Microsoft sækir á notendur Apple Samúel Ólason skrifar 20. nóvember 2016 11:00 Surface Studio tölva Microsoft hefur verið að falla í kramið hjá gagnrýnendum. Visir/AFP Tæknirisinn Microsoft hefur verið að sækja á markaði sem keppinautar hans í Apple hafa haft yfirráð yfir um langt skeið. Vöruþróun Microsoft hefur beinst frekar að listamönnum og fólki í skapandi störfum. Apple hefur á undanförnum árum verið sakað um að hundsa þá notendur sem hafa verið fyrirtækinu hvað tryggastir. Fartölvur og borðtölvur sem hafa verið sérsniðnar fyrir þessa hópa hafa ekki verið uppfærðar um langt skeið og þær uppfærslur sem Apple hefur komið með hafa fallið í grýttan jarðveg hjá hópum sem vilja lengri líftíma rafhlaðna, stærra lyklaborð og fleiri tengi. Þá hafa vinnsluminni og örgjörvar ekki haldið í við það sem keppinautar fyrirtækisins eru að bjóða upp á. Til dæmis hefur geta MacBook Pro tölvanna lítið verið uppfærð frá árinu 2010. Nú virðist sem Microsoft hafi ákveðið að sækja sérstaklega á þær slóðir og ágætis líkur eru á því að fyrirtækinu takist að stela þessum hópum frá Apple. Nú síðast kynnti Microsoft tölvuna Microsoft Surface Studio. Um er að ræða 28 tommu borðtölvu þar sem öllum búnaðinum hefur verið komið fyrir í stórum snertiskjá, sem er lygilega þunnur (11,4 mm). Þá er hægt að snúa tölvunni þannig að hún verður eins og teikniborð. Tölvan mun nýtast fagfólki vel við myndvinnslu og slíkt. Surface Studio fer í sölu snemma á næsta ár að því er fyrirtækið hefur greint frá en ekki liggur fyrir nákvæmlega hvenær. Á heimasíðu Microsoft er sagt að tölvan muni kosta 2.999 til 4.199 dali. Það samsvarar 340 til 470 þúsund krónum. Það verður að segjast að tölvan er dýr og líklega ekki á hvers manns færi að kaupa hana, enda er hún sérhönnuð fyrir fagfólk. Sömu sögu er að segja af fartölvumarkaðinum, en Microsoft hefur undanfarna mánuði keyrt áfram á tölvunni Microsoft Surface sem er nokkurs konar blendingur af fartölvu og spjaldtölvu. Tölvur Microsoft eru öflugri og sambland af snertiskjáum og hefðbundnum stýringum virðist einkenna nýjustu vörur Microsoft, enda er auðvelt að halda því fram að framtíðin liggi þar. Það dugar að fylgjast með börnum pota í alla skjái sem þau komast í og verða hissa þegar það hefur engin áhrif. Í nýjustu fartölvu sinni, MacBook Pro, hefur Apple ekki viljað ganga alla leið með snertiskjáinn. Þess í stað er snertirönd undir skjánum þar sem hægt er að framkvæma ýmsar aðgerðir. Borðtölvur Apple hafa ekki boðið upp á snertiskjái og nú í vikunni sagði Phil Schiller, einn af yfirmönnum markaðsdeildar Apple, að honum þætti hugmyndin „fáránleg“. Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Tæknirisinn Microsoft hefur verið að sækja á markaði sem keppinautar hans í Apple hafa haft yfirráð yfir um langt skeið. Vöruþróun Microsoft hefur beinst frekar að listamönnum og fólki í skapandi störfum. Apple hefur á undanförnum árum verið sakað um að hundsa þá notendur sem hafa verið fyrirtækinu hvað tryggastir. Fartölvur og borðtölvur sem hafa verið sérsniðnar fyrir þessa hópa hafa ekki verið uppfærðar um langt skeið og þær uppfærslur sem Apple hefur komið með hafa fallið í grýttan jarðveg hjá hópum sem vilja lengri líftíma rafhlaðna, stærra lyklaborð og fleiri tengi. Þá hafa vinnsluminni og örgjörvar ekki haldið í við það sem keppinautar fyrirtækisins eru að bjóða upp á. Til dæmis hefur geta MacBook Pro tölvanna lítið verið uppfærð frá árinu 2010. Nú virðist sem Microsoft hafi ákveðið að sækja sérstaklega á þær slóðir og ágætis líkur eru á því að fyrirtækinu takist að stela þessum hópum frá Apple. Nú síðast kynnti Microsoft tölvuna Microsoft Surface Studio. Um er að ræða 28 tommu borðtölvu þar sem öllum búnaðinum hefur verið komið fyrir í stórum snertiskjá, sem er lygilega þunnur (11,4 mm). Þá er hægt að snúa tölvunni þannig að hún verður eins og teikniborð. Tölvan mun nýtast fagfólki vel við myndvinnslu og slíkt. Surface Studio fer í sölu snemma á næsta ár að því er fyrirtækið hefur greint frá en ekki liggur fyrir nákvæmlega hvenær. Á heimasíðu Microsoft er sagt að tölvan muni kosta 2.999 til 4.199 dali. Það samsvarar 340 til 470 þúsund krónum. Það verður að segjast að tölvan er dýr og líklega ekki á hvers manns færi að kaupa hana, enda er hún sérhönnuð fyrir fagfólk. Sömu sögu er að segja af fartölvumarkaðinum, en Microsoft hefur undanfarna mánuði keyrt áfram á tölvunni Microsoft Surface sem er nokkurs konar blendingur af fartölvu og spjaldtölvu. Tölvur Microsoft eru öflugri og sambland af snertiskjáum og hefðbundnum stýringum virðist einkenna nýjustu vörur Microsoft, enda er auðvelt að halda því fram að framtíðin liggi þar. Það dugar að fylgjast með börnum pota í alla skjái sem þau komast í og verða hissa þegar það hefur engin áhrif. Í nýjustu fartölvu sinni, MacBook Pro, hefur Apple ekki viljað ganga alla leið með snertiskjáinn. Þess í stað er snertirönd undir skjánum þar sem hægt er að framkvæma ýmsar aðgerðir. Borðtölvur Apple hafa ekki boðið upp á snertiskjái og nú í vikunni sagði Phil Schiller, einn af yfirmönnum markaðsdeildar Apple, að honum þætti hugmyndin „fáránleg“.
Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira