi á tónlistina og það sem hún gerir fyrir okkar INNRA taugakerfi. Þannig hefur það í raun verið frá blautu barnsbeini enda er ég kominn úr mjög tónlistarlega sinnaðri fjölskyldu.“ Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Kolbrún ber laxerolíu á andlitið Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fyndnustu dýralífsmyndir ársins Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Jóel Pálsson segir að þeir Kjartan hafi starfað með Stórsveitinni um árabil sem óbreyttir meðlimir og séu báðir búnir að vera viðloðandi þennan bransa lengi. „En þetta er þó í fyrsta skipti sem Stórsveitin spilar tónlistina mína sem er venjulega skrifuð fyrir smærra band. Upphaflega hugmyndin varð til á afmælishátíð Félags íslenskra tónskálda og textahöfunda en þá spilaði Stórsveitin lag eftir mig sem Kjartan útsetti. Það kom bara skratti vel út og þá kom upp þessi hugmynd að gera heila dagskrá með tónlistinni sem er núna klár og platan komin.“ Jóel segir að upptökur hafi farið fram í Stúdíó Sýrlandi í Vatnagörðum í sumar og að um 20 manns séu í sveitinni að meðtöldum aukamönnum sem tóku þátt í flutningnum. „Þarna er valinn maður í hverju rúmi svo þetta gekk allt glimrandi vel fyrir sig.“ Jóel var þó ekki með Stórsveitina í huga þegar þessi lög voru samin á sínum tíma. „Það eru svona fimmtíu til sextíu lög á plötunum mínum og við fórum að velja úr þeim þau sem hentuðu best og hafa í bland við nýtt efni. Svo eru fáir betur til þess fallnir en Kjartan Valdemarsson til þess að útsetja þetta enda þekkir hann Stórsveitina vel og hefur verið að færa sig þar upp á skaftið sem útsetjari með góðum árangri. Þetta var mjög skemmtilegt ferli og það merkilega er að eftir að maður hefur verið að vasast í þessu þá finnst mér eins og sum lögin hafi alltaf átt að vera svona eins og þau eru í þessum útsetningum þegar maður er farinn að venjast þeim. Það skiptir líka miklu máli að Stórsveitin er búin að vera í stöðugri framför og mikill metnaður í mannskapnum að gera vel. Við spilum tónleika á nokkra vikna fresti og fyrir marga okkar er þetta ákveðið akkeri að hittast þarna reglulega og vinna að afmörkuðum verkefnum í þessum góða félagsskap.“ Jóel segir að titillag plötunnar Innri hafi verið sótt í ákveðnar pælingar um trúarbrögð á sínum tíma og þörf mannsins fyrir þau. „INRI með einu enni er latnesk skammstöfun fyrir Jesús frá Nasaret og þetta er bara smá útúrsnúningur á því. En ég get að minnsta kosti sagt að ég trúi á tónlistina og það sem hún gerir fyrir okkar INNRA taugakerfi. Þannig hefur það í raun verið frá blautu barnsbeini enda er ég kominn úr mjög tónlistarlega sinnaðri fjölskyldu.“
Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Kolbrún ber laxerolíu á andlitið Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fyndnustu dýralífsmyndir ársins Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira