Eyþóra: Gaman að Íslendingum finnist þeir eiga eitthvað í mér Óskar Ófeigur Jónsson skrifar 11. ágúst 2016 08:00 Eyþóra á Ólympíuleikunum. vísir/anton brink Íslenska fimleikastelpan Irina Sazonova hefur lokið keppni á Ólympíuleikunum í Ríó og skrifaði þar söguna með því að vera sú fyrsta sem keppir fyrir Ísland í fimleikakeppni leikanna. Það eru þó örugglega flestir sem líta svo á að við Íslendingar eigum einnig keppanda í kvöld þegar úrslitin fara fram í fjölþraut kvenna. Eyþóra Elísabet Þórsdóttir hélt upp á átján ára afmælið sitt í gær og í dag tekur hún risastórt skref á fimleikaferli sínum þegar hún keppir í úrslitum á móti öllum hinum bestu fimleikakonum heimsins. Það er ekki slæmt að halda upp á þetta tímamótaafmæli með annars konar tímamótum.Vísir/AntonKemur alltaf heim á jólunum Það er erfitt að halda því fram að Eyþóra Elísabet sé ekki íslensk þótt hún keppi fyrir Holland og hafi verið búsett þar alla tíð. Foreldrar hennar og skyldmenni eru öll Íslendingar, hún talar íslensku eins og hún hafi búið alla tíð á Íslandi og hún kemur oft „heim“ á jólunum eins og hún orðar það sjálf. Hún hefur hins vegar alist upp í hollenska fimleikageiranum og það er því ekkert skrítið að hún hafi valið að keppa fyrir Holland. Hollendingar eru líka heppnir að fá hana. Eyþóra Elísabet stóð sig frábærlega í undankeppninni og náði þar 8. sæti. Hún hreyfir sig eins og ballerína en allar hreyfingar og stökk eru mjög afslöppuð og áreynslulaus. Það er ekki hægt að sjá annað en að framtíð hennar sé mjög björt. „Auðvitað var mikið stress enda eru þetta Ólympíuleikarnir. Þetta er svo stórt og þegar ég var lítil stelpa þá langaði mig svo að komast á Ólympíuleikana. Það er því æðislegt að sjá drauminn sinn rætast,“ segir hún. Eyþóra Elísabet er í skýjunum yfir árangri sínum til þessa og það var gaman að sjá að hún leit á úrslitin sem gott tækifæri til að bæta fyrir það sem klikkaði. Það var sérstaklega eitt fall við lok frábærrar æfingar hennar á gólfi sem var hvað sárast. „Ég var vissulega svekkt en það má ekki láta þetta eyðileggja meira fyrir sér. Ég varð bara að einbeita mér að næstu grein sem var stökkið,“ segir Eyþóra.Vísir/AntonLiðið treystir á mig Gólfið og sláin voru samt aðeins til vandræða. Atvikið á gólfinu í úrslitunum og svo þegar hún datt á hökuna á slánni þremur dögum fyrir keppni. Hún reyndi að fela marið á hökunni með farða en það sást samt aðeins. Hún bætir úr því fyrir kvöldið. „Gólf og slá eru eiginlega best hjá mér. Það gekk svo rosalega vel í gólfæfingunni í undankeppninni þangað til í síðasta stökkinu. Það var svona „ahhh“,“ segir Eyþóra. Hún náði að klára síðustu greinina og tryggja bæði sig og hollenska liðið í úrslitin. „Liðið er líka að treysta á mig þannig að ég varð að halda áfram,“ segir hún. Styrkleiki og mikilvægi Eyþóru fyrir hollenska landsliðið sést líka í liðakeppninni. Þar var hún sú eina í hollenska liðinu sem keppti á öllum fjórum áhöldunum en aðeins þrjár af fimm keppa á hverju áhaldi. „Það er mjög fínt hjá mér að hafa verið efst í hollenska liðinu og ég er mjög ánægð með það.“Vísir/AntonFjölskyldan býr á Íslandi Það hefur ekki farið fram hjá Eyþóru að Íslendingar hafa áhuga á því sem hún er að gera hér úti á leikunum í Ríó. „Það er mjög gaman að vita af því að það sé verið að fylgjast með mér á Íslandi. Það er gott fyrir hjartað mitt að allir heima á Íslandi séu að fylgjast með,“ segir Eyþóra og það vekur strax athygli að hún notar orðið heima. „Allir í minni fjölskyldu eiga heima á Íslandi. Amma og allir eru að fylgjast með sem er mjög gaman,“ segir Eyþóra. Hún segir það hafa komið til greina að keppa fyrir Ísland en taldi það vera best í stöðunni fyrir sig að keppa sem Hollendingur. Íslendingar mega samt alveg eiga eitthvað í henni. „Það er mjög gaman að Íslendingum finnist þeir eiga eitthvað í mér. Það er gaman fyrir mig að fylgjast með því hvernig þið á Íslandi fylgist með mér,“ segir Eyþóra. Það er því í góðu lagi að kalla hana líka fimleikastjörnuna okkar og segja að það sé Íslendingur að keppa í úrslitum í fimleikakeppni ÓL í kvöld. Hún keppir bara fyrir Holland. Fimleikar Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Dagskráin í dag: Nágrannaslagir í Bestu karla og Bónus kvenna Sport „Veit ekki hversu oft hann fór í stöngina eða slánna“ Sport Fleiri fréttir Andri Rafn fimmti í þrjú hundruð leikja klúbbinn „Erfitt að spila á móti liði sem fær þrjár villur í seinni“ KA Íslandsmeistari og tók alla titlana Hvergerðingar í úrslit umspilsins Embla og Eva Björk í ham þegar Stjarnan komst yfir Uppgjörið: Breiðablik - Stjarnan 2-1 | Fyrirliðinn kom heimamönnum til bjargar „Veit ekki hversu oft hann fór í stöngina eða slánna“ Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ Orri rólegur þegar Sporting tapaði fyrri leiknum „Þjöppuðum okkur saman og kláruðum þetta“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ Jón Axel og félagar upp í spænsku úrvalsdeildina „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Keflavík - Njarðvík 73-76 | Njarðvíkur-sigur í spennutrylli Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Tryggvi Evrópumeistari með Bilbao Basket Ari á skotskónum í dramatískum sigri Elfsborg Meistaradeildarvonir Alberts og félaga vænkast Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu Fyrrum nýliði ársins í NBA reynir fyrir sér í hnefaleikum Fyrrum sparkari í NFL ætlar á þing vegna Trump Arteta ætlar ekki að hvíla Saka fyrir Meistaradeildina Sjá meira
Íslenska fimleikastelpan Irina Sazonova hefur lokið keppni á Ólympíuleikunum í Ríó og skrifaði þar söguna með því að vera sú fyrsta sem keppir fyrir Ísland í fimleikakeppni leikanna. Það eru þó örugglega flestir sem líta svo á að við Íslendingar eigum einnig keppanda í kvöld þegar úrslitin fara fram í fjölþraut kvenna. Eyþóra Elísabet Þórsdóttir hélt upp á átján ára afmælið sitt í gær og í dag tekur hún risastórt skref á fimleikaferli sínum þegar hún keppir í úrslitum á móti öllum hinum bestu fimleikakonum heimsins. Það er ekki slæmt að halda upp á þetta tímamótaafmæli með annars konar tímamótum.Vísir/AntonKemur alltaf heim á jólunum Það er erfitt að halda því fram að Eyþóra Elísabet sé ekki íslensk þótt hún keppi fyrir Holland og hafi verið búsett þar alla tíð. Foreldrar hennar og skyldmenni eru öll Íslendingar, hún talar íslensku eins og hún hafi búið alla tíð á Íslandi og hún kemur oft „heim“ á jólunum eins og hún orðar það sjálf. Hún hefur hins vegar alist upp í hollenska fimleikageiranum og það er því ekkert skrítið að hún hafi valið að keppa fyrir Holland. Hollendingar eru líka heppnir að fá hana. Eyþóra Elísabet stóð sig frábærlega í undankeppninni og náði þar 8. sæti. Hún hreyfir sig eins og ballerína en allar hreyfingar og stökk eru mjög afslöppuð og áreynslulaus. Það er ekki hægt að sjá annað en að framtíð hennar sé mjög björt. „Auðvitað var mikið stress enda eru þetta Ólympíuleikarnir. Þetta er svo stórt og þegar ég var lítil stelpa þá langaði mig svo að komast á Ólympíuleikana. Það er því æðislegt að sjá drauminn sinn rætast,“ segir hún. Eyþóra Elísabet er í skýjunum yfir árangri sínum til þessa og það var gaman að sjá að hún leit á úrslitin sem gott tækifæri til að bæta fyrir það sem klikkaði. Það var sérstaklega eitt fall við lok frábærrar æfingar hennar á gólfi sem var hvað sárast. „Ég var vissulega svekkt en það má ekki láta þetta eyðileggja meira fyrir sér. Ég varð bara að einbeita mér að næstu grein sem var stökkið,“ segir Eyþóra.Vísir/AntonLiðið treystir á mig Gólfið og sláin voru samt aðeins til vandræða. Atvikið á gólfinu í úrslitunum og svo þegar hún datt á hökuna á slánni þremur dögum fyrir keppni. Hún reyndi að fela marið á hökunni með farða en það sást samt aðeins. Hún bætir úr því fyrir kvöldið. „Gólf og slá eru eiginlega best hjá mér. Það gekk svo rosalega vel í gólfæfingunni í undankeppninni þangað til í síðasta stökkinu. Það var svona „ahhh“,“ segir Eyþóra. Hún náði að klára síðustu greinina og tryggja bæði sig og hollenska liðið í úrslitin. „Liðið er líka að treysta á mig þannig að ég varð að halda áfram,“ segir hún. Styrkleiki og mikilvægi Eyþóru fyrir hollenska landsliðið sést líka í liðakeppninni. Þar var hún sú eina í hollenska liðinu sem keppti á öllum fjórum áhöldunum en aðeins þrjár af fimm keppa á hverju áhaldi. „Það er mjög fínt hjá mér að hafa verið efst í hollenska liðinu og ég er mjög ánægð með það.“Vísir/AntonFjölskyldan býr á Íslandi Það hefur ekki farið fram hjá Eyþóru að Íslendingar hafa áhuga á því sem hún er að gera hér úti á leikunum í Ríó. „Það er mjög gaman að vita af því að það sé verið að fylgjast með mér á Íslandi. Það er gott fyrir hjartað mitt að allir heima á Íslandi séu að fylgjast með,“ segir Eyþóra og það vekur strax athygli að hún notar orðið heima. „Allir í minni fjölskyldu eiga heima á Íslandi. Amma og allir eru að fylgjast með sem er mjög gaman,“ segir Eyþóra. Hún segir það hafa komið til greina að keppa fyrir Ísland en taldi það vera best í stöðunni fyrir sig að keppa sem Hollendingur. Íslendingar mega samt alveg eiga eitthvað í henni. „Það er mjög gaman að Íslendingum finnist þeir eiga eitthvað í mér. Það er gaman fyrir mig að fylgjast með því hvernig þið á Íslandi fylgist með mér,“ segir Eyþóra. Það er því í góðu lagi að kalla hana líka fimleikastjörnuna okkar og segja að það sé Íslendingur að keppa í úrslitum í fimleikakeppni ÓL í kvöld. Hún keppir bara fyrir Holland.
Fimleikar Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Dagskráin í dag: Nágrannaslagir í Bestu karla og Bónus kvenna Sport „Veit ekki hversu oft hann fór í stöngina eða slánna“ Sport Fleiri fréttir Andri Rafn fimmti í þrjú hundruð leikja klúbbinn „Erfitt að spila á móti liði sem fær þrjár villur í seinni“ KA Íslandsmeistari og tók alla titlana Hvergerðingar í úrslit umspilsins Embla og Eva Björk í ham þegar Stjarnan komst yfir Uppgjörið: Breiðablik - Stjarnan 2-1 | Fyrirliðinn kom heimamönnum til bjargar „Veit ekki hversu oft hann fór í stöngina eða slánna“ Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ Orri rólegur þegar Sporting tapaði fyrri leiknum „Þjöppuðum okkur saman og kláruðum þetta“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ Jón Axel og félagar upp í spænsku úrvalsdeildina „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Keflavík - Njarðvík 73-76 | Njarðvíkur-sigur í spennutrylli Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Tryggvi Evrópumeistari með Bilbao Basket Ari á skotskónum í dramatískum sigri Elfsborg Meistaradeildarvonir Alberts og félaga vænkast Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu Fyrrum nýliði ársins í NBA reynir fyrir sér í hnefaleikum Fyrrum sparkari í NFL ætlar á þing vegna Trump Arteta ætlar ekki að hvíla Saka fyrir Meistaradeildina Sjá meira