Fæ ég ekki áfallahjálp? Óttar Guðmundsson skrifar 16. janúar 2016 07:00 Áfallahjálp var kynnt til sögunnar fyrir alvöru árið 1995 í Súðavíkur- og Flateyrarslysunum. Íbúar á þessum svæðum og hjálparsveitir þurftu á sálrænni aðstoð að halda til að koma í veg fyrir áfallastreituröskun. Á svipstundu varð áfallahjálp að ofnotuðu töfraorði sem allir áttu rétt á. Í byrjun var áfallahjálp takmörkuð við þá sem höfðu horfst í augu við dauðann. Með vaxandi velmegun og öryggi neyddust menn þó til að skilgreina áföll og áfallahjálp uppá nýtt. Nýlega var lögreglumaður handtekinn vegna misferlis og var öllum samstarfsmönnum hans var boðin áfallahjálp. Ég hélt reyndar að lögreglumenn hefðu lífsreynslu og þroska til að takast á við slík tíðindi. Þetta er tímanna tákn. Flugvél sem lendir í ókyrrð kallar á áfallahjálp fyrir farþegana. Vitni að bankaráni þurfa hjálp. Aðstandendur eiga rétt á áfallahjálp eftir eðlileg dauðsföll gamalmenna. Bráðum verður hrópað á sálarhjálp þegar dekk springur á bíl eða einhver missir af strætó. Maðurinn ræður ekki lengur við uppákomur daglegs lífs. Tilveran á að vera fyrirsjáanleg og þægileg. Komi eitthvað óvænt uppá er eðilegt að kalla eftir áfallahjálp sem allir eiga rétt á. Fólk ber ekki lengur ábyrgð á eigin viðbrögðum og tilfinningum. Langalangamma mín missti 10 börn í gröfina og þrjá eiginmenn. Samtímamenn hennar þurftu að fást við náttúruhamfarir, sjúkdóma og ungbarnadauða án formlegrar áfallahjálpar. Hvernig lifði þetta fólk af? Hefði áfallahjálp breytt einhverju? Hefði Hallgrímur Pétursson ort Passíusálmana ef hann hefði fengið áfallahjálp eftir dauða Steinunnar dóttur sinnar. Hefði Bergþórshvoll brunnið forðum hefði Hildigunnur fengið eðlilega áfallahjálp eftir fall Höskuldar Hvítanesgoða? Er áfallahjálpin kannski að endurforrita söguna? Viltu birta grein á Vísi? Sendu okkur póst. Senda grein Óttar Guðmundsson Mest lesið Eitruð kvenmennska Ása Lind Finnbogadóttir Skoðun Leiðin til helvítis Jón Pétur Zimsen Skoðun Þau eru fá en þörfin er stór Sif Huld Albertsdóttir Skoðun Sameining Garðabæjar og Hafnarfjarðar – kostir – ókostir - skynsemi Ó. Ingi Tómasson Skoðun Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun Á undan jarðýtu komi fornleifafræðingur… Stefán Pálsson Skoðun Búum til réttlátt lífeyriskerfi Hrafn Magnússon Skoðun Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun Hinn nýi íslenski aðall Kolbrún Áslaugar Baldursdóttir Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Áfallahjálp var kynnt til sögunnar fyrir alvöru árið 1995 í Súðavíkur- og Flateyrarslysunum. Íbúar á þessum svæðum og hjálparsveitir þurftu á sálrænni aðstoð að halda til að koma í veg fyrir áfallastreituröskun. Á svipstundu varð áfallahjálp að ofnotuðu töfraorði sem allir áttu rétt á. Í byrjun var áfallahjálp takmörkuð við þá sem höfðu horfst í augu við dauðann. Með vaxandi velmegun og öryggi neyddust menn þó til að skilgreina áföll og áfallahjálp uppá nýtt. Nýlega var lögreglumaður handtekinn vegna misferlis og var öllum samstarfsmönnum hans var boðin áfallahjálp. Ég hélt reyndar að lögreglumenn hefðu lífsreynslu og þroska til að takast á við slík tíðindi. Þetta er tímanna tákn. Flugvél sem lendir í ókyrrð kallar á áfallahjálp fyrir farþegana. Vitni að bankaráni þurfa hjálp. Aðstandendur eiga rétt á áfallahjálp eftir eðlileg dauðsföll gamalmenna. Bráðum verður hrópað á sálarhjálp þegar dekk springur á bíl eða einhver missir af strætó. Maðurinn ræður ekki lengur við uppákomur daglegs lífs. Tilveran á að vera fyrirsjáanleg og þægileg. Komi eitthvað óvænt uppá er eðilegt að kalla eftir áfallahjálp sem allir eiga rétt á. Fólk ber ekki lengur ábyrgð á eigin viðbrögðum og tilfinningum. Langalangamma mín missti 10 börn í gröfina og þrjá eiginmenn. Samtímamenn hennar þurftu að fást við náttúruhamfarir, sjúkdóma og ungbarnadauða án formlegrar áfallahjálpar. Hvernig lifði þetta fólk af? Hefði áfallahjálp breytt einhverju? Hefði Hallgrímur Pétursson ort Passíusálmana ef hann hefði fengið áfallahjálp eftir dauða Steinunnar dóttur sinnar. Hefði Bergþórshvoll brunnið forðum hefði Hildigunnur fengið eðlilega áfallahjálp eftir fall Höskuldar Hvítanesgoða? Er áfallahjálpin kannski að endurforrita söguna?
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun