Svo er hneykslast á Katrínu Jón Sigurður Eyjólfsson skrifar 21. nóvember 2017 07:00 Svo virðist sem pólitískar samæfingar þessi misserin hafi gengið fram af ýmsum. Rétt eins og tilveru þeirra hafi verið snúið á haus þegar vinstri og hægri fóru að ylja áform sín undir sömu sæng. En ég var viðbúinn þessu þar sem ég sit löngum stundum á bókasafninu í bænum Alcalá la Real og hef oftast fyrir framan mig sagnfræðing mikinn sem les allan daginn í aldagömlum skjölum um sögu fyrrnefnds bæjar. Hann minnir mig mjög á Þórberg Þórðarson nema hvað að áru hans fannst mér umleika velsæmi mikið og háttvísi. Hann er fínn í tauinu, í jakkafötum og oft með slaufu. Hann handleikur fornar skræðurnar eins og heilaskurðlæknir. Orðfæri hans er svo fram úr máta hátíðlegt að hann þérar mig í bak og fyrir og ávarpar mig sem herra þó erindið sé ekki annað en að biðja mig um að draga gluggatjöldin fyrir. Hins vegar brá svo við um daginn að hann skellti upp úr einsog sauðdrukkinn Vestfirðingur á þorrablóti og lamdi í borðið. Spurði ég hvað vekti kátínu hans og þá tókst honum að kreista upp úr sér: „Hér á 16. öld þegar plágan fór um sveitir ákváðu yfirvöld hér í Alcalá að loka borgarmúrnum og banna alla umferð inn í bæinn. Hins vegar vildi svo til að hóruhúsið var fyrir utan múrana en þá tóku þeir ákvörðun um að flytja starfsemina inn í bæinn.“ Svo margendurtók hann gamalt orðatiltæki sem er svo klúrt að það er ekki hafandi eftir í virðulegu dagblaði en það átti að sanna mannanna girnd. Ég brást feiminn við enda fólk farið að glápa á okkur og viðstaddir velsæmispésar byrjaðir að engjast af siðferðispínu út af þessum óvænta viðsnúningi. Svo er fólk að hneykslast á Katrínu. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Jón Sigurður Eyjólfsson Skoðun Mest lesið Hver er svo sem ekki með hálfa milljón í rassvasanum? Davíð Brynjar Sigurjónsson Skoðun Til stuðnings Kristrúnu Frostadóttur Haukur Arnþórsson Skoðun Mengum meira Heiðar Guðjónsson Skoðun Svar við bréfi Carbfix: Óljósar hótanir ekki vænlegar til árangurs Davíð A Stefánsson Skoðun Carbfix: Stærsta framlag Íslands í loftslagsmálum heimsins Sævar Freyr Þráinsson Skoðun Arðgreiðslur í sjávarútvegi eru eðlilegar og nauðsynlegar Birta Karen Tryggvadóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Hvað geta íslenskir stjórnmálamenn lært af nýlegum breskum þingkosningum? Jun Þór Morikawa Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir Skoðun Hvað verður um Kára? Helga Sigrún Harðardóttir Skoðun
Svo virðist sem pólitískar samæfingar þessi misserin hafi gengið fram af ýmsum. Rétt eins og tilveru þeirra hafi verið snúið á haus þegar vinstri og hægri fóru að ylja áform sín undir sömu sæng. En ég var viðbúinn þessu þar sem ég sit löngum stundum á bókasafninu í bænum Alcalá la Real og hef oftast fyrir framan mig sagnfræðing mikinn sem les allan daginn í aldagömlum skjölum um sögu fyrrnefnds bæjar. Hann minnir mig mjög á Þórberg Þórðarson nema hvað að áru hans fannst mér umleika velsæmi mikið og háttvísi. Hann er fínn í tauinu, í jakkafötum og oft með slaufu. Hann handleikur fornar skræðurnar eins og heilaskurðlæknir. Orðfæri hans er svo fram úr máta hátíðlegt að hann þérar mig í bak og fyrir og ávarpar mig sem herra þó erindið sé ekki annað en að biðja mig um að draga gluggatjöldin fyrir. Hins vegar brá svo við um daginn að hann skellti upp úr einsog sauðdrukkinn Vestfirðingur á þorrablóti og lamdi í borðið. Spurði ég hvað vekti kátínu hans og þá tókst honum að kreista upp úr sér: „Hér á 16. öld þegar plágan fór um sveitir ákváðu yfirvöld hér í Alcalá að loka borgarmúrnum og banna alla umferð inn í bæinn. Hins vegar vildi svo til að hóruhúsið var fyrir utan múrana en þá tóku þeir ákvörðun um að flytja starfsemina inn í bæinn.“ Svo margendurtók hann gamalt orðatiltæki sem er svo klúrt að það er ekki hafandi eftir í virðulegu dagblaði en það átti að sanna mannanna girnd. Ég brást feiminn við enda fólk farið að glápa á okkur og viðstaddir velsæmispésar byrjaðir að engjast af siðferðispínu út af þessum óvænta viðsnúningi. Svo er fólk að hneykslast á Katrínu. Höfundur er pistlahöfundur Fréttablaðsins.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Hvað geta íslenskir stjórnmálamenn lært af nýlegum breskum þingkosningum? Jun Þór Morikawa Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Hvað geta íslenskir stjórnmálamenn lært af nýlegum breskum þingkosningum? Jun Þór Morikawa Skoðun