Dacia Duster mest seldi sportjeppi landsins Finnur Thorlacius skrifar 6. júlí 2017 13:00 Dacia Duster hefur frá upphafi verið vinsælasti Dacia-bíllinn, bæði á einstaklingsmarkaði og hjá fyrirtækjum. Dacia sem BL kynnti sem nýtt bílamerki hjá fyrirtækinu haustið 2012 er nú orðið tíunda mest selda merki landsins og með sölu á áþekku róli og Skoda. Það sem meira er, er að Dacia Duster trónir nú á toppi sölulistans þegar kemur að sportjeppunum. Það sæti hefur Nissan Qashqai vermt hér á landi frá því að hann kom á markaðinn, en er nú sem stendur í fjórða sæti enda þótt hann sé enn mest seldi sportjeppinn á meginlandinu. BL býður þrjár gerðir frá Dacia hér á landi, sportjeppann Duster, sendibílinn Dokker og langbakinn Logan og hafa yfir 600 bílar verðið skráðir það sem af er árinu, 76% fleiri en fyrstu sex mánuðina 2016. Duster hefur frá upphafi verið vinsælasti Dacia-bíllinn, bæði á einstaklingsmarkaði og hjá fyrirtækjum. Bíllinn hlaut strax í upphafi góðar móttökur og hefur salan vaxið jafnt og þétt á hverju ári. Rúmenski bílaframleiðandinn Dacia var settur á fót árið 1966 þegar bílaverksmiðja Renault í Frakklandi sem framleiddi Renault 8 var seld til Rúmeníu. Renault-Nissan Group keypti svo fyrirtækið árið 1999 og hóf að selja hann utan Rúmeníu. Síðan hefur salan margfaldast og seldust yfir 600 þúsund bílar í Evrópu á síðasta ári. Dacia er nú fimmti stærsti bílaframleiðandi Evrópu og bílarnir á meðal þeirra mest seldu í álfunni þar sem hann hefur sótt hart að mörgum helstu merkjunum sem fyrir voru á markaðnum. Dacia er í dag langstærsta útflutningsfyrirtæki Rúmeníu. Dacia var í upphafi eingöngu ætlaður til heimabrúks í Rúmeníu. Þegar Renault-Nissan Group keypti fyrirtækið 1999 varð í kjölfarið bylting á gæðasviðinu enda fylgir Renault- Nissan meðal annars þeirri stefnu að nýta þá íhluti í Dacia frá Renault og Nissan sem reynst hafa hvað best þegar kemur að endingu og áreiðanleika. Bílarnir eru því þekktir á markaðnum fyrir lága bilanatíðni og mikið rekstraröryggi. Að sama skapi er Dacia laus við allra flóknustu tækniundrin sem einkenna mörg helstu merkin á markaðnum í dag. Það þýðir þó ekki að Dacia sé ekki vel búinn. Þvert á móti státar Dacia, og ekki síst Duster, af veglegum þæginda- og öryggisbúnaði. Meðal búnaðar í Duster má nefna hraðastilli, bakkskynjara, leiðsögukerfi með Íslandskorti, stöðugleikastýringu, loftkælingu, handfrjálsan símabúnað, langboga á þaki og fleira auk þess sem hægt er að velja úr fjölbreyttu úrvali aukahluta í bílinn. Duster er búinn 110 hestafla dísilvél sem eyðir að meðaltali 5,3 l 100/km og er verðið 3.390.000. Mest lesið „Ég hef aldrei séð annan eins viðbjóð“ Innlent „Ekki sést á þessari öld“ Veður Bílaröð ísþyrstra Innlent Haraldur baunar á forstjóra Landsvirkjunar Innlent Kúkalykt í kirkjugarði gerir út af við Grafavogsbúa Innlent Fylgjast náið með barnafjölskyldum í Grindavík Innlent Eldur logar í frægu listasafni í Lundúnum Erlent Rekstraraðilar misvel undirbúnir Innlent Neitaði að borga heita vatnið og slapp með skrekkinn Innlent Slagsmál brutust út meðal þingmanna Erlent
Dacia sem BL kynnti sem nýtt bílamerki hjá fyrirtækinu haustið 2012 er nú orðið tíunda mest selda merki landsins og með sölu á áþekku róli og Skoda. Það sem meira er, er að Dacia Duster trónir nú á toppi sölulistans þegar kemur að sportjeppunum. Það sæti hefur Nissan Qashqai vermt hér á landi frá því að hann kom á markaðinn, en er nú sem stendur í fjórða sæti enda þótt hann sé enn mest seldi sportjeppinn á meginlandinu. BL býður þrjár gerðir frá Dacia hér á landi, sportjeppann Duster, sendibílinn Dokker og langbakinn Logan og hafa yfir 600 bílar verðið skráðir það sem af er árinu, 76% fleiri en fyrstu sex mánuðina 2016. Duster hefur frá upphafi verið vinsælasti Dacia-bíllinn, bæði á einstaklingsmarkaði og hjá fyrirtækjum. Bíllinn hlaut strax í upphafi góðar móttökur og hefur salan vaxið jafnt og þétt á hverju ári. Rúmenski bílaframleiðandinn Dacia var settur á fót árið 1966 þegar bílaverksmiðja Renault í Frakklandi sem framleiddi Renault 8 var seld til Rúmeníu. Renault-Nissan Group keypti svo fyrirtækið árið 1999 og hóf að selja hann utan Rúmeníu. Síðan hefur salan margfaldast og seldust yfir 600 þúsund bílar í Evrópu á síðasta ári. Dacia er nú fimmti stærsti bílaframleiðandi Evrópu og bílarnir á meðal þeirra mest seldu í álfunni þar sem hann hefur sótt hart að mörgum helstu merkjunum sem fyrir voru á markaðnum. Dacia er í dag langstærsta útflutningsfyrirtæki Rúmeníu. Dacia var í upphafi eingöngu ætlaður til heimabrúks í Rúmeníu. Þegar Renault-Nissan Group keypti fyrirtækið 1999 varð í kjölfarið bylting á gæðasviðinu enda fylgir Renault- Nissan meðal annars þeirri stefnu að nýta þá íhluti í Dacia frá Renault og Nissan sem reynst hafa hvað best þegar kemur að endingu og áreiðanleika. Bílarnir eru því þekktir á markaðnum fyrir lága bilanatíðni og mikið rekstraröryggi. Að sama skapi er Dacia laus við allra flóknustu tækniundrin sem einkenna mörg helstu merkin á markaðnum í dag. Það þýðir þó ekki að Dacia sé ekki vel búinn. Þvert á móti státar Dacia, og ekki síst Duster, af veglegum þæginda- og öryggisbúnaði. Meðal búnaðar í Duster má nefna hraðastilli, bakkskynjara, leiðsögukerfi með Íslandskorti, stöðugleikastýringu, loftkælingu, handfrjálsan símabúnað, langboga á þaki og fleira auk þess sem hægt er að velja úr fjölbreyttu úrvali aukahluta í bílinn. Duster er búinn 110 hestafla dísilvél sem eyðir að meðaltali 5,3 l 100/km og er verðið 3.390.000.
Mest lesið „Ég hef aldrei séð annan eins viðbjóð“ Innlent „Ekki sést á þessari öld“ Veður Bílaröð ísþyrstra Innlent Haraldur baunar á forstjóra Landsvirkjunar Innlent Kúkalykt í kirkjugarði gerir út af við Grafavogsbúa Innlent Fylgjast náið með barnafjölskyldum í Grindavík Innlent Eldur logar í frægu listasafni í Lundúnum Erlent Rekstraraðilar misvel undirbúnir Innlent Neitaði að borga heita vatnið og slapp með skrekkinn Innlent Slagsmál brutust út meðal þingmanna Erlent