Það má svo sannarlega að segja að fjölbreytnin sé í fyrirrúmi í ár, en Louis Vuitton notaði meðal annars Jaden Smith í sína herferð og Marc Jacobs fékk transkonuna Lana Wachowski ásamt fleirum til að sitja fyrir.
En Balmain virðist ætla að ná að toppa þetta, en það eru engar aðrar en ofurfyrirsætur tíunda áratugarins sem stilltu sér upp fyrir framan linsuna hjá Steven Klein.
Þær Naomi Campbell, Claudia Schiffer og Cindy Crawford hafa nákvæmlega engu gleymt og gefa ungstirnunum í fyrirsætuheiminum ekkert eftir.
Fleiri myndir úr herferðinni má sjá á Instagramsíðu Balmain og hjá yfirhönnuðinum Olivier Rousteing.


