Umfjöllun og viðtöl: Selfoss - Víðir 4-3 | Bikarævintýri Selfyssinga heldur áfram Ingvi Þór Sæmundsson á JÁVERK-vellinum skrifar 9. júní 2016 22:30 Selfoss er kominn í 8-liða úrslit Borgunarbikars karla eftir ævintýralegan 4-3 sigur á Víði í framlengdum leik á JÁVERK-vellinum á Selfossi í kvöld. Selfyssingar verða í pottinum þegar dregið verður í 8-liða úrslit í næstu viku en þeir unnu sem kunnugt er frækinn sigur á KR í 32-liða úrslitunum. Selfyssingar leiddu 1-0 í hálfleik með marki Richards Sæþórs Sigurðssonar sem jók muninn svo í 2-0 í upphafi seinni hálfleiks. En Víðismenn, sem eru á toppnum í 3. deild, voru ekki dauðir úr öllum æðum og þeir jöfnuðu metin með mörkum frá Aleksandar Stojkovic og Birni Bergmann Vilhjálmssyni. Mark þess síðarnefnda var sérlega glæsilegt, þrumuskot af löngu færi í slá og inn. Björn jafnaði í 2-2 á 78. mínútu en um 40 sekúndum síðar kom varamaðurinn Arnór Gauti Ragnarsson Selfossi aftur yfir. En Stojkovic var ekki hættur og hann tryggði Víði framlengingu með sínu öðru marki fjórum mínútum fyrir leikslok. Í framlengingunni var það svo Andrew Pew sem skoraði sigurmark Selfoss með skalla eftir hornspyrnu Arnars Loga Sveinssonar. Lokatölur 4-3 í frábærum leik.Af hverju vann Selfoss? Þrátt fyrir að vera tveimur deildum fyrir neðan stóðu Víðismenn vel fyrir sínu og voru á köflum sterkari aðilinn í leiknum. En eins og Björn Bergmann, fyrirliði þeirra, sagði í viðtali við Vísi eftir leik eru Selfyssingar í mun betra formi og það taldi á endanum.Þessir stóðu upp úr Það voru margir sem áttu góðan leik í kvöld. Richard Sæþór skoraði tvö mörk og var ógnandi og þá var Ivan Martinez Gutierrez góður á miðjunni á meðan hans naut við. Þorsteinn Daníel Þorsteinsson stóð einnig fyrir sínu í stöðu hægri bakvarðar, lagði upp annað mark Selfoss og spyrnur hans í föstum leikatriðum voru hættulegar. Þrátt fyrir að vera ekki í besta forminu skoraði Stojkovic tvö fín mörk og er greinilega flinkur leikmaður. Róbert Örn Ólafsson var góður á miðjunni og þá komu varamenn Víðis sterkir inn og breyttu leiknum.Hvað gekk illa? Varnarleikur beggja liða var á köflum skrautlegur og þá sérstaklega hjá Selfyssingum. Fyrsta mark Víðis var algjör gjöf og varnarleikurinn í þriðja markinu var líka slakur. Víðismenn fóru ekki almennilega í gang fyrr en um miðjan seinni hálfleik, þegar staðan var orðin 2-0. En eftir að Stojkovic skoraði fengu þeir blóðbragð á tennurnar og sýndu að þeir geta spilað fínan fótbolta. Gestirnir úr Garðinum hefðu mátt sýna meira hugrekki í fyrri hálfleik og þora að sækja á vörn heimamanna.Hvað gerist næst? Selfyssingar eru komnir í 8-liða úrslit og bikarævintýri þeirra heldur áfram. Þeir fá þó litla hvíld því þeir fá Fjarðabyggð í heimsókn í Inkasso-deildinni á sunnudaginn og þurfa sigur til að koma sér ofar í töfluna. Bikardraumur Víðis verður ekki að veruleika en þeir eru í góðri stöðu í 3. deildinni og stefna hraðbyri upp í 2. deild. Og miðað við frammistöðuna í kvöld eiga þeir erindi þangað.Gunnar: Var ekkert frábær frammistaða hjá okkur Gunnar Rafn Borgþórsson er kominn með Selfoss í 8-liða úrslit Borgunarbikars karla eftir 4-3 sigur strákanna hans á Víði í kvöld. Leikurinn var frábær skemmtun og sveiflukenndur í meira lagi en það var Andrew Pew sem skaut, eða öllu heldur skallaði, Selfoss áfram í 8-liða úrslitin með marki í framlengingu. „Ég veit ekki hvort við náðum að gera þetta spennandi, þetta var ekkert frábær frammistaða hjá okkur. En ég er gríðarlega ánægður með að vera kominn áfram,“ sagði Gunnar í samtali við Vísi eftir leik. Hann viðurkennir að sínir menn hafi misst einbeitinguna í stöðunni 2-0 í seinni hálfleik. „Já, klárlega. Það er eitthvað sem við þurfum að skoða, hvort það var eitthvað stress að vilja ekki tapa þessu niður. Mér fannst þeir betri en við á löngum köflum í leiknum,“ sagði Gunnar sem segir að Selfoss-liðið fari langt á því að vera í góðu formi. „Við höfum klárað leiki vel og erum í góðu formi. Við höfum ekki unnið alla leiki en alltaf átt mjög góð augnablik á síðustu 20 mínútum þeirra,“ sagði þjálfarinn. Selfoss verður í pottinum þegar dregið verður í 8-liða úrslit í næstu viku. Gunnar segist helst vilja fá heimaleik. „Bara eitthvað skemmtilegt. Við höfum sýnt í þessari keppni að við getum unnið stóran klúbb [KR] en tapað fyrir liði sem á að vera minna en við. Það væri voða gaman að fá heimaleik og fá FH eða eitthvað stórlið,“ sagði Gunnar að lokum.Björn Bergmann: Gat ekki annað verið en ég myndi hitta á markið Björn Bergmann Vilhjálmsson, fyrirliði Víðis, var að vonum svekktur með að vera úr leik í Borgunarbikarnum eftir 4-3 tap fyrir Selfossi í kvöld. „Við komum hérna sem 3. deildarlið að spila á móti 1. deildarliði og ákváðum bara að hafa gaman að og njóta leiksins. „Og þetta er klárlega eitthvað sem við tökum með okkur í deildina,“ sagði Björn skoraði gull af marki þegar hann jafnaði metin í 2-2 á 78. mínútu. En hvað var Björn að hugsa þegar hann lét vaða af 30 metra færi? „Um síðustu tvö skot sem ég átti. Fyrra fór í innkast en hitt var aðeins nær. Það gat ekki annað verið en ég myndi hitta á markið núna. Þetta var mjög ljúft.“ Björn viðurkennir að þreytan hafi sagt til sín í framlengingunni. „Við fórum þetta eiginlega bara á þrjóskunni og hörkunni og menn voru byrjaðir að fá krampa. Við vorum að djöflast á móti 1. deildarliði sem er í töluvert betra formi en við,“ sagði Björn að endingu. Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Birkir á leið til Vals á nýjan leik Íslenski boltinn Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira
Selfoss er kominn í 8-liða úrslit Borgunarbikars karla eftir ævintýralegan 4-3 sigur á Víði í framlengdum leik á JÁVERK-vellinum á Selfossi í kvöld. Selfyssingar verða í pottinum þegar dregið verður í 8-liða úrslit í næstu viku en þeir unnu sem kunnugt er frækinn sigur á KR í 32-liða úrslitunum. Selfyssingar leiddu 1-0 í hálfleik með marki Richards Sæþórs Sigurðssonar sem jók muninn svo í 2-0 í upphafi seinni hálfleiks. En Víðismenn, sem eru á toppnum í 3. deild, voru ekki dauðir úr öllum æðum og þeir jöfnuðu metin með mörkum frá Aleksandar Stojkovic og Birni Bergmann Vilhjálmssyni. Mark þess síðarnefnda var sérlega glæsilegt, þrumuskot af löngu færi í slá og inn. Björn jafnaði í 2-2 á 78. mínútu en um 40 sekúndum síðar kom varamaðurinn Arnór Gauti Ragnarsson Selfossi aftur yfir. En Stojkovic var ekki hættur og hann tryggði Víði framlengingu með sínu öðru marki fjórum mínútum fyrir leikslok. Í framlengingunni var það svo Andrew Pew sem skoraði sigurmark Selfoss með skalla eftir hornspyrnu Arnars Loga Sveinssonar. Lokatölur 4-3 í frábærum leik.Af hverju vann Selfoss? Þrátt fyrir að vera tveimur deildum fyrir neðan stóðu Víðismenn vel fyrir sínu og voru á köflum sterkari aðilinn í leiknum. En eins og Björn Bergmann, fyrirliði þeirra, sagði í viðtali við Vísi eftir leik eru Selfyssingar í mun betra formi og það taldi á endanum.Þessir stóðu upp úr Það voru margir sem áttu góðan leik í kvöld. Richard Sæþór skoraði tvö mörk og var ógnandi og þá var Ivan Martinez Gutierrez góður á miðjunni á meðan hans naut við. Þorsteinn Daníel Þorsteinsson stóð einnig fyrir sínu í stöðu hægri bakvarðar, lagði upp annað mark Selfoss og spyrnur hans í föstum leikatriðum voru hættulegar. Þrátt fyrir að vera ekki í besta forminu skoraði Stojkovic tvö fín mörk og er greinilega flinkur leikmaður. Róbert Örn Ólafsson var góður á miðjunni og þá komu varamenn Víðis sterkir inn og breyttu leiknum.Hvað gekk illa? Varnarleikur beggja liða var á köflum skrautlegur og þá sérstaklega hjá Selfyssingum. Fyrsta mark Víðis var algjör gjöf og varnarleikurinn í þriðja markinu var líka slakur. Víðismenn fóru ekki almennilega í gang fyrr en um miðjan seinni hálfleik, þegar staðan var orðin 2-0. En eftir að Stojkovic skoraði fengu þeir blóðbragð á tennurnar og sýndu að þeir geta spilað fínan fótbolta. Gestirnir úr Garðinum hefðu mátt sýna meira hugrekki í fyrri hálfleik og þora að sækja á vörn heimamanna.Hvað gerist næst? Selfyssingar eru komnir í 8-liða úrslit og bikarævintýri þeirra heldur áfram. Þeir fá þó litla hvíld því þeir fá Fjarðabyggð í heimsókn í Inkasso-deildinni á sunnudaginn og þurfa sigur til að koma sér ofar í töfluna. Bikardraumur Víðis verður ekki að veruleika en þeir eru í góðri stöðu í 3. deildinni og stefna hraðbyri upp í 2. deild. Og miðað við frammistöðuna í kvöld eiga þeir erindi þangað.Gunnar: Var ekkert frábær frammistaða hjá okkur Gunnar Rafn Borgþórsson er kominn með Selfoss í 8-liða úrslit Borgunarbikars karla eftir 4-3 sigur strákanna hans á Víði í kvöld. Leikurinn var frábær skemmtun og sveiflukenndur í meira lagi en það var Andrew Pew sem skaut, eða öllu heldur skallaði, Selfoss áfram í 8-liða úrslitin með marki í framlengingu. „Ég veit ekki hvort við náðum að gera þetta spennandi, þetta var ekkert frábær frammistaða hjá okkur. En ég er gríðarlega ánægður með að vera kominn áfram,“ sagði Gunnar í samtali við Vísi eftir leik. Hann viðurkennir að sínir menn hafi misst einbeitinguna í stöðunni 2-0 í seinni hálfleik. „Já, klárlega. Það er eitthvað sem við þurfum að skoða, hvort það var eitthvað stress að vilja ekki tapa þessu niður. Mér fannst þeir betri en við á löngum köflum í leiknum,“ sagði Gunnar sem segir að Selfoss-liðið fari langt á því að vera í góðu formi. „Við höfum klárað leiki vel og erum í góðu formi. Við höfum ekki unnið alla leiki en alltaf átt mjög góð augnablik á síðustu 20 mínútum þeirra,“ sagði þjálfarinn. Selfoss verður í pottinum þegar dregið verður í 8-liða úrslit í næstu viku. Gunnar segist helst vilja fá heimaleik. „Bara eitthvað skemmtilegt. Við höfum sýnt í þessari keppni að við getum unnið stóran klúbb [KR] en tapað fyrir liði sem á að vera minna en við. Það væri voða gaman að fá heimaleik og fá FH eða eitthvað stórlið,“ sagði Gunnar að lokum.Björn Bergmann: Gat ekki annað verið en ég myndi hitta á markið Björn Bergmann Vilhjálmsson, fyrirliði Víðis, var að vonum svekktur með að vera úr leik í Borgunarbikarnum eftir 4-3 tap fyrir Selfossi í kvöld. „Við komum hérna sem 3. deildarlið að spila á móti 1. deildarliði og ákváðum bara að hafa gaman að og njóta leiksins. „Og þetta er klárlega eitthvað sem við tökum með okkur í deildina,“ sagði Björn skoraði gull af marki þegar hann jafnaði metin í 2-2 á 78. mínútu. En hvað var Björn að hugsa þegar hann lét vaða af 30 metra færi? „Um síðustu tvö skot sem ég átti. Fyrra fór í innkast en hitt var aðeins nær. Það gat ekki annað verið en ég myndi hitta á markið núna. Þetta var mjög ljúft.“ Björn viðurkennir að þreytan hafi sagt til sín í framlengingunni. „Við fórum þetta eiginlega bara á þrjóskunni og hörkunni og menn voru byrjaðir að fá krampa. Við vorum að djöflast á móti 1. deildarliði sem er í töluvert betra formi en við,“ sagði Björn að endingu.
Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Birkir á leið til Vals á nýjan leik Íslenski boltinn Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira