Khloé Kardashian og Lamar Odom gerðu kynlífsmyndband

Khloé Kardashian, ein af Kardashian-systrunum, hefur viðurkennt að hafa búið til kynlífsmyndband með eiginmanni sínum Lamar Odom.

Odom er nú í mikilli endurhæfingu en hann var í dái  í töluverðan tíma seinnipart síðasta árs þar sem hann virðist hafa tekið of stóran skammt af eiturlyfjum.

Kardashian var mætt í spjallþáttinn Watch What Happens á sunnudagskvöldið. „Ég hef tekið upp kynlífið okkar á myndband,“ sagði hún í þættinum.

„Ég var kannski ekki beint að tala við myndavélina og við komum bara lítilli myndavél fyrir í herberginu,“ sagði hún og bætti við að myndbandið væri vel geymt í harðlæstum skáp.

Það er löngu orðið frægt þegar kynlífsmynd af eldri systir Khloé, Kim Kardashian, lak á netið og hafa nú milljónir manna séð.