Hefur aldrei stigið í fætur Gunnþóra Gunnarsdóttir skrifar 16. janúar 2016 15:15 "Ég er nákvæmlega eins gömul og ég vil vera og meðan svo er, er gaman að lifa,“ segir Anna Pálína. Mynd/Feykir „Þetta var óvænt upphefð,“ segir Skagfirðingurinn Anna Pálína Þórðardóttir sem lesendur Feykis kusu Norðvestlending ársins 2015. Tilefnið var það að hún gaf út bók í lok síðasta árs sem heitir Lífsins skák og geymir minningar hennar. „Líf mitt hefur reyndar verið allsérstakt því ég fékk lömunarveikina þegar ég var sex mánaða og hef aldrei stigið í fætur,“ viðurkennir Anna Pálína sem býr á dvalarheimilinu Sigurhæðum á Sauðárkróki og lætur vel af sér. Virðist reyndar ekki kvartsár kona að eðlisfari. „Ég er fædd árið 1935 og á þeim tíma lék lífið yfirleitt ekki við lamað fólk. Það var ekkert sjálfgefið að lömuð börn væru heima hjá sér, nema þá lokuð inni. En ég er svo heppin að foreldrar mínir voru á undan sinni samtíð. Faðir minn var húsasmíðameistari, hann smíðaði kerru handa mér sem ég var keyrð í úti, svo ég gæti verið innan um hina krakkana. Ég er eina barn foreldra minna saman en á hálfsystkini og ein systir mín, Elínborg, ólst upp með mér. Hún hlaut líka lömun því hún datt út um glugga á annarri hæð þegar hún var tveggja ára og náði sér aldrei að fullu, var hölt og hægri höndin alveg ónýt. En við vorum aldar upp við þann hugsunarhátt að við gætum allt og værum fullgildar manneskjur.“ Móðir Önnu Pálínu hét Stefanía Guðbjörg Þorláksdóttir og faðir hennar Þórður Guðni Jóhannesson. Hún kveðst minnast þeirra með afskaplega miklu þakklæti fyrir hvernig líf þau skópu henni og Elínborgu, sem kölluð var Ella. Þær hafi líka alltaf átt góðar vinkonur. „Við vorum eiginlega alltaf fimm stelpur saman. Þær sem eru á lífi eru allra bestu vinkonur mínar í dag, við höfum aldrei sleppt höndum hver af annarri. Við lékum alls konar leiki, bæði úti og inni – meira inni að vetrinum. Þær minnast þess að eftir því sem stelpujökkunum fjölgaði í forstofunni heima því breiðar brosti mamma.“ Anna Pálína á líka hamingjuríkt hjónaband að baki, en missti eiginmanninn, Þórhall Filippusson, fyrir rúmum fimm árum. En hún kynntist honum á sjúkrahúsi. „Það var engin heimilishjálp á Króknum á áttunda áratugnum og ef mamma fór á spítala fór ég líka því ég gat ekki verið ein. Þar hitt ég Þórhall, hann var fráskilinn, við hændumst hvort að öðru, giftum okkur og áttum saman 26 góð ár. Við ferðuðumst mikið, fórum til Reykjavíkur tvisvar til þrisvar á ári því okkur fannst svo gaman að fara í leikhús. Fórum bara það sem okkur langaði. Aldrei verið að hugsa eða tala um neina lömun, það hefur aldrei verið í mínu tilfelli. Eitt gaf lífinu sérstakan lit. Ég fór í svifflug með Þórhalli oftar en einu sinni, hann var einn af þekktustu svifflugmönnum Íslands.“ Anna Pálína er með lamaða hægri hönd og skrifaði ekki bókina sína sjálf. „Ég á góða vinkonu sem heitir Þóra Gísladóttir og hún stóð með mér í þessu verkefni, ég talaði og hún ritaði á tölvuna.“ Tölvan er Önnu Pálínu þó mikilvæg, hún notar vísifingur vinstri handar til að pikka á hana. „Ég hef samband við fólk bæði gegnum síma og tölvu og er mikið á fésbók. „Svo hef ég verið bókaormur allt mitt líf,“ lýsir hún og kveðst alltaf hafa eitthvað fyrir stafni, meðal annars saumaskap. „Ég hef saumað dúka, púða, klukkustrengi og einn stóran dúk með harðangri og klaustri. Systir mín hefur aðstoðað mig með það sem með hefur þurft. En ég er líka sjálfstæð og vil bjarga mér sjálf. Nota mikið þjónustubíl, til dæmis í bókasafnsferðir. Bókasafnið er minn uppáhaldsstaður á Króknum. Vinir mínir eru mér mikils virði, ég á þeirra aðstoð og hjálpfýsi vísa. Á hinni árlegu sæluviku hér í Skagafirði hefur myndast sæluvikuklúbbur í kringum mig, í honum eru vinir og ættingjar sem fara með mér á viðburði og skemmtanir.“ Ellin er ekki áhyggjuefni hjá Önnu Pálínu. „Ég er nákvæmlega eins gömul og ég vil vera og á meðan svo er þá er gaman að lifa.“ Mest lesið Simmi Vill og Sunneva Einars létu sig ekki vanta á Jókerinn Lífið Áslaug Arna fór í meðferð til að vinna bug á köngulóafælni Lífið Skrúfaði titrarann í sundur til að forða nágrönnum frá ónæði Lífið Hvernig náum við fram okkar bestu andlitsdráttum? Tíska og hönnun „Hann var of klár fyrir lífið“ Lífið Ólafur Ragnar skellti sér á sæþotu eftir langan dag Lífið Vill að Menendez bræðrum verði veitt frelsi Lífið Haldið í hefðina í Hafnarfirði eftir óhapp Ólafs Lífið Foreldrar minnka við sig svo börnin geti keypt fyrstu eign Lífið „Eini glæpur okkar var sá að verða ástfangin“ Lífið Fleiri fréttir „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Leikarinn John Amos látinn Ævintýralegt líf í Stanford en saknar Vesturbæjarlaugar Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Sjá meira
„Þetta var óvænt upphefð,“ segir Skagfirðingurinn Anna Pálína Þórðardóttir sem lesendur Feykis kusu Norðvestlending ársins 2015. Tilefnið var það að hún gaf út bók í lok síðasta árs sem heitir Lífsins skák og geymir minningar hennar. „Líf mitt hefur reyndar verið allsérstakt því ég fékk lömunarveikina þegar ég var sex mánaða og hef aldrei stigið í fætur,“ viðurkennir Anna Pálína sem býr á dvalarheimilinu Sigurhæðum á Sauðárkróki og lætur vel af sér. Virðist reyndar ekki kvartsár kona að eðlisfari. „Ég er fædd árið 1935 og á þeim tíma lék lífið yfirleitt ekki við lamað fólk. Það var ekkert sjálfgefið að lömuð börn væru heima hjá sér, nema þá lokuð inni. En ég er svo heppin að foreldrar mínir voru á undan sinni samtíð. Faðir minn var húsasmíðameistari, hann smíðaði kerru handa mér sem ég var keyrð í úti, svo ég gæti verið innan um hina krakkana. Ég er eina barn foreldra minna saman en á hálfsystkini og ein systir mín, Elínborg, ólst upp með mér. Hún hlaut líka lömun því hún datt út um glugga á annarri hæð þegar hún var tveggja ára og náði sér aldrei að fullu, var hölt og hægri höndin alveg ónýt. En við vorum aldar upp við þann hugsunarhátt að við gætum allt og værum fullgildar manneskjur.