Hávær og skemmtilegur ársfundur 11. maí 2016 09:30 ,,Fyrrnefndir sjónvarpsþættir, Rapp í Reykjavík, eru innblásturinn að þessum tónleikum og mælum við eindregið með að tónleikagestir kíki á þá til að svala rappþorstanum,” segir Sandra Barilli, einn skipuleggjandi Rapp í Reykjavík. MYND/ANTON BRINK Ársfundur íslensku rappsenunnar, Rapp í Reykjavík, yfirtekur skemmtistaðinn Húrra um hvítasunnuhelgina en um er að ræða þriggja daga tónleikaveislu með flestum af vinsælustu röppurum og rappsveitum landsins. Íslensk rapptónlist hefur verið mjög áberandi undanfarin tvö ár að sögn Söndru Barilli, eins af skipuleggjendum ársfundarins, og segir hún því mikilvægt að hampa rappsenunni sérstaklega með þessari hátíð. „Við ákváðum að kalla hana Rapp í Reykjavík, ekki síst af því að samnefndir sjónvarpsþættir eru í sýningu núna á Stöð 2. Nafnið er líka vísun í heimildarmyndirnar Rokk/Popp í Reykjavík sem fönguðu ákveðna stemningu sem var í gangi á þeim tíma þegar þær komu út. Okkur þótti skondið að setja tónleikana upp sem ársfund og í kynningarefninu, sem Bobby Breiðholt hannaði, líkjum við hljómsveitunum við viðskiptafólk sem er að koma saman á ársfund til að fara yfir ársuppgjörið. Það eru náttúrulega ómæld verðmæti í íslensku tónlistarfólki í dag svo þetta er að einhverju leyti satt. Þetta verður ábyggilega skemmtilegasti og háværasti ársfundurinn í Reykjavík þetta árið.“Úlfur Úlfur eru vinsælir. MYND/ERNIRNýtt og eldra í bland Sandra lofar góðri stemningu um helgina og segir mikla veislu framundan. „Þarna koma fram gamlar kempur í bland við nýliða eins og Aron Can sem hefur verið lofaður í hástert og Herra Hnetusmjör sem er með eitt þéttasta textaflæði íslenskra rappara í dag. Krakk & Spaghettí og Krabba Mane eru líklega með skemmtilegustu nöfnin sem munu koma fram. Á bak við fyrrnefnda nafnið eru tvær stúlkur sem rappa og hið síðarnefnda er með djúpa og þétta takta. Úlfur Úlfur eru að vinna að nýju efni sem þeir munu flytja fyrir okkur. Svo eru þarna gullmolar eins og Forgotten Lores, sem voru einmitt með stærstu nöfnunum í fyrri rappbylgjunni og koma til að minna okkur á fyrri gullöld íslenska rappsins. Kattaunnandinn Kött Grá Pje, einna þekktastur fyrir duldar vísanir og mystíska sviðsframkomu, sækir í sérstæðan tilvísanabanka í rappi sínu og er einstaklega skemmtilegt að rýna í textana hjá honum.“ Auk þess eru Reykjavíkurdætur að vinna að fyrstu plötu sinni og flytja væntanlega efni af henni. „Sturla Atlas var líka að gefa út nýtt lag og myndband sem kallast Vino og það á eflaust eftir að hreyfa við tónleikagestum. Svo koma fram Geimfarar, Cell7, Shades of Reykjavík og GKR, þannig að þetta verður ein heljarinnar hátíð.“Hljómsveitin Reykjavíkurdætur.MYND/ISABELLA KATARÍNA MÁRUSDÓTTIREkkert PowerPoint Ef aðsókn verður góð um helgina og stemningin fín vonast Sandra til þess að hátíðin verði árlegur viðburður á Húrra. „Fyrrnefndir sjónvarpsþættir, Rapp í Reykjavík, eru innblásturinn að þessum tónleikum og mælum við eindregið með að tónleikagestir kíki á þá til að svala rappþorstanum. Við vonum að allir gestir fái eitthvað fyrir sinn rapp-snúð, skemmti sér vel og lofum að það verður engin ársskýrsla á PowerPoint-formi auk þess sem enginn þarf að bjóða sig fram til að vera skoðunarmaður reikninga.“ Rapp í Reykjavík hefst á föstudag kl. 21 og stendur yfir fram á sunnudagskvöld. Miðasalan fer fram á tix.is. Nánari upplýsingar um flytjendur og dagskrá má finna á Facebook-síðu skemmtistaðarins Húrra. Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Ársfundur íslensku rappsenunnar, Rapp í Reykjavík, yfirtekur skemmtistaðinn Húrra um hvítasunnuhelgina en um er að ræða þriggja daga tónleikaveislu með flestum af vinsælustu röppurum og rappsveitum landsins. Íslensk rapptónlist hefur verið mjög áberandi undanfarin tvö ár að sögn Söndru Barilli, eins af skipuleggjendum ársfundarins, og segir hún því mikilvægt að hampa rappsenunni sérstaklega með þessari hátíð. „Við ákváðum að kalla hana Rapp í Reykjavík, ekki síst af því að samnefndir sjónvarpsþættir eru í sýningu núna á Stöð 2. Nafnið er líka vísun í heimildarmyndirnar Rokk/Popp í Reykjavík sem fönguðu ákveðna stemningu sem var í gangi á þeim tíma þegar þær komu út. Okkur þótti skondið að setja tónleikana upp sem ársfund og í kynningarefninu, sem Bobby Breiðholt hannaði, líkjum við hljómsveitunum við viðskiptafólk sem er að koma saman á ársfund til að fara yfir ársuppgjörið. Það eru náttúrulega ómæld verðmæti í íslensku tónlistarfólki í dag svo þetta er að einhverju leyti satt. Þetta verður ábyggilega skemmtilegasti og háværasti ársfundurinn í Reykjavík þetta árið.“Úlfur Úlfur eru vinsælir. MYND/ERNIRNýtt og eldra í bland Sandra lofar góðri stemningu um helgina og segir mikla veislu framundan. „Þarna koma fram gamlar kempur í bland við nýliða eins og Aron Can sem hefur verið lofaður í hástert og Herra Hnetusmjör sem er með eitt þéttasta textaflæði íslenskra rappara í dag. Krakk & Spaghettí og Krabba Mane eru líklega með skemmtilegustu nöfnin sem munu koma fram. Á bak við fyrrnefnda nafnið eru tvær stúlkur sem rappa og hið síðarnefnda er með djúpa og þétta takta. Úlfur Úlfur eru að vinna að nýju efni sem þeir munu flytja fyrir okkur. Svo eru þarna gullmolar eins og Forgotten Lores, sem voru einmitt með stærstu nöfnunum í fyrri rappbylgjunni og koma til að minna okkur á fyrri gullöld íslenska rappsins. Kattaunnandinn Kött Grá Pje, einna þekktastur fyrir duldar vísanir og mystíska sviðsframkomu, sækir í sérstæðan tilvísanabanka í rappi sínu og er einstaklega skemmtilegt að rýna í textana hjá honum.“ Auk þess eru Reykjavíkurdætur að vinna að fyrstu plötu sinni og flytja væntanlega efni af henni. „Sturla Atlas var líka að gefa út nýtt lag og myndband sem kallast Vino og það á eflaust eftir að hreyfa við tónleikagestum. Svo koma fram Geimfarar, Cell7, Shades of Reykjavík og GKR, þannig að þetta verður ein heljarinnar hátíð.“Hljómsveitin Reykjavíkurdætur.MYND/ISABELLA KATARÍNA MÁRUSDÓTTIREkkert PowerPoint Ef aðsókn verður góð um helgina og stemningin fín vonast Sandra til þess að hátíðin verði árlegur viðburður á Húrra. „Fyrrnefndir sjónvarpsþættir, Rapp í Reykjavík, eru innblásturinn að þessum tónleikum og mælum við eindregið með að tónleikagestir kíki á þá til að svala rappþorstanum. Við vonum að allir gestir fái eitthvað fyrir sinn rapp-snúð, skemmti sér vel og lofum að það verður engin ársskýrsla á PowerPoint-formi auk þess sem enginn þarf að bjóða sig fram til að vera skoðunarmaður reikninga.“ Rapp í Reykjavík hefst á föstudag kl. 21 og stendur yfir fram á sunnudagskvöld. Miðasalan fer fram á tix.is. Nánari upplýsingar um flytjendur og dagskrá má finna á Facebook-síðu skemmtistaðarins Húrra.
Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira