Systkinin Hurðaskellir og Skjóða ætla að föndra eitthvað skemmtilegt á hverjum einasta degi fram að jólum.
Skjóða er að vísu með tíu tröllaputta og Hurðaskellir er algjör jólasveinn en þau hafa ótrúlega gaman að því að föndra og láta því ekki ónákvæmni eða brussugang á sig fá. Um leið og þau föndra kenna þau öðrum að gera jólaskraut, piparkökuhús, jólakort og fleira sniðugt.
Það er fátt skemmtilegra en að fá fallega jólakveðju á aðventunni. Í dag ætla Hurðaskellir og Skjóða að kenna ykkur að senda rafræna jólakveðju til vina og fjölskyldu sem eru kannski langt í burtu og þið náið ekki að hitta fyrir jólin. Eða þau ætla að reyna að kenna ykkur það, þeim gengur ekkert allt of vel sjálfum.
Frekari upplýsingar má finna á jolasveinar.is og á Facebook-síðu jólasveinanna.
Jóladagatal Hurðaskellis og Skjóðu - 13. desember
Tengdar fréttir
Jóladagatal Hurðaskellis og Skjóðu - 12. desember
Hefur þið ekki alltaf dreymt um að búa til jólaskraut sem er með mynd af þér? Þess vegna er hér kennd einföld leið til að færa myndir yfir á tréplatta.
Jóladagatal Hurðaskellis og Skjóðu - 11. desember
Það er mikil spenna í Grýluhelli í dag enda fyrsti jólasveinninn á leiðinni til byggða í nótt. Hurðaskellir og Skjóða bregða þó ekki frá vananum og föndra með ykkur ellefta daginn í röð.
Jóladagatal Hurðaskellis og Skjóðu - 9. desember
Það er föstudagur og Hurðaskellir og Skjóða ætla að baka eitthvað gott fyrir helgina. En þar sem jólin eru á næsta leiti verða þau að venju þema þáttarins og fyrir valinu verður Nutellajólatré.
Jóladagatal Hurðaskellis og Skjóðu - 8. desember
Hurðaskellir þarf að sjá um þáttinn einn og ætlar hann að kenna okkur að búa til litlar jólahúfur.
Jóladagatal Hurðaskellis og Skjóðu - 10. desember
Skjóða ákveður að beita sínum spádómsgáfum og býr til gogg sem spáir því hvað þú færð í jólagjöf.
