Valdís Þóra Jónsdóttir, atvinnukylfingur úr Leyni á Akranesi, er komin upp í toppbaráttuna á lokaúrtökumótinu fyrir sterkustu atvinnumótaröð Evrópu í kvennaflokki sem fram fer í Marrakech í Marokkó.
Með þessum árangri er Valdís komin með takmarkaðan keppnisrétt en um leið í frábærri stöðu til að tryggja sér fullan keppnisrétt á morgun.
Valdís átti frábæran fjórða dag þar sem hún fékk átta fugla og lék holurnar átján á sjö höggum undir pari. Hún er samtals búin að spila fyrstu fjóra dagana á ellefu höggum undir pari.
Valdís Þóra var í 17. til 21. sæti eftir flottan þriðja hring þar sem hún lék á þremur höggum undir pari.
Með því að setja saman tvo mjög góða hringi hefur hún náð að hækka sig um 19 sæti á síðustu tveimur dögum.
Valdís Þóra komst með glans í gegn niðurskurðinn en fyrir fjórða hringinn fengu 60 efstu tækifæri til þess að leika á lokahringnum á morgun. Valdís Þóra er þegar búinn að tryggja sér takmarkaðan keppnisrétt á næsta tímabili sem hefst í janúar.
30 efstu kylfingarnir fá keppnisrétt á LET Evrópumótaröðinni að loknum fimmta hringnum en þeir sem lenda í sætum 31. til 60. fá takmarkaðan keppnisrétt það er fá að keppa á nokkrum mótum á mótaröðinni á næsta ári.
Þetta er í fjórða sinn sem Valdís Þóra reyndir að komast inn á sterkustu atvinnumótaröð Evrópu og hefur hún aldrei áður komist svona langt.
Fuglasýningin hjá Valdísi Þóru í dag:
1.hola - Par (0, -4)
2.hola - Par (0, -4)
3.hola - Fugl (-1, -5)
4 .hola - Skolli (0, -4)
5.hola - Fugl (-1, -5)
6.hola - Fugl (-2, -6)
7.hola - Fugl (-3, -7)
8.hola - Par (-3, -7)
9.hola - Fugl (-4, -8)
10.hola - Par (-4, -8)
11.hola - Par (-4, -8)
12.hola - Par (-4, -8)
13.hola - Par (-4, -8)
14.hola - Fugl (-5, -9)
15.hola - Fugl (-6, -10)
16.hola - Par (-6, -10)
17.hola - Fugl (-7, -11)
18.hola - Par (-7, -11)
