Porsche bílar Seinfeld seldust á 2,8 milljarða Finnur Thorlacius skrifar 14. mars 2016 10:54 Seinfeld seldi þennan Porsche 550 Spyder af árgerð 1955 á 5,3 milljónir dollara. Grínistinn Jerry Seinfeld seldi 15 Porsche bíla sína á Amelia Island uppboðinu í Flórída á föstudaginn, auk tveggja Volkswagen bíla. Fyrir þá fengust 22 milljónir dollara, eða um 2,8 milljarðar króna. Stjarna dagsins var 1955 árgerðin af Porsche 550 Spyder og seldist hann á 5,3 milljónir Bandaríkjadala. Einnig seldist 1959 árgerðin af Porsche 718 RSK á 2,9 milljónir dala og Porsche 911 Carrera 3,0 frá árinu 1974 á 2,3 milljónir dala. Það var Jerry Seinfeld sjálfur sem kynnti bílana á uppboðinu og var rafmagnað andrúmsloft á uppboðinu og hart barist um bílana. Aðeins einn bíll af safni Seinfeld seldist ekki, eða 2000 árgerðin af Porsche Carrera GT Prototype þar sem ekki var boðið lágmarksverð í bílinn, eða 1,5 milljónir dala. Þó svo Seinfeld hafi boðið til sölu marga af bílum sínum var þarna aðeins um að ræða 10% af Porsche bílasafni hans og því á hann nóg eftir. Seinfeld segir að hann hafi aldrei keypt Porsche bíl sem fjárfestingu, aðeins sér til ánægju og lét þau orð falla að hann einfaldlega elskaði bíla, ekki síst af gerðinni Porsche. Á Amelia Island uppboðinu seldust þessu sinni bílar af andvirði 60 milljóna dollara, eða fyrir 7,6 milljarða króna. Sá sem fór á hæsta verðinu var 1961 árgerðin af Ferrar 250 GT California SWB Spider og var hann seldur á 17,2 milljónir dollara, eða 2,2 milljarða króna. Mest lesið Kom að heimilinu í ljósum logum Innlent „Algjörlega ósammála“ samráðherra sínum Innlent Rafbílaeigendur með sínar leiðir til að svindla Innlent „Ekki sést á þessari öld“ Veður Starfsemi skert í tíu leik- eða grunnskólum í Reykjavík í vetur Innlent Rúmlega 20 slasaðir eftir eld í parísarhjóli Erlent Stærra svæði aldrei orðið heitavatnslaust Innlent Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent Á harðahlaupum í handjárnum Innlent
Grínistinn Jerry Seinfeld seldi 15 Porsche bíla sína á Amelia Island uppboðinu í Flórída á föstudaginn, auk tveggja Volkswagen bíla. Fyrir þá fengust 22 milljónir dollara, eða um 2,8 milljarðar króna. Stjarna dagsins var 1955 árgerðin af Porsche 550 Spyder og seldist hann á 5,3 milljónir Bandaríkjadala. Einnig seldist 1959 árgerðin af Porsche 718 RSK á 2,9 milljónir dala og Porsche 911 Carrera 3,0 frá árinu 1974 á 2,3 milljónir dala. Það var Jerry Seinfeld sjálfur sem kynnti bílana á uppboðinu og var rafmagnað andrúmsloft á uppboðinu og hart barist um bílana. Aðeins einn bíll af safni Seinfeld seldist ekki, eða 2000 árgerðin af Porsche Carrera GT Prototype þar sem ekki var boðið lágmarksverð í bílinn, eða 1,5 milljónir dala. Þó svo Seinfeld hafi boðið til sölu marga af bílum sínum var þarna aðeins um að ræða 10% af Porsche bílasafni hans og því á hann nóg eftir. Seinfeld segir að hann hafi aldrei keypt Porsche bíl sem fjárfestingu, aðeins sér til ánægju og lét þau orð falla að hann einfaldlega elskaði bíla, ekki síst af gerðinni Porsche. Á Amelia Island uppboðinu seldust þessu sinni bílar af andvirði 60 milljóna dollara, eða fyrir 7,6 milljarða króna. Sá sem fór á hæsta verðinu var 1961 árgerðin af Ferrar 250 GT California SWB Spider og var hann seldur á 17,2 milljónir dollara, eða 2,2 milljarða króna.
Mest lesið Kom að heimilinu í ljósum logum Innlent „Algjörlega ósammála“ samráðherra sínum Innlent Rafbílaeigendur með sínar leiðir til að svindla Innlent „Ekki sést á þessari öld“ Veður Starfsemi skert í tíu leik- eða grunnskólum í Reykjavík í vetur Innlent Rúmlega 20 slasaðir eftir eld í parísarhjóli Erlent Stærra svæði aldrei orðið heitavatnslaust Innlent Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent Á harðahlaupum í handjárnum Innlent