Umfjöllun, viðtöl og einkunnir: KR - Stjarnan 1-1 | Mark Baldurs dugði ekki til gegn gömlu félögunum Kolbeinn Tumi Daðason skrifar 17. maí 2016 21:45 Grétar Sigfinnur Sigurðarson á sínum gamla heimavelli í kvöld. Vísir/Vilhelm Stjörnumenn eru á toppi Pepsi-deildar karla ásamt Víkingi frá Ólafsvík eftir 1-1 jafntefli gegn KR í 4. umferðinni sem lauk í kvöld. Baldur Sigurðsson skoraði snemma leiks gegn sínum gömlu félögum og var svo í eldlínunni þegar KR-ingar jöfnuðu metin með umdeildu marki Indriða Sigurðssonar. KR-ingar áttu hins vegar að minnsta kosti stig skilið en þeir voru líklegri til að setja mark og landa stigunum þremur. Af hverju varð jafntefli? Leikurinn einkenndist fyrst og fremst af gífurlegri baráttu og fór lítið fyrir opnum færum. Mark gestanna kom eftir fast leikatriði og sömuleiðis jöfnunarmark KR þar sem svo virðist sem brotið hafi verið á Stjörnumönnum. Hvorugt liðið vildi tapa þessum leik og hvorugur þjálfarinn grætur eitt stig. Bæði lið eru taplaus þótt KR-ingar væru til í að hafa nokkur stig í viðbót. Þessir stóðu upp úr Guðjón Baldvinsson er martröð íslenskra varnarmanna. Hann gerði Skúla Jóni sérstaklega en einnig öðrum varnarmönnum KR lífið leitt í kvöld. Baldur Sigurðsson var fastur fyrir á miðju Stjörnunnar og skoraði mikilvægt reynslumark. Pálmi Rafn átti ágætan leik á miðju KR-inga og sömu sögu er að segja af Óskari Erni sem nær ágætlega saman við Morten Beck í hægri bakverðinum. Hvað gekk illa? Spil manna á milli gekk illa í fyrri hálfleiknum þegar ljóst var að menn ætluðu ekki að taka neina áhættu. Duwayne Kerr missti boltann í jöfnunarmarki KR og jafnvel þótt brotið hafi verið á honum á Jamaíkamaðurinn að geta haldið betur í boltann. Hann var heppinn að gefa ekki Óskari Erni mark skömmu síðar þegar hann missti á ný fyrirgjöf frá sér. Gæði á síðasta þriðjungi vantaði en það skrifast að einhverju leyti á völlinn. Menn komust í ágæt skotfæri en yfirleitt vantaði kraftinn og sömuleiðis síðustu sendingu fyrir markið, eða kænsku að menn kæmu félögum í skotfæri. Hvað gerist næst? KR-ingar halda í Kópavoginum og mæta særðum Blikum sem töpuðu gegn nýliðum Þróttar í kvöld. Svartir og hvítir eru taplausir en þurfa að fjölga sigurleikjum. KR-ingum óx ásmegin í kvöld og eru til alls vísir gegn Blikum. Stjörnumenn fá FH-inga í heimsókn á teppið í leik sem mætti kenna við sex stig. Líklegt má telja að um svipaðan leik verði að ræða og í kvöld þar sem hvorugt liðið vill tapa. Bæði lið ætla sér titilinn og því ljóst að stálinn stinn munu mætast. Indriði Sigurðsson, fyrirliði KR, var ólíklegur markaskorari í kvöld.vísir/ernir Indriði um markið: Breytir því ekki að við áttum stigið skilið „Það var bara klafs, boltinn dettur fyrir mig og ég sparka honum inn. Þetta var ekki fallegasta markið. Svokölluð skófla,“ sagði Indriði Sigurðson, miðvörður og fyrirliði KR, um jöfnunarmark sitt gegn Stjörnunni í 4. umferð Pepsi-deildar karla í kvöld. Stjörnumenn voru æfir og töldu Indriða hafa brotið af sér. Baldur Sigurðsson var á því að Indriði hefði ýtt í bakið á sér af krafti sem hefði leitt til þess að Baldur hafnaði á Duwayne Kerr sem missti boltann fyrir fætur Indriða. „Ég meina, það er alltaf kontakt inni í teig og ég hefði örugglega ekki verið sáttur ef þetta hefði gerst á hinum endanum. En svona gerist bara. Leikmenn taka rangar ákvarðanir, dómarar taka rangar ákvarðanir og það kostar oft. Það breytir því ekki að við áttum stigið skilið og jafnvel meira.“ Indriði var sáttur við spilamennsku KR-inga og taldi sína menn hafa stjórnað leiknum að stærstum hluta. Illa hefði hins vegar gengið að skapa færi og því fór sem fór. Baldur Sigurðsson: Indriði ýtir mjög fast á mig Baldur Sigurðsson, markaskorari Stjörnunnar í 1-1 jafnteflinu gegn KR í Pepsi-deild karla í knattspyrnu í kvöld, var svekktur með eitt stig úr leiknum. Baldur skoraði eftir aðeins fimm mínútur og var aftur í eldlínunni þegar KR-ingar jöfnuðu metin í seinni hálfleik með marki Indriða Sigurðssonar. Vallargestum sýndist Duwayne Kerr, markvörður Stjörnunnar, hreinlega missa fyrirgjöf Óskars Arnar klaufalega fyrir fætur Indriði. Stjörnumenn mótmæltu þó harðlega. „Það er mjög súrt að þurfa að missa þetta niður í jafntefli vegna mistaka dómara,“ sagði Baldur og útskýrði nánar: „Allir sem horfðu á þetta hafa séð þetta. Indriði ýtir mjög fast á mig í bakið með báðum höndum þannig að ég fer í Duwayne sem að missir jafnvægið og boltann. Þetta er frekar súrt,“ sagði Baldur. „En svona er fótboltinn. What goes around, comes around. Ég ætla ekki að fara að væla yfir þessu en þetta er samt súrt. Við lögðum svo gríðarlega mikla vinnu í leiknum og þetta var að ganga fullkomlega upp. Við héldum þeim frá öllum færum í leiknum.“ Baldur sagði leik Stjörnumanna hafa gengið fullkomlega upp. „Leikáætlunin var að vera mjög þéttir og fá ekki á sig mark. Við vorum mjög þéttir í þessum leik, leyfðum KR að hafa boltann. Þeir svo sem spiluðu vel í dag en það var líka það sem við ætluðum að gera.“ Bjarni Guðjónsson, þjálfari KR.vísir/stefánBjarni Guðjóns: „Þetta er grautfúlt“„Leikurinn þróaðist eins og við bjuggumst við. Þeir voru nánast eingöngu í því að þruma boltanum aftur fyrir vörnina og breika á okkur. Lítið um spil af þeirra hálfu,“ sagði Bjarni Guðjónsson, þjálfari KR-inga, eftir leik.„Mér fannst við ná góðum tökum á leiknum í seinni hálfleik. Komast í fínar stöður og skapa nokkur ágætisfæri. Þetta er grautfúlt að taka ekki öll þrjú stigin.“KR-ingar eru ósigraðir í deildinni með sex stig eftir fjóra leiki. Bjarni er þó ekki sáttur við uppskeruna stigalega séð.„Nei, við erum það ekki.“ Rúnar Páll á hliðarlínunni.vísir/ernirRúnar Páll: Förum sáttir heim „Já, það er fínt að fá eitt stig. Við förum sáttir heim,“ sagði Rúnar Páll Sigmundsson, þjálfari Stjörnunnar, að leik loknum. „Uppleggið hjá okkur var að koma boltanum fram og vinna hann þar. Við gátum ekkert mikið verið að spila boltanum í gegnum miðjuna. Síðan þróast leikurinn bara svona.“Sex spjöld fóru á loft í leiknum sem var á köflum mjög harður.„Hann hleypti þessu upp í smá baráttu, dómarinn. Leikmenn voru mjög æstir og gíraðir. Völlurinn býður ekki upp á neinn sambafótbolta. Við það verður stöðubarátta á vellinum. Sem betur fer meiddist enginn.“ Baldur í baráttunni í kvöld.Vísir/Vilhelmvísir/vilhelm Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Langþráð og laglegt mark Höjlund tryggði Man. Utd sigurinn Enski boltinn Í beinni: FH - Valur | Valsmenn þurfa sigur í Evrópubaráttunni Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Sjá meira
Stjörnumenn eru á toppi Pepsi-deildar karla ásamt Víkingi frá Ólafsvík eftir 1-1 jafntefli gegn KR í 4. umferðinni sem lauk í kvöld. Baldur Sigurðsson skoraði snemma leiks gegn sínum gömlu félögum og var svo í eldlínunni þegar KR-ingar jöfnuðu metin með umdeildu marki Indriða Sigurðssonar. KR-ingar áttu hins vegar að minnsta kosti stig skilið en þeir voru líklegri til að setja mark og landa stigunum þremur. Af hverju varð jafntefli? Leikurinn einkenndist fyrst og fremst af gífurlegri baráttu og fór lítið fyrir opnum færum. Mark gestanna kom eftir fast leikatriði og sömuleiðis jöfnunarmark KR þar sem svo virðist sem brotið hafi verið á Stjörnumönnum. Hvorugt liðið vildi tapa þessum leik og hvorugur þjálfarinn grætur eitt stig. Bæði lið eru taplaus þótt KR-ingar væru til í að hafa nokkur stig í viðbót. Þessir stóðu upp úr Guðjón Baldvinsson er martröð íslenskra varnarmanna. Hann gerði Skúla Jóni sérstaklega en einnig öðrum varnarmönnum KR lífið leitt í kvöld. Baldur Sigurðsson var fastur fyrir á miðju Stjörnunnar og skoraði mikilvægt reynslumark. Pálmi Rafn átti ágætan leik á miðju KR-inga og sömu sögu er að segja af Óskari Erni sem nær ágætlega saman við Morten Beck í hægri bakverðinum. Hvað gekk illa? Spil manna á milli gekk illa í fyrri hálfleiknum þegar ljóst var að menn ætluðu ekki að taka neina áhættu. Duwayne Kerr missti boltann í jöfnunarmarki KR og jafnvel þótt brotið hafi verið á honum á Jamaíkamaðurinn að geta haldið betur í boltann. Hann var heppinn að gefa ekki Óskari Erni mark skömmu síðar þegar hann missti á ný fyrirgjöf frá sér. Gæði á síðasta þriðjungi vantaði en það skrifast að einhverju leyti á völlinn. Menn komust í ágæt skotfæri en yfirleitt vantaði kraftinn og sömuleiðis síðustu sendingu fyrir markið, eða kænsku að menn kæmu félögum í skotfæri. Hvað gerist næst? KR-ingar halda í Kópavoginum og mæta særðum Blikum sem töpuðu gegn nýliðum Þróttar í kvöld. Svartir og hvítir eru taplausir en þurfa að fjölga sigurleikjum. KR-ingum óx ásmegin í kvöld og eru til alls vísir gegn Blikum. Stjörnumenn fá FH-inga í heimsókn á teppið í leik sem mætti kenna við sex stig. Líklegt má telja að um svipaðan leik verði að ræða og í kvöld þar sem hvorugt liðið vill tapa. Bæði lið ætla sér titilinn og því ljóst að stálinn stinn munu mætast. Indriði Sigurðsson, fyrirliði KR, var ólíklegur markaskorari í kvöld.vísir/ernir Indriði um markið: Breytir því ekki að við áttum stigið skilið „Það var bara klafs, boltinn dettur fyrir mig og ég sparka honum inn. Þetta var ekki fallegasta markið. Svokölluð skófla,“ sagði Indriði Sigurðson, miðvörður og fyrirliði KR, um jöfnunarmark sitt gegn Stjörnunni í 4. umferð Pepsi-deildar karla í kvöld. Stjörnumenn voru æfir og töldu Indriða hafa brotið af sér. Baldur Sigurðsson var á því að Indriði hefði ýtt í bakið á sér af krafti sem hefði leitt til þess að Baldur hafnaði á Duwayne Kerr sem missti boltann fyrir fætur Indriða. „Ég meina, það er alltaf kontakt inni í teig og ég hefði örugglega ekki verið sáttur ef þetta hefði gerst á hinum endanum. En svona gerist bara. Leikmenn taka rangar ákvarðanir, dómarar taka rangar ákvarðanir og það kostar oft. Það breytir því ekki að við áttum stigið skilið og jafnvel meira.“ Indriði var sáttur við spilamennsku KR-inga og taldi sína menn hafa stjórnað leiknum að stærstum hluta. Illa hefði hins vegar gengið að skapa færi og því fór sem fór. Baldur Sigurðsson: Indriði ýtir mjög fast á mig Baldur Sigurðsson, markaskorari Stjörnunnar í 1-1 jafnteflinu gegn KR í Pepsi-deild karla í knattspyrnu í kvöld, var svekktur með eitt stig úr leiknum. Baldur skoraði eftir aðeins fimm mínútur og var aftur í eldlínunni þegar KR-ingar jöfnuðu metin í seinni hálfleik með marki Indriða Sigurðssonar. Vallargestum sýndist Duwayne Kerr, markvörður Stjörnunnar, hreinlega missa fyrirgjöf Óskars Arnar klaufalega fyrir fætur Indriði. Stjörnumenn mótmæltu þó harðlega. „Það er mjög súrt að þurfa að missa þetta niður í jafntefli vegna mistaka dómara,“ sagði Baldur og útskýrði nánar: „Allir sem horfðu á þetta hafa séð þetta. Indriði ýtir mjög fast á mig í bakið með báðum höndum þannig að ég fer í Duwayne sem að missir jafnvægið og boltann. Þetta er frekar súrt,“ sagði Baldur. „En svona er fótboltinn. What goes around, comes around. Ég ætla ekki að fara að væla yfir þessu en þetta er samt súrt. Við lögðum svo gríðarlega mikla vinnu í leiknum og þetta var að ganga fullkomlega upp. Við héldum þeim frá öllum færum í leiknum.“ Baldur sagði leik Stjörnumanna hafa gengið fullkomlega upp. „Leikáætlunin var að vera mjög þéttir og fá ekki á sig mark. Við vorum mjög þéttir í þessum leik, leyfðum KR að hafa boltann. Þeir svo sem spiluðu vel í dag en það var líka það sem við ætluðum að gera.“ Bjarni Guðjónsson, þjálfari KR.vísir/stefánBjarni Guðjóns: „Þetta er grautfúlt“„Leikurinn þróaðist eins og við bjuggumst við. Þeir voru nánast eingöngu í því að þruma boltanum aftur fyrir vörnina og breika á okkur. Lítið um spil af þeirra hálfu,“ sagði Bjarni Guðjónsson, þjálfari KR-inga, eftir leik.„Mér fannst við ná góðum tökum á leiknum í seinni hálfleik. Komast í fínar stöður og skapa nokkur ágætisfæri. Þetta er grautfúlt að taka ekki öll þrjú stigin.“KR-ingar eru ósigraðir í deildinni með sex stig eftir fjóra leiki. Bjarni er þó ekki sáttur við uppskeruna stigalega séð.„Nei, við erum það ekki.“ Rúnar Páll á hliðarlínunni.vísir/ernirRúnar Páll: Förum sáttir heim „Já, það er fínt að fá eitt stig. Við förum sáttir heim,“ sagði Rúnar Páll Sigmundsson, þjálfari Stjörnunnar, að leik loknum. „Uppleggið hjá okkur var að koma boltanum fram og vinna hann þar. Við gátum ekkert mikið verið að spila boltanum í gegnum miðjuna. Síðan þróast leikurinn bara svona.“Sex spjöld fóru á loft í leiknum sem var á köflum mjög harður.„Hann hleypti þessu upp í smá baráttu, dómarinn. Leikmenn voru mjög æstir og gíraðir. Völlurinn býður ekki upp á neinn sambafótbolta. Við það verður stöðubarátta á vellinum. Sem betur fer meiddist enginn.“ Baldur í baráttunni í kvöld.Vísir/Vilhelmvísir/vilhelm
Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Langþráð og laglegt mark Höjlund tryggði Man. Utd sigurinn Enski boltinn Í beinni: FH - Valur | Valsmenn þurfa sigur í Evrópubaráttunni Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Sjá meira
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn