Foreldrar biðu í röð á Korputorgi eftir vinsælustu gjöfinni sem nú er ófáanleg Snærós Sindradóttir skrifar 22. desember 2016 07:00 Örvar Birkir Eiríksson verslunarstjóri Toys'R'us á Korputorgi. Foreldrar hafa beðið fyrir utan verslunina í von um að geta glatt börn sín á aðfangadag. vísir/ernir Vinsælasta leikfang þessara jóla er uppselt fyrir löngu og borin von að verða sér úti um það fyrir aðfangadag. Í byrjun mánaðarins stóðu foreldrar í röð fyrir utan leikfangaverslanir Toys‘R’us eftir að hreppa alls 250 eintök sem bárust þá til landsins. Síðasta sendingin fyrir jól seldist upp á klukkustund. „Á hverju ári er eitthvert leikfang vinsælasta leikfangið. Í ár var það Hatchimals. Við seldum miklu minna en við hefðum getað selt. Framleiðandinn hafði einfaldlega ekki undan og leikfangið er uppselt um allan heim,“ segir Örvar Birkir Eiríksson, verslunarstjóri Toys‘R’us á Korputorgi. Hann segir leikfangið höfða bæði til stráka og stelpna. Engar sölutölur eru til um fjölda eintaka sem seld voru hér á landi en ljóst er að að minnsta kosti mörg hundruð ef ekki þúsundir leikfanga voru seldar fyrir þessi jól. Hvert Hatchimal-leikfang kostaði tæpar tólf þúsund krónur. „Fólk hefur verið að kaupa leikfangið á netinu en mér skilst að verðið sé orðið ansi hátt. Við erum að fá símtöl frá hinum og þessum löndum og fyrirspurnir í tölvupóstum um hvort við eigum fleiri. Menn eru að leita að þessu þvert á landamæri. Þetta er ekki bara einhver íslensk sérviska heldur leikfang sem hitti í mark víða um heim,“ segir Örvar. Sé Hatchimals skráð inn í leitarglugga Facebook sést að mörg þúsund manns eru skráð í sölu- og skiptihópa fyrir leikfangið. Erlendir fjölmiðlar hafa margir hverjir fjallað um æðið sem gripið hefur um sig og jafnan greint frá því ef ný sending er að berast í verslanir svo foreldrar geti verið tilbúnir í röð fyrir utan með peningaveskin. „Við vissum að þetta yrði vinsælt. Fyrir rúmri viku fengum við svo að vita að það kæmi ekkert fyrir jól. Flestir áhugasamir eru núna búnir að frétta af því en það kemur einhver fjöldi fyrirspurna á hverjum degi frá fólki.“ Toys‘R’us á Íslandi fékk tækifæri til að gefa fjögur leikföng sem ætluð voru sem sýniseintök. Dregið verður úr leiknum í dag en tæplega tvö þúsund manns hafa skrifað athugasemd við færslu verslunarinnar á Facebook í þeirri veiku von að hreppa hnossið. Hatchimals nýtur mikilla vinsælda.Gagnvirki bangsinn HatchimalLeikfangið sem á hug og hjarta barna um allan heim var fyrst opinberað þann 7. október síðastliðinn með umfangsmikilli auglýsingaherferð. Leikfangið var markaðssett fyrir stúlkur á aldrinum sex til átta ára en hefur náð víðfeðmum vinsældum hjá strákum líka og eldri aldurshópum. Leikfangið kemur í raun sem egg sem hjálpa þarf að klekjast út. Ætlast er til þess að egginu sé klappað og sýnd athygli þar til úr því klekst lítill ungi. Eggið sýnir viðbrögð við atlætinu og augu þess lýsa. Mjúkdýrið heldur svo áfram að vera gagnvirkt eftir að það er komið úr egginu og þroskast og breytir um persónueinkenni eftir því sem því er sýnd meiri athygli. „Það má segja að þetta sé svona leikfang sem fæðist,“ segir Örvar Birkir.Fréttin birtist fyrst í Fréttablaðinu Birtist í Fréttablaðinu Jólafréttir Mest lesið Aðstoðarforstjóri Play hættur Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Rukkaður um 2800 króna aukagjald í Reynisfjöru Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur „Við erum ekki að fara að vinna“ Neytendur Horfurnar versna hjá Play sem kippir afkomuspá úr gildi Neytendur Fleiri fréttir Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Sjá meira
Vinsælasta leikfang þessara jóla er uppselt fyrir löngu og borin von að verða sér úti um það fyrir aðfangadag. Í byrjun mánaðarins stóðu foreldrar í röð fyrir utan leikfangaverslanir Toys‘R’us eftir að hreppa alls 250 eintök sem bárust þá til landsins. Síðasta sendingin fyrir jól seldist upp á klukkustund. „Á hverju ári er eitthvert leikfang vinsælasta leikfangið. Í ár var það Hatchimals. Við seldum miklu minna en við hefðum getað selt. Framleiðandinn hafði einfaldlega ekki undan og leikfangið er uppselt um allan heim,“ segir Örvar Birkir Eiríksson, verslunarstjóri Toys‘R’us á Korputorgi. Hann segir leikfangið höfða bæði til stráka og stelpna. Engar sölutölur eru til um fjölda eintaka sem seld voru hér á landi en ljóst er að að minnsta kosti mörg hundruð ef ekki þúsundir leikfanga voru seldar fyrir þessi jól. Hvert Hatchimal-leikfang kostaði tæpar tólf þúsund krónur. „Fólk hefur verið að kaupa leikfangið á netinu en mér skilst að verðið sé orðið ansi hátt. Við erum að fá símtöl frá hinum og þessum löndum og fyrirspurnir í tölvupóstum um hvort við eigum fleiri. Menn eru að leita að þessu þvert á landamæri. Þetta er ekki bara einhver íslensk sérviska heldur leikfang sem hitti í mark víða um heim,“ segir Örvar. Sé Hatchimals skráð inn í leitarglugga Facebook sést að mörg þúsund manns eru skráð í sölu- og skiptihópa fyrir leikfangið. Erlendir fjölmiðlar hafa margir hverjir fjallað um æðið sem gripið hefur um sig og jafnan greint frá því ef ný sending er að berast í verslanir svo foreldrar geti verið tilbúnir í röð fyrir utan með peningaveskin. „Við vissum að þetta yrði vinsælt. Fyrir rúmri viku fengum við svo að vita að það kæmi ekkert fyrir jól. Flestir áhugasamir eru núna búnir að frétta af því en það kemur einhver fjöldi fyrirspurna á hverjum degi frá fólki.“ Toys‘R’us á Íslandi fékk tækifæri til að gefa fjögur leikföng sem ætluð voru sem sýniseintök. Dregið verður úr leiknum í dag en tæplega tvö þúsund manns hafa skrifað athugasemd við færslu verslunarinnar á Facebook í þeirri veiku von að hreppa hnossið. Hatchimals nýtur mikilla vinsælda.Gagnvirki bangsinn HatchimalLeikfangið sem á hug og hjarta barna um allan heim var fyrst opinberað þann 7. október síðastliðinn með umfangsmikilli auglýsingaherferð. Leikfangið var markaðssett fyrir stúlkur á aldrinum sex til átta ára en hefur náð víðfeðmum vinsældum hjá strákum líka og eldri aldurshópum. Leikfangið kemur í raun sem egg sem hjálpa þarf að klekjast út. Ætlast er til þess að egginu sé klappað og sýnd athygli þar til úr því klekst lítill ungi. Eggið sýnir viðbrögð við atlætinu og augu þess lýsa. Mjúkdýrið heldur svo áfram að vera gagnvirkt eftir að það er komið úr egginu og þroskast og breytir um persónueinkenni eftir því sem því er sýnd meiri athygli. „Það má segja að þetta sé svona leikfang sem fæðist,“ segir Örvar Birkir.Fréttin birtist fyrst í Fréttablaðinu
Birtist í Fréttablaðinu Jólafréttir Mest lesið Aðstoðarforstjóri Play hættur Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Rukkaður um 2800 króna aukagjald í Reynisfjöru Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur „Við erum ekki að fara að vinna“ Neytendur Horfurnar versna hjá Play sem kippir afkomuspá úr gildi Neytendur Fleiri fréttir Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Sjá meira