Minn pólitíski óður María Elísabet Bragadóttir skrifar 11. maí 2016 07:00 Sólin bakaði göturnar um daginn. Túnfífillinn stakk keikur upp kollinum milli hellusteina, vorboðinn ljúfi. Þegar sólin skín breytist göngulag Íslendinga og verður vaggandi eins og við séum óvön föstu landi. Dveljum kannski neðansjávar bróðurpart ársins en tökum ekki eftir því. Híbýli undirdjúpanna eldfornar káetur, dökkbrúnn viður og dauflýsandi luktir. Eilíft rökkur. Syndum svo upp á yfirborðið þegar vorar. Kljúfum demantsbláa vatnsskorpu, súpum hveljur. Sólskinið skiljanlega viðbrigði. Kallar loksins á glaðleg og opin samskipti. Við vinkona mín sátum í sólbaði á bekk við hliðina á keri kúffullu af svartri mold og háttvísum páskaliljum. Reyndum að játast góða veðrinu fullkomlega. Okkur var bumbult af hamingju. Íhugaði sjálf að leggjast á grasbala skammt frá, sleikja maísólina eins og afvelta köttur. Rölta jafnvel niður að tjarnarbakka, finna strigaskóna sökkva í gljúpan jarðveg og vaða út í kalt og forugt vatnið. Klifra svo upp á nærliggjandi sjóðheitt bílhúdd, leggjast eins og krossfiskur og sólþurrka mig. Stara upp í himinhvolfið. Blindast af glóandi hvítri festingunni. - Páskaliljur eru ómótstæðilegar. Angurværar með drúpandi höfuð. Prúðar gamlar frænkur en æðisgengnar á litinn. Það blundar í þeim tryllingur. - Satt. Hvern kýstu í forsetann? - Hallast að húsflugu sem liggur í andarslitrunum í gluggakistunni minni. Alls ekki ánamaðkinn. - Sammála. Dásamlegt veður. Myndirðu saga af þér fótinn fyrir fleiri blíðviðrisdaga? - Góða besta! Hausinn! Myndi afhausa mig fyrir þá. - Yndislegt. Yndislegt!Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Birtist í Fréttablaðinu María Elísabet Bragadóttir Mest lesið Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun Villtur lax eða villt græðgi – sveitin í skotlínu Jóhann Helgi Stefánsson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Hanna Katrín og Co, koma til bjargar Björn Ólafsson Skoðun Hvað er að frétta af humrinum? Jónas Páll Jónasson Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir Skoðun Bókin er minn óvinur, en mig langar samt í verknám! Davíð Bergmann Skoðun Ilmurinn af jarðolíu er svo lokkandi Sævar Helgi Lárusson Skoðun Sigrar og raunir íslenska hestsins Elín Íris Fanndal Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Sólin bakaði göturnar um daginn. Túnfífillinn stakk keikur upp kollinum milli hellusteina, vorboðinn ljúfi. Þegar sólin skín breytist göngulag Íslendinga og verður vaggandi eins og við séum óvön föstu landi. Dveljum kannski neðansjávar bróðurpart ársins en tökum ekki eftir því. Híbýli undirdjúpanna eldfornar káetur, dökkbrúnn viður og dauflýsandi luktir. Eilíft rökkur. Syndum svo upp á yfirborðið þegar vorar. Kljúfum demantsbláa vatnsskorpu, súpum hveljur. Sólskinið skiljanlega viðbrigði. Kallar loksins á glaðleg og opin samskipti. Við vinkona mín sátum í sólbaði á bekk við hliðina á keri kúffullu af svartri mold og háttvísum páskaliljum. Reyndum að játast góða veðrinu fullkomlega. Okkur var bumbult af hamingju. Íhugaði sjálf að leggjast á grasbala skammt frá, sleikja maísólina eins og afvelta köttur. Rölta jafnvel niður að tjarnarbakka, finna strigaskóna sökkva í gljúpan jarðveg og vaða út í kalt og forugt vatnið. Klifra svo upp á nærliggjandi sjóðheitt bílhúdd, leggjast eins og krossfiskur og sólþurrka mig. Stara upp í himinhvolfið. Blindast af glóandi hvítri festingunni. - Páskaliljur eru ómótstæðilegar. Angurværar með drúpandi höfuð. Prúðar gamlar frænkur en æðisgengnar á litinn. Það blundar í þeim tryllingur. - Satt. Hvern kýstu í forsetann? - Hallast að húsflugu sem liggur í andarslitrunum í gluggakistunni minni. Alls ekki ánamaðkinn. - Sammála. Dásamlegt veður. Myndirðu saga af þér fótinn fyrir fleiri blíðviðrisdaga? - Góða besta! Hausinn! Myndi afhausa mig fyrir þá. - Yndislegt. Yndislegt!Greinin birtist fyrst í Fréttablaðinu.
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun