Erilsamur dagur hjá Hildi Þórðardóttur

Það er fullt starf að vera í forsetaframboði og víða sem þarf að koma við vilji maður auka möguleika sína á kjöri.

Því fengu fylgjendur stod2frettir á Snapchat að kynnast þegar forsetaframbjóðandinn Hildur Þórðardóttir sá um reikninginn.

Hildur fór um víðan völl og byrjaði daginn í myndatöku. Þá fór hún í vinnustaðaheimsókn, kíkti á dvalarheimili og lauk deginum í guðsgrænni náttúrunni.

Sjá einnig: Fylgstu með degi í lífi forsetaframbjóðendanna á Snapchat

Myndband af ævintýrum Hildar má sjá í spilaranum hér að ofan. Andri Snær Magnason sér um snappið í dag og þið getið fylgst með ævintýrum hans með því að bæta við reikningnum stod2frettir eins og fyrr segir.