Frá ítölskum börum í skagfirska sveit Elín Albertsdóttir skrifar 19. nóvember 2016 10:30 Víkingur Kristjánsson hefur helgað sig barþjónastarfinu frá fimmtán ára aldri. Hann kann að búa til flotta kokkteila. MYND/GVA Víkingur Kristjánsson á langan feril að baki sem starfsmaður á börum og veitingastöðum á Ítalíu þótt hann sé enn ungur að árum. Frá unglingsaldri varð hann hugfanginn af veitingarekstri við Gardavatnið þar sem hann er alinn upp. Víkingur starfar núna í gistihúsi ætlað efnafólki. Víkingur er sonur Kristjáns Jóhannssonar óperusöngvara og Sigurjónu Sverrisdóttur. Þótt hann sé alinn upp í óperuheiminum langaði hann aldrei að feta þá braut. Hins vegar hefur hann mikla unun af klassískri tónlist og leikhúsi. „Pabbi var duglegur að taka okkur systkinin með sér í ferðalög, gjarnan eitt í einu, þannig að við fengum að njóta okkar í miklu dekri og kynnast leikhúsunum,“ segir Víkingur. Hann starfar núna á falinni perlu, prívat gistiheimili í Fljótunum í Skagafirði sem er í eigu erlendra aðila. Þar dvelja stórstjörnur og efnafólk og nýtur íslenskrar náttúru í skjóli fjalla. Víkingur hefur starfað þar frá opnun í apríl sl. og er bundinn trúnaði um gesti.Víkingur ólst upp á Ítalíu en flutti heim árið 2012. Íslenskt mannlíf hefur komið honum á óvart ekki síður en menning og listir.Ísland kom á óvart Víkingur segir að hann hafi alltaf litið á sig sem Ítala þangað til hann fluttist til Íslands árið 2012. „Foreldrar mínir flutti hingað til lands 2009. Ég hafði einungis komið hingað í stuttar heimsóknir að sumri eða um jól svo ég þekkti landið ekkert sérstaklega vel. Það hefur hins vegar komið mér stórkostlega á óvart og ég er búinn að finna Íslendinginn í mér. Listir, menning, tónlistarlíf og hönnun er á heimsmælikvarða þrátt fyrir fámennið sem hér býr. Mér finnst það frábært. Auk þess eru verkalýðsmál miklu betri en á Ítalíu,“ segir hann. „Ég heillaðist af mannlífinu við Gardavatnið þegar ég var að alast upp. Þar var mikill ferðamannastraumur. Það var svolítið skemmtilegt að þegar ég kom til Íslands upplifði ég líka þennan ferðamannastraum og að Ísland var ekki síður vinsælt en Gardavatnið. Ég hef mjög gaman af því að kynnast fólki frá ólíkum stöðum í heiminum. Ítalska er fyrsta tungumálið mitt og allir mínir vinir eru ítalskir,“ segir Víkingur en bætir við að foreldrar sínir hafi alltaf talað íslensku heima. „Ég lærði líka íslensku af au pair stúlkum sem aðstoðuðu á heimilinu en þær voru alltaf frá Íslandi. Mig langar samt að læra íslenskuna betur en hef ekki komið því í verk.“Flottir kokkteilar Víkingur segist hafa mjög gaman af því að prófa nýja hluti. Eftir að hafa starfað sem barþjónn á Slippbarnum, Koli og Öldu hóteli í Reykjavík lagði hann land undir fót og hóf störf á vinsælasta ítalska veitingahúsinu í Haag í Hollandi sem nefnist La Passione. „Þar störfuðu bara Ítalir og það var gaman að tengjast þeim aftur,“ segir Víkingur. Hann var þar í eitt og hálft ár áður en hann flutti í skagfirska sveit. „Ég byrjaði fimmtán ára að vinna á bar við Gardavatnið en færði mig síðan yfir á pitsustað. Þar kynntist ég manni sem rak vinsælan kokteilbar, Nautilus, en þar starfaði ég um tíma. Þaðan lá leiðin á kaffibar en þá var ég orðinn leiður á að vinna á nóttunni. Barstarfið dró mig aftur til sín þegar ég var beðinn um að reka vinsælan skemmtistað við ströndina. Staðurinn tók á milli 2-3.000 gesti. Þetta var sumarskemmtistaður þar sem dansað var utanhúss,“ segir Víkingur ,þegar hann rekur feril sinn áður en hann flutti hingað til lands. Á Slippbarnum kynntist hann Ásgeiri Má Björnssyni yfirþjóni sem Víkingur segir að hafi komið kokteilum á kortið hjá Íslendingum. „Hann er mikill kokteilmeistari,“ segir hann „og kenndi mér margt.“Víkingur í íslenskri sveit.Íslensk jól Víkingur ætlar að vera á Íslandi áfram og segir að það sé ýmislegt sem hann langi til að gera. „Það kom mér á óvart hvað Reykjavík er alþjóðleg borg. Íslensk tónlist er til dæmis stórkostleg,“ segir hann. Öll fjölskyldan er nú á Íslandi nema bróðir hans, Sverrir, sem starfar við tölvuleikjagerð í San Francisco og er kvæntur hálfbandarískri konu. „Svo á ég yngri systur, Rannveigu, sem er nemandi í MR,“ segir Víkingur en þess má geta að amma hans, Rannveig Guðmundsdóttir, var lengi alþingismaður. Víkingur segir að Ítalía eigi stóran stað í hjarta hans. „Ég á eftir að fara þangað í heimsóknir enda á ég marga vini þar. Ítalskur matur er líka í miklu uppáhaldi hjá mér. Á jólunum borðum við hins vegar hefðbundinn íslenskan mat,“ segir hann. „Mér finnst stemningin á Íslandi á aðventu og jólum æðisleg,“ segir þessi ungi en reynslumikli barþjónn. Matur Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Gísli Pálmi í fótbolta með Barry Keoghan „Unun að troðið sé á manni þegar svona er“ Ljúffengur sumarréttur með burrata osti Erfið lífsreynsla að þurfa að yfirgefa heimili sitt Tíu myndarleg einbýlishús á höfuðborgarsvæðinu Falska söngkonan á leið í meðferð Myndaveisla: Héldu upp á tíu ára afmælið í Guðmundarlundi Eva segir lífið betra með Kára Stefáns Tónleikaferðalagið í vaskinn eftir ummæli um Trump Hélt niðri í sér hlátrinum yfir fölskum þjóðsöngnum Fékk hjálp úr óvæntri átt í miðjum skilnaði Sara Davíðs fann ástina í örmum flugstjóra Hildur Vala og Kjartan keyptu raðhús í Fossvogi Lengi lifir í gömlum glæðum Rúrik og Pétur Jóhann þeir frægustu sem hún hefur hitt Hrikalega spennandi grillkeppni á Kótilettunni Logi Bergmann var tekinn New York Times lofar Snertingu Með lykilinn að því hvernig á að gera eftirhermu af Íslending Stjörnum prýdd dómnefnd í Ungfrú Ísland Sumarlegur fiskréttur á pönnu Stjörnulífið: Heimir Hallgríms ástfanginn í Suður Frakklandi „Hann er fullkominn eins og hann er“ „Ég var dómharður og ömurlegur gæi“ „Ég var með beinflísar stingandi inn í mænuna mína“ Richard Simmons látinn Shannen Doherty látin Dægrastytting í heimsfaraldri uppskar óvænta frægð Veiðiþættirnir Allt í keng: Nýi skólinn hittir gamla skólann Sjá meira
Víkingur Kristjánsson á langan feril að baki sem starfsmaður á börum og veitingastöðum á Ítalíu þótt hann sé enn ungur að árum. Frá unglingsaldri varð hann hugfanginn af veitingarekstri við Gardavatnið þar sem hann er alinn upp. Víkingur starfar núna í gistihúsi ætlað efnafólki. Víkingur er sonur Kristjáns Jóhannssonar óperusöngvara og Sigurjónu Sverrisdóttur. Þótt hann sé alinn upp í óperuheiminum langaði hann aldrei að feta þá braut. Hins vegar hefur hann mikla unun af klassískri tónlist og leikhúsi. „Pabbi var duglegur að taka okkur systkinin með sér í ferðalög, gjarnan eitt í einu, þannig að við fengum að njóta okkar í miklu dekri og kynnast leikhúsunum,“ segir Víkingur. Hann starfar núna á falinni perlu, prívat gistiheimili í Fljótunum í Skagafirði sem er í eigu erlendra aðila. Þar dvelja stórstjörnur og efnafólk og nýtur íslenskrar náttúru í skjóli fjalla. Víkingur hefur starfað þar frá opnun í apríl sl. og er bundinn trúnaði um gesti.Víkingur ólst upp á Ítalíu en flutti heim árið 2012. Íslenskt mannlíf hefur komið honum á óvart ekki síður en menning og listir.Ísland kom á óvart Víkingur segir að hann hafi alltaf litið á sig sem Ítala þangað til hann fluttist til Íslands árið 2012. „Foreldrar mínir flutti hingað til lands 2009. Ég hafði einungis komið hingað í stuttar heimsóknir að sumri eða um jól svo ég þekkti landið ekkert sérstaklega vel. Það hefur hins vegar komið mér stórkostlega á óvart og ég er búinn að finna Íslendinginn í mér. Listir, menning, tónlistarlíf og hönnun er á heimsmælikvarða þrátt fyrir fámennið sem hér býr. Mér finnst það frábært. Auk þess eru verkalýðsmál miklu betri en á Ítalíu,“ segir hann. „Ég heillaðist af mannlífinu við Gardavatnið þegar ég var að alast upp. Þar var mikill ferðamannastraumur. Það var svolítið skemmtilegt að þegar ég kom til Íslands upplifði ég líka þennan ferðamannastraum og að Ísland var ekki síður vinsælt en Gardavatnið. Ég hef mjög gaman af því að kynnast fólki frá ólíkum stöðum í heiminum. Ítalska er fyrsta tungumálið mitt og allir mínir vinir eru ítalskir,“ segir Víkingur en bætir við að foreldrar sínir hafi alltaf talað íslensku heima. „Ég lærði líka íslensku af au pair stúlkum sem aðstoðuðu á heimilinu en þær voru alltaf frá Íslandi. Mig langar samt að læra íslenskuna betur en hef ekki komið því í verk.