“ Móðir Önnu Pálínu hét Stefanía Guðbjörg Þorláksdóttir og faðir hennar Þórður Guðni Jóhannesson. Hún kveðst minnast þeirra með afskaplega miklu þakklæti fyrir hvernig líf þau skópu henni og Elínborgu, sem kölluð var Ella. Þær hafi líka alltaf átt góðar vinkonur. „Við vorum eiginlega alltaf fimm stelpur saman. Þær sem eru á lífi eru allra bestu vinkonur mínar í dag, við höfum aldrei sleppt höndum hver af annarri. Við lékum alls konar leiki, bæði úti og inni – meira inni að vetrinum. Þær minnast þess að eftir því sem stelpujökkunum fjölgaði í forstofunni heima því breiðar brosti mamma.“ Anna Pálína á líka hamingjuríkt hjónaband að baki, en missti eiginmanninn, Þórhall Filippusson, fyrir rúmum fimm árum. En hún kynntist honum á sjúkrahúsi. „Það var engin heimilishjálp á Króknum á áttunda áratugnum og ef mamma fór á spítala fór ég líka því ég gat ekki verið ein. Þar hitt ég Þórhall, hann var fráskilinn, við hændumst hvort að öðru, giftum okkur og áttum saman 26 góð ár. Við ferðuðumst mikið, fórum til Reykjavíkur tvisvar til þrisvar á ári því okkur fannst svo gaman að fara í leikhús. Fórum bara það sem okkur langaði. Aldrei verið að hugsa eða tala um neina lömun, það hefur aldrei verið í mínu tilfelli. Eitt gaf lífinu sérstakan lit. Ég fór í svifflug með Þórhalli oftar en einu sinni, hann var einn af þekktustu svifflugmönnum Íslands.“ Anna Pálína er með lamaða hægri hönd og skrifaði ekki bókina sína sjálf. „Ég á góða vinkonu sem heitir Þóra Gísladóttir og hún stóð með mér í þessu verkefni, ég talaði og hún ritaði á tölvuna.“ Tölvan er Önnu Pálínu þó mikilvæg, hún notar vísifingur vinstri handar til að pikka á hana. „Ég hef samband við fólk bæði gegnum síma og tölvu og er mikið á fésbók. „Svo hef ég verið bókaormur allt mitt líf,“ lýsir hún og kveðst alltaf hafa eitthvað fyrir stafni, meðal annars saumaskap. „Ég hef saumað dúka, púða, klukkustrengi og einn stóran dúk með harðangri og klaustri. Systir mín hefur aðstoðað mig með það sem með hefur þurft. En ég er líka sjálfstæð og vil bjarga mér sjálf. Nota mikið þjónustubíl, til dæmis í bókasafnsferðir. Bókasafnið er minn uppáhaldsstaður á Króknum. Vinir mínir eru mér mikils virði, ég á þeirra aðstoð og hjálpfýsi vísa. Á hinni árlegu sæluviku hér í Skagafirði hefur myndast sæluvikuklúbbur í kringum mig, í honum eru vinir og ættingjar sem fara með mér á viðburði og skemmtanir.“ Ellin er ekki áhyggjuefni hjá Önnu Pálínu. „Ég er nákvæmlega eins gömul og ég vil vera og á meðan svo er þá er gaman að lifa.“
Mest lesið Simmi Vill og Sunneva Einars létu sig ekki vanta á Jókerinn Lífið Áslaug Arna fór í meðferð til að vinna bug á köngulóafælni Lífið Skrúfaði titrarann í sundur til að forða nágrönnum frá ónæði Lífið Hvernig náum við fram okkar bestu andlitsdráttum? Tíska og hönnun „Hann var of klár fyrir lífið“ Lífið Ólafur Ragnar skellti sér á sæþotu eftir langan dag Lífið Vill að Menendez bræðrum verði veitt frelsi Lífið Haldið í hefðina í Hafnarfirði eftir óhapp Ólafs Lífið Foreldrar minnka við sig svo börnin geti keypt fyrstu eign Lífið „Eini glæpur okkar var sá að verða ástfangin“ Lífið Fleiri fréttir „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Leikarinn John Amos látinn Ævintýralegt líf í Stanford en saknar Vesturbæjarlaugar Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Sjá meira