Dylan og Megas Óttar Guðmundsson skrifar 22. október 2016 07:00 Aldamótaárið fékk Megas verðlaun Jónasar Hallgrímssonar fyrir framúrskarandi beitingu íslenskrar tungu. Margir urðu til að hneykslast yfir þessari verðlaunaveitingu og rifjuðu upp gamlar ávirðingar skáldsins. Menn sögðu að textar og flutningur væru algjörlega óskiljanleg enda gæti Megas ekki talað móðurmálið heldur muldraði ofan í barm sér á óræðan hátt. Gamall texti Megasar um Jónas og margfalda ógæfu hans var endurtekið rifjaður upp. Bæði Jónas Hall og íslenskan ættu betra skilið en þetta reginhneyksli. Á dögunum fékk Bob Dylan bókmenntaverðlaun Nóbels. Sömu gagnrýnisraddir hljóma nú úti um heim. Dylan er ekki verðlaunanna verður og gamli sprengjuefniskóngurinn Alfreð Nóbel á þetta ekki skilið. Menn segjast hvorki skilja upp né niður í snilldinni enda sé Dylan jafn óræður og gömul véfrétt. Margur gáfumaðurinn segir að Megas og Dylan séu tónlistarmenn og popparar en ekki viðurkennd skáld. Það er skilgreiningarvandi. Eiga menn að festast í gömlum staðalímyndum af fátæka skáldinu með alpahúfuna sem enginn kaupir né les? Getur ekki farandskáldið með gítarinn samið ódauðleg verk þótt framsetningin sé óhefðbundin? Þegar Megas fékk Jónasarverðlaunin óttaðist menntamálaráðuneytið hver yrðu viðbrögð utangarðsskáldsins. Nóbelsnefndin er farin að kvíða viðbrögðum og hegðun Dylans í Nóbelsmálsverðinum með sænsku kóngafjölskyldunni. Skrautið og snobbið kringum verðlaunin er langt frá þeirri ímynd sem Bob Dylan hefur skapað sér. Aðdáendur hans eiga erfitt með að ímynda sér hann í kjólfötum í innantómum orðræðum við sænska kónginn. Flestir veislugesta líta á hann sem boðflennu við þetta háborð listagyðjunnar. Megas gæti kannski lánað honum eina af perlum sínum í veganesti meðan hann hlustar á hátimbraðan hégómann og alla hræsnina: Afsakiði meðan að ég æli! Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Óttar Guðmundsson Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun Horfumst í augu Kristín Thoroddsen Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Er aldur bara tala? Teitur Guðmundsson Skoðun
Aldamótaárið fékk Megas verðlaun Jónasar Hallgrímssonar fyrir framúrskarandi beitingu íslenskrar tungu. Margir urðu til að hneykslast yfir þessari verðlaunaveitingu og rifjuðu upp gamlar ávirðingar skáldsins. Menn sögðu að textar og flutningur væru algjörlega óskiljanleg enda gæti Megas ekki talað móðurmálið heldur muldraði ofan í barm sér á óræðan hátt. Gamall texti Megasar um Jónas og margfalda ógæfu hans var endurtekið rifjaður upp. Bæði Jónas Hall og íslenskan ættu betra skilið en þetta reginhneyksli. Á dögunum fékk Bob Dylan bókmenntaverðlaun Nóbels. Sömu gagnrýnisraddir hljóma nú úti um heim. Dylan er ekki verðlaunanna verður og gamli sprengjuefniskóngurinn Alfreð Nóbel á þetta ekki skilið. Menn segjast hvorki skilja upp né niður í snilldinni enda sé Dylan jafn óræður og gömul véfrétt. Margur gáfumaðurinn segir að Megas og Dylan séu tónlistarmenn og popparar en ekki viðurkennd skáld. Það er skilgreiningarvandi. Eiga menn að festast í gömlum staðalímyndum af fátæka skáldinu með alpahúfuna sem enginn kaupir né les? Getur ekki farandskáldið með gítarinn samið ódauðleg verk þótt framsetningin sé óhefðbundin? Þegar Megas fékk Jónasarverðlaunin óttaðist menntamálaráðuneytið hver yrðu viðbrögð utangarðsskáldsins. Nóbelsnefndin er farin að kvíða viðbrögðum og hegðun Dylans í Nóbelsmálsverðinum með sænsku kóngafjölskyldunni. Skrautið og snobbið kringum verðlaunin er langt frá þeirri ímynd sem Bob Dylan hefur skapað sér. Aðdáendur hans eiga erfitt með að ímynda sér hann í kjólfötum í innantómum orðræðum við sænska kónginn. Flestir veislugesta líta á hann sem boðflennu við þetta háborð listagyðjunnar. Megas gæti kannski lánað honum eina af perlum sínum í veganesti meðan hann hlustar á hátimbraðan hégómann og alla hræsnina: Afsakiði meðan að ég æli! Þessi grein birtist fyrst í Fréttablaðinu.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun