Mun fara 10 kílómetra á táknrænan hátt Guðný Hrönn skrifar 12. júní 2017 07:00 Sigrún Bragadóttir er Stígamótum afar þakklát. Vísir/Ernir Ég er brotaþoli kynferðisofbeldis frá því í æsku. Svo var mér byrluð lyf í bekkjarpartíi í menntaskóla líka. Þannig að ég er ein af þeim mörgu sem hafa nýtt sér þjónustu Stígamóta,“ segir Sigrún Bragadóttir sem ætlar að láta gott af sér leiða og styrkja Stígamót með því að fara 10 km í Reykjavíkurmaraþoninu, íklædd heimasaumuðum Wonder Woman-búningi. Sigrún kveðst hafa grafið tilfinningar sínar og minningar tengdar ofbeldinu djúpt niðri í langan tíma. „Ég leitaði mér seint hjálpar hjá Stígamótum. Í mínum huga gerðist ekki neitt áður en ég fór að vinna í mínum málum. Það er bara svona sjálfsbjargarmekanismi,“ útskýrir Sigrún sem leitaði til Stígamóta í kringum fertugsaldurinn. „Þetta er fyrir rúmum fjórum árum síðan. Og Stígamót hafa bara gjörbreytt mínu lífi. Það er eins og lífið sé komið í lit.“ Sigrún talar af mikilli ástríðu um Stígamót og starfið sem teymið þar vinnur. „Þessi samtök, það er alveg með ólíkindum að þau séu til! Þetta er allt ókeypis, það þarf enginn að borga fyrir þjónustuna og hún stendur öllum til boða, óháð kyni, kyngervi, kynhneigð, fyrri störfum og svo framvegis, svo lengi sem einstaklingur er orðinn 18 ára,“ útskýrir Sigrún sem fer í viðtöl hjá Stígamótum ýmist vikulega, hálfsmánaðarlega eða mánaðarlega. „Svona ofbeldi verður að tala um, og afleiðingarnar, þær verður að tala um líka,“ segir Sigrún sem hefur glímt við áfallastreituröskun vegna ofbeldisins sem hún varð fyrir og er í veikindaleyfi frá vinnu þessa stundina. „Það er vegna þess að afleiðingarnar voru orðnar svo miklar og margslungnar“. Sigrún segir fólk í kringum sig hafa sýnt sér mikinn skilning. „Ég er búin að njóta mikil stuðnings, bæði vinnuveitenda og fjölskyldu. Þetta var bara eitthvað sem var búið að vera að byggjast upp í langan tíma og fólk sá það á mér.“ Ætlar ekkert að flýta sér„Ég ætla ekki að hlaupa þessa vegalengd,“ segir Sigrún og hlær. „Ég ætla að ganga þetta og gefa mér mjög góðan tíma í þetta. Ég ætla að stoppa reglulega og fá mér kaffi og spjalla við fólk. Og aðeins að slaka á. Þetta er táknrænt fyrir batann, maður húrrar batanum ekkert af. Maður lýkur honum ekkert innan einhvers ákveðins tíma.“ Sigrún ætlar að fara 10 kílómetrana með húmorinn að vopni. „Ég ætla að klæðast Wonder Woman búningi, sem ég ætla að búa til sjálf,“ segir hún og skellir upp úr. „Þegar ég var lítil, þá var Wonder Woman hetjan mín. Hún var dökkhærð eins og ég, og ég var þá með dökkt sítt hár, og hún var sterk týpa,“ segir Sigrún sem kom á fund blaðamanns í Wonder Woman bol. „Ég var mjög mikill aðdáandi, og er enn í dag en auðvitað á allt annan hátt núna. Mér þykir vænt um hana í dag.“ Það er til lausnSpurð út í hvort hún hafi skilaboð til þeirra sem hafa lent í kynferðisofbeldi en hafa ekki byrjað einhvers konar bataferli segir Sigrún: „Sko, manni getur ekki liðið eitthvað rangt. Skömm og reiði eru heilbrigð viðbrögð við óheilbrigðum aðstæðum. Og þið eruð ekki ein, við erum því miður allt of mörg sem höfum lent í þessu. Og það er til lausn!“ Sigrún tekur fram að úrræðið sem Stígamót er henti kannski ekkert öllum.„En þetta úrræði hentaði mér og bjargaði mér. En mikilvægast er bara að rjúfa þögnina. Hvernig sem það er gert.“ Sigrún leggur áherslu á að fólk geti verið alveg óhrætt við að gefa Stígamótum séns. „Snilldin við Stígamót er sú að valdið er aldrei tekið af fólki sem mætir í viðtöl. Við erum alltaf við stýrið, og við segjum alveg jafn mikið og við viljum segja eða alveg jafn lítið og við viljum segja. En auðvitað er alveg eðlilegt að fólk óttist, vegna þess að óttinn er ein af afleiðingunum við að verða fyrir kynferðisofbeldi.“ Áhugasömum er svo bent á að skoða myllumerkið #sigrúnstormar því með því ætlar Sigrún að gefa fólki innsýn inn í undirbúninginn á bak við 10 kílómetrana sem hún fer í sumar og ferlið allt. Birtist í Fréttablaðinu Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Maggie Smith er látin Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Gaf eiginmanninum nektarmynd á stórafmælinu Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Sjá meira
Ég er brotaþoli kynferðisofbeldis frá því í æsku. Svo var mér byrluð lyf í bekkjarpartíi í menntaskóla líka. Þannig að ég er ein af þeim mörgu sem hafa nýtt sér þjónustu Stígamóta,“ segir Sigrún Bragadóttir sem ætlar að láta gott af sér leiða og styrkja Stígamót með því að fara 10 km í Reykjavíkurmaraþoninu, íklædd heimasaumuðum Wonder Woman-búningi. Sigrún kveðst hafa grafið tilfinningar sínar og minningar tengdar ofbeldinu djúpt niðri í langan tíma. „Ég leitaði mér seint hjálpar hjá Stígamótum. Í mínum huga gerðist ekki neitt áður en ég fór að vinna í mínum málum. Það er bara svona sjálfsbjargarmekanismi,“ útskýrir Sigrún sem leitaði til Stígamóta í kringum fertugsaldurinn. „Þetta er fyrir rúmum fjórum árum síðan. Og Stígamót hafa bara gjörbreytt mínu lífi. Það er eins og lífið sé komið í lit.“ Sigrún talar af mikilli ástríðu um Stígamót og starfið sem teymið þar vinnur. „Þessi samtök, það er alveg með ólíkindum að þau séu til! Þetta er allt ókeypis, það þarf enginn að borga fyrir þjónustuna og hún stendur öllum til boða, óháð kyni, kyngervi, kynhneigð, fyrri störfum og svo framvegis, svo lengi sem einstaklingur er orðinn 18 ára,“ útskýrir Sigrún sem fer í viðtöl hjá Stígamótum ýmist vikulega, hálfsmánaðarlega eða mánaðarlega. „Svona ofbeldi verður að tala um, og afleiðingarnar, þær verður að tala um líka,“ segir Sigrún sem hefur glímt við áfallastreituröskun vegna ofbeldisins sem hún varð fyrir og er í veikindaleyfi frá vinnu þessa stundina. „Það er vegna þess að afleiðingarnar voru orðnar svo miklar og margslungnar“. Sigrún segir fólk í kringum sig hafa sýnt sér mikinn skilning. „Ég er búin að njóta mikil stuðnings, bæði vinnuveitenda og fjölskyldu. Þetta var bara eitthvað sem var búið að vera að byggjast upp í langan tíma og fólk sá það á mér.“ Ætlar ekkert að flýta sér„Ég ætla ekki að hlaupa þessa vegalengd,“ segir Sigrún og hlær. „Ég ætla að ganga þetta og gefa mér mjög góðan tíma í þetta. Ég ætla að stoppa reglulega og fá mér kaffi og spjalla við fólk. Og aðeins að slaka á. Þetta er táknrænt fyrir batann, maður húrrar batanum ekkert af. Maður lýkur honum ekkert innan einhvers ákveðins tíma.“ Sigrún ætlar að fara 10 kílómetrana með húmorinn að vopni. „Ég ætla að klæðast Wonder Woman búningi, sem ég ætla að búa til sjálf,“ segir hún og skellir upp úr. „Þegar ég var lítil, þá var Wonder Woman hetjan mín. Hún var dökkhærð eins og ég, og ég var þá með dökkt sítt hár, og hún var sterk týpa,“ segir Sigrún sem kom á fund blaðamanns í Wonder Woman bol. „Ég var mjög mikill aðdáandi, og er enn í dag en auðvitað á allt annan hátt núna. Mér þykir vænt um hana í dag.“ Það er til lausnSpurð út í hvort hún hafi skilaboð til þeirra sem hafa lent í kynferðisofbeldi en hafa ekki byrjað einhvers konar bataferli segir Sigrún: „Sko, manni getur ekki liðið eitthvað rangt. Skömm og reiði eru heilbrigð viðbrögð við óheilbrigðum aðstæðum. Og þið eruð ekki ein, við erum því miður allt of mörg sem höfum lent í þessu. Og það er til lausn!“ Sigrún tekur fram að úrræðið sem Stígamót er henti kannski ekkert öllum.„En þetta úrræði hentaði mér og bjargaði mér. En mikilvægast er bara að rjúfa þögnina. Hvernig sem það er gert.“ Sigrún leggur áherslu á að fólk geti verið alveg óhrætt við að gefa Stígamótum séns. „Snilldin við Stígamót er sú að valdið er aldrei tekið af fólki sem mætir í viðtöl. Við erum alltaf við stýrið, og við segjum alveg jafn mikið og við viljum segja eða alveg jafn lítið og við viljum segja. En auðvitað er alveg eðlilegt að fólk óttist, vegna þess að óttinn er ein af afleiðingunum við að verða fyrir kynferðisofbeldi.“ Áhugasömum er svo bent á að skoða myllumerkið #sigrúnstormar því með því ætlar Sigrún að gefa fólki innsýn inn í undirbúninginn á bak við 10 kílómetrana sem hún fer í sumar og ferlið allt.
Birtist í Fréttablaðinu Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Maggie Smith er látin Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Gaf eiginmanninum nektarmynd á stórafmælinu Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Sjá meira