Næring fyrir átökin

Það er mikilvægt að vera vel nærður og með næga orku fyrir löng hlaup. Í aðdraganda hlaups þarf að halda góðu jafnvægi í vökvaneyslu, prótein-, kolvetna- og fituneyslu og þá er mikilvægt að vanda valið og fá sem hollasta næringu og sjá frumum líkamans fyrir nægjanlegri orku.

Að borða rétta fæðu og rétt magn mismunandi orkugjafa, vítamína og steinefna er ekki síður mikilvægt en þjálfunin sjálf. Því betur sem þú borðar, því betur ganga hlaupin, svo einfalt er það bara. Gló valdi nokkrar vörur sem eru fullkomnar fyrir alla hlaupara.

Hammer orkugel

Á löngu hlaupi skiptir miklu máli að fá regluleg skot af góðum kolvetnum til að viðhalda orku og úthaldi. Hammer vörurnar eru náttúrulegar og án allra aukaefna. Í handhægu skammtapokunum eru alvöru ávextir, vönduð kolvetni og amínósýrur. Vegan og glútenlaust.

Teatulia orkute

Lífrænar teblöndur með síberíuginsengi sem hefur verið notað í kínverskum lækningum um þúsundir ára. Þar telja heilarar að jurtin gefi orku og hjálpi líkamanum að ná jafnvægi hraðar eftir átök.

Orgain vegan próteindrykkur

Súkkulaði eða vanillu próteindrykkur sem inniheldur 16 grömm af hágæða jurtapróteini úr hýðishrísgrjónum, hampfræjum, spíruðum chia-fræjum og lífrænu baunapróteini. Í þessum eru einnig flókin kolvetni, allar nauðsynlegu amínósýrurnar og góður skammtur af vítamínum og steinefnum. Ljúffengur ískaldur eftir góða æfingu eða bara sem millimál.

Lífrænt rauðrófuduft

Rauðrófur eru þekktar fyrir að bæta árangur og er rauðrófusafi orðinn hluti af mataræði fjölmargra íþróttamanna. Kaldpressaður safi er ekki alltaf í seilingarfjarlægð og þá er gott að geta gripið í frostþurrkað duft sem má bæta út í þeytinga, grauta, safa eða hvað sem hendi er næst!

Acai- og berjastykki

Þetta stykki inniheldur acai-, goji-, trönu- og hindber og er því stútfullt af andoxunarefnum og trefjum. Acai-berin innihalda einnig ómettaðar fitusýrur í hlutfalli sem svipar til ólífuolíu. Lífrænt hrísgrjónaprótein og kasjúhnetur tryggja heilnæmt prótein í hverjum bita. Vegan og glútenlaust.

Hammer Fizz steinefnadrykkur

Allir hlauparar þekkja mikilvægi þess að halda vökva- og steinefnabúskap líkamans í góðu jafnvægi. Hammer hefur sett saman þessar freyðitöflur með heilnæmu og náttúrulegu innihaldi. Í þeim er sérhönnuð blanda fyrir íþróttamenn til notkunar fyrir, eftir og á meðan á áreynslu stendur. Vegan og glútenlaust.

Shine Chia-grautar

Þessir grautar eru sérhannaðir fyrir fullorðið fólk sem gerir kröfur um innihald. Í hverjum poka eru alvöru ávextir og grænmeti, próteinrík chia-fræ og sérvaldar jurtir eða te sem lyfta næringargildi grautarins upp á næsta stig. Vegan og glútenlaust.

Mediterra grænmetisstykki

Þreytt á ávaxtastykkjum í millimál? Mediterra hefur sett saman þessi ómótstæðilegu stykki með grænmeti! Miðjarðarhafsmataræðið varð innblástur að handhægu millimáli sem hentar hvort sem er í maraþonhlaupum hins daglega amsturs eða sem eldsneyti fyrir langhlaupara. Vegan og glútenlaust.