“Flottir kokkteilar Víkingur segist hafa mjög gaman af því að prófa nýja hluti. Eftir að hafa starfað sem barþjónn á Slippbarnum, Koli og Öldu hóteli í Reykjavík lagði hann land undir fót og hóf störf á vinsælasta ítalska veitingahúsinu í Haag í Hollandi sem nefnist La Passione. „Þar störfuðu bara Ítalir og það var gaman að tengjast þeim aftur,“ segir Víkingur. Hann var þar í eitt og hálft ár áður en hann flutti í skagfirska sveit. „Ég byrjaði fimmtán ára að vinna á bar við Gardavatnið en færði mig síðan yfir á pitsustað. Þar kynntist ég manni sem rak vinsælan kokteilbar, Nautilus, en þar starfaði ég um tíma. Þaðan lá leiðin á kaffibar en þá var ég orðinn leiður á að vinna á nóttunni. Barstarfið dró mig aftur til sín þegar ég var beðinn um að reka vinsælan skemmtistað við ströndina. Staðurinn tók á milli 2-3.000 gesti. Þetta var sumarskemmtistaður þar sem dansað var utanhúss,“ segir Víkingur ,þegar hann rekur feril sinn áður en hann flutti hingað til lands. Á Slippbarnum kynntist hann Ásgeiri Má Björnssyni yfirþjóni sem Víkingur segir að hafi komið kokteilum á kortið hjá Íslendingum. „Hann er mikill kokteilmeistari,“ segir hann „og kenndi mér margt.“Víkingur í íslenskri sveit.Íslensk jól Víkingur ætlar að vera á Íslandi áfram og segir að það sé ýmislegt sem hann langi til að gera. „Það kom mér á óvart hvað Reykjavík er alþjóðleg borg. Íslensk tónlist er til dæmis stórkostleg,“ segir hann. Öll fjölskyldan er nú á Íslandi nema bróðir hans, Sverrir, sem starfar við tölvuleikjagerð í San Francisco og er kvæntur hálfbandarískri konu. „Svo á ég yngri systur, Rannveigu, sem er nemandi í MR,“ segir Víkingur en þess má geta að amma hans, Rannveig Guðmundsdóttir, var lengi alþingismaður. Víkingur segir að Ítalía eigi stóran stað í hjarta hans. „Ég á eftir að fara þangað í heimsóknir enda á ég marga vini þar. Ítalskur matur er líka í miklu uppáhaldi hjá mér. Á jólunum borðum við hins vegar hefðbundinn íslenskan mat,“ segir hann. „Mér finnst stemningin á Íslandi á aðventu og jólum æðisleg,“ segir þessi ungi en reynslumikli barþjónn.
Matur Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Gísli Pálmi í fótbolta með Barry Keoghan „Unun að troðið sé á manni þegar svona er“ Ljúffengur sumarréttur með burrata osti Erfið lífsreynsla að þurfa að yfirgefa heimili sitt Tíu myndarleg einbýlishús á höfuðborgarsvæðinu Falska söngkonan á leið í meðferð Myndaveisla: Héldu upp á tíu ára afmælið í Guðmundarlundi Eva segir lífið betra með Kára Stefáns Tónleikaferðalagið í vaskinn eftir ummæli um Trump Hélt niðri í sér hlátrinum yfir fölskum þjóðsöngnum Fékk hjálp úr óvæntri átt í miðjum skilnaði Sara Davíðs fann ástina í örmum flugstjóra Hildur Vala og Kjartan keyptu raðhús í Fossvogi Lengi lifir í gömlum glæðum Rúrik og Pétur Jóhann þeir frægustu sem hún hefur hitt Hrikalega spennandi grillkeppni á Kótilettunni Logi Bergmann var tekinn New York Times lofar Snertingu Með lykilinn að því hvernig á að gera eftirhermu af Íslending Stjörnum prýdd dómnefnd í Ungfrú Ísland Sumarlegur fiskréttur á pönnu Stjörnulífið: Heimir Hallgríms ástfanginn í Suður Frakklandi „Hann er fullkominn eins og hann er“ „Ég var dómharður og ömurlegur gæi“ „Ég var með beinflísar stingandi inn í mænuna mína“ Richard Simmons látinn Shannen Doherty látin Dægrastytting í heimsfaraldri uppskar óvænta frægð Veiðiþættirnir Allt í keng: Nýi skólinn hittir gamla skólann Sjá meira