Spilaði Beethoven með tveimur skammbyssum

Það er ýmislegt sem fólk lætur sér detta í hug. Nokkrir rússneskir tónlistarmenn tóku sig til í síðasta mánuði og stilltu upp hljómfærum sínum á skotsvæði. Þar voru samankomin ein kona sem spilaði á fiðlu, einn maður sem spilaði á hljómborð og annar maður sem spilaði á tvær skammbyssur.

Með því að skjóta í mismundi málmskotmörk gat hann myndað mismunandi tóna og meðal annars notaði hann þessa tækni til þess að spila lag eftir Beethoven og Old MacDonald.