Umfjöllun og viðtöl: Keflavík - Skallagrímur 93-80 | Handbragð Friðriks Inga sást strax í fyrsta leik Eiríkur Stefán Ásgeirsson skrifar 16. febrúar 2017 21:30 Friðrik Ingi Rúnarsson. Vísir/Valli Friðrik Ingi Rúnarsson fer vel af stað með Keflavík en hann vann í sínum fyrsta leik sem þjálfari liðsins, er Keflvíkingar unnu öruggan sigur á Skallagrími á heimavelli. Keflavík gaf tóninn með góðum fyrsta leikhluta er liðið skoraði 30 stig og náði eftir smá hikst að hafa góða stjórn á Flenard Whitfield, stóra Bandaríkjamanninum í liði Skallagríms, í skefjum undir körfunni. Að sama skapi átti Amir Stevens stórleik í liði Keflavíkur og sá til þess að gestirnir úr Borgarnesi komust í raun ekki nálægt því að ógna forystu Keflvíkinga í síðari hálfleik. Heimamenn spiluðu góða vörn í kvöld og fengu líka mikilvæg stig frá Guðmundi Jónssyni, sem skoraði þrettán af 20 stigum sínum í þriðja leikhluta, þar af tvær þriggja stiga körfur í röð. Það reyndist rothögg Skallagríms í leiknum. Sigtryggur Arnar Björnsson reyndi hvað hann gat að halda sínum mönnum á floti í leiknum en allt kom fyrir ekki. Hann var stigahæstur í liði Skallagríms með 23 stig. Stevens skoraði 31 stig fyrir Keflavík.Whitfield tekinn úr sambandi Keflavík var með yfirhöndina í fyrri hálfleik, sérstaklega þegar þeir hertu vörnina inni í teignum um miðjan fyrsta leikhluta. Amir Stevens og Davíð Páll Hermannsson náðu að taka Flenard Whitfield, hinn öfluga miðherja Skallagríms, úr sambandi en Whitfield hitti úr aðeins þremur af fjórtán skotum sínum í fyrri hálfleik. Heimamenn notuðu fyrstu mínúturnar til að skjóta sig í gang. Það gekk hægt til að byrja með en þegar þristarnir fóru að detta fór að skilja á milli liðanna. Sigtryggur Arnar Björnsson og á köflum Eyjólfur Ásberg Halldórsson reyndu hvað þeir gátu að halda sínum mönnum á floti en það þurfti framlag frá fleirum, sérstaklega Whitfield. Amir Stevens átti stórleik í fyrri hálfleik en hann nýtti átta skot, skoraði sautján stig og tók ellefu fráköst. En það var fyrst og fremst öflug liðsvörn og þá sérstaklega inni í teignum sem að gerði gæfumuninn fyrir Keflvíkinga í fyrri hálfleik. Skallagrímur náði ekki að finna svörin í síðari hálfleik. Whitfield komst aldrei almennilega í gang, þrátt fyrir nokkrar troðslur og eina alvöru vörslu á Magnús Má. Keflavíkurvörnin var bara of sterk í þetta skiptið og má gera ráð fyrir því að nýi þjálfarinn hafi verið ánægður með að hafa haldið svo góðum dampi í vörninni. Keflavík er nú komið aftur á sigurbraut eftir tvö töp í röð en staðan er orðin ansi svört fyrir Skallagrími sem hafa tapað fimm leikjum í röð og eru sem fyrr í næstneðsta sæti deildarinnar.Af hverju vann Keflavík? Liðsheildin var mun sterkari hjá heimamönnum. Auðvitað skilaði Stevens svakalegum tölum en fleiri stigu upp hjá Keflavík á báðum endum vallarins. Vörn liðsins var góð og leikplanið gekk upp. Whitfield hefur verið frábær í liði Skallagríms í vetur en var langt frá sínu besta í kvöld.Bestu menn vallarins Amir Stevens sýndi enn og aftur að hann er einn besti Bandaríkjamaður deildarinnar í ár. Hörður Axel Vilhjálmsson skoraði lítið en stýrði sókninni af miklum myndarskap. Ellefu stoðsendingar hans bera vott um það sem og að hans átta fráköst (öll í vörn) sýna að hann barðist líka mikið í vörninni. Guðmundur Jónsson skoraði líka mikilvæg stig, sérstaklega í þriðja leikhluta.Tölfræði sem vakti athygli Flenard Whitfield hitti úr níu af 27 skotum sínum í leiknum. Hann tók líka ellefu sóknarfráköst en það var líka vegna þess að hann sópaði boltanum ítrekað til sín eftir að hafa klikkað á skoti. Tröllatvennan hans (23 stig, 17 fráköst) lítur því aðeins öðruvísi út í því samhengi. Það vakti líka athygli að Keflavík setti niður ellefu þrista í leiknum en tók líka 31 þriggja stiga skot. Það var nóg skotið í kvöld. Það voru svo 98 fráköst alls í þessum leik. Það hlýtur að teljast ansi vænn skammtur.Hvað gekk illa? Það vantaði allt flæði í sóknarleik Skallagríms sem náði aldrei að finna lausn á vörn Keflvíkinga. Þeir urðu undir í baráttunni í kvöld, sérstaklega undir körfunni þar sem Whitfield er svo mikilvægur fyrir Skallagrím.Keflavík-Skallagrímur 93-80 (30-20, 15-15, 23-18, 25-27) Keflavík: Amin Khalil Stevens 31/20 fráköst, Guðmundur Jónsson 22/6 fráköst, Hörður Axel Vilhjálmsson 14/8 fráköst/11 stoðsendingar, Daði Lár Jónsson 9, Magnús Már Traustason 6, Reggie Dupree 6/5 fráköst, Ágúst Orrason 3, Davíð Páll Hermannsson 2. Skallagrímur: Flenard Whitfield 23/17 fráköst, Sigtryggur Arnar Björnsson 23/7 fráköst, Eyjólfur Ásberg Halldórsson 9/9 fráköst, Magnús Þór Gunnarsson 9, Kristófer Gíslason 4, Darrell Flake 4, Kristján Örn Ómarsson 3, Davíð Guðmundsson 3, Bjarni Guðmann Jónson 2.Friðrik Ingi: Tilfinningin er æðisleg Friðrik Ingi Rúnarsson stýrði í kvöld sínum fyrsta leik sem þjálfari Keflavíkur og hafði betur í honum, og það á heimavelli. „Tilfinningin er alveg æðisleg. Ég gleðst fyrir hönd liðsins og strákanna. Þeir lögðu sig mikið fram og varnarleikurinn langtímum alveg til fyrirmyndar,“ sagði hann eftir sigurinn í kvöld. Friðrik Ingi vildi koma ákveðnum áherslum á varnarleikinn og það gekk vel eftir í kvöld að hans sögn. „Það er gömul saga og ný að varnarleikur skiptir miklu máli. Ef að skotin eru ekki að detta þá er hægt að stjórna leikjum með góðum varnarleik. Mér fannst það ganga vel í dag en það voru ákveðnir hlutir í sókninni sem er hægt að vinna betur með, en það kemur bara.“ Hann bendir þó á að Keflavík hafi spilað mjög vel inni á milli í vetur og því sé hann á jörðinni. Enn fremur segir hann að samheldnin hafi skilað Keflavík sigri í kvöld. „Til þess að vera góður í liðsíþróttum þarf að vinna saman. Það þarf að vera kærleikur og traust á milli manna. Mér fannst það skila sér í kvöld.“ Friðrik Ingi segir að það hafi verið lagt með að taka þá Whitfield og Sigtrygg Arnar úr takti við leikinn. „Þeir skora mikið og við vildum bremsa þá niður. Það gekk að mestu leyti vel.“Finnur: Megum ekki vera eins og litlir kettlingar Finnur Jónsson, þjálfari Skallagríms, vildi sjá mun meiri baráttu og ákefð hjá sínum mönnum gegn Keflavík í kvöld. „Frammistaðan var alls ekki nógu góð. Við vorum flatir og litlir í okkur í þessum leik. Það er miður í svona mikilvægum leik,“ sagði hann. Finnur segir að hans menn hafi aldrei náð að leysa varnarleik Keflvíkinga almennilega í leiknum. „Þeir spila fast og við vorum bara litlir í okkur. Vorum ekki nógu ákveðnir og grimmir á móti þeim.“ Flenard Whitfield átti ekki góðan dag en hann hefur verið í lykilhlutverki í liði Skallagríms, sérstaklega í sókn. „Hann hitti á slæman dag en var líka á móti svakalega góðum leikmanni, Amir Stevens er frábær leikmaður og Flenard varð undir í dag.“ Skallagrímur hefur nú tapað fimm leikjum í röð og er í mikilli fallhættu sem sakir standa. „Staðan er orðin mjög erfið. Við þurfum að taka til í hausnum og þora að mæta í þessa leiki. Ekki vera bara eins litlir kettlingar. Við verðum að gefa liðunum leik.“Stevens: Friðrik Ingi segir það sem þarf að segja Amir Stevens átti stórleik með liði Keflavíkur í kvöld og var lykilmaður í sigri liðsins á Skallagrími, ekki síst í vörninni. „Við [Friðrik Ingi Rúnarsson, þjálfari Keflavíkur] ræddum það fyrir leik að ég átti að spila vel í vörn. Hann veit að ég get skorað mikið en hann vildi sjá hvernig mér myndi ganga gegn einum besta sóknarmanni deildarinnar. Mér fannst það ganga ágætlega,“ sagði Stevens. Hann segir að það hafi gengið á ýmsu í baráttunni við Whitfield undir körfunni. „Það var tekið á því, mikið af villum og ekki dæmt á allt. En þetta var góð barátta og mér finnst skemmtilegt að spila gegn honum.“ Stevens segir að innkoma Friðriks Inga hafi verið sterk og að nýi þjálfarinn hafi verið fljótur að láta til sín taka. „Hann segir það sem þarf að segja. Hann kemur inn með mikinn aga og allir strákarnir bera virðingu fyrir honum. Við þurfum að vera agaðir til að vinna leiki sem þessa.“ Keflavík hefur verið að berjast í neðri hluta deildarinnar en Stevens telur að liðið geti komist á gott skrið á lokaspretti deildarkeppninnar. „Við eigum góða möguleika á að vinna síðustu fimm leikina okkar og það ætlum við að gera. Mér líður sjálfum vel, ég tel að við séum með eitt besta lið deildarinnar - sérstaklega byrjunarliðið - og að við getum nú loksins sýnt okkar rétta andlit.“ Dominos-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn „Gæti verið minn síðasti leikur á laugardaginn“ Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Íslenskur ökumaður fagnaði sigri í Le Mans keppninni Sport Fannst Inter besti kosturinn: „Ekkert að því að búa í Mílanó“ Fótbolti Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Friðrik Ingi Rúnarsson fer vel af stað með Keflavík en hann vann í sínum fyrsta leik sem þjálfari liðsins, er Keflvíkingar unnu öruggan sigur á Skallagrími á heimavelli. Keflavík gaf tóninn með góðum fyrsta leikhluta er liðið skoraði 30 stig og náði eftir smá hikst að hafa góða stjórn á Flenard Whitfield, stóra Bandaríkjamanninum í liði Skallagríms, í skefjum undir körfunni. Að sama skapi átti Amir Stevens stórleik í liði Keflavíkur og sá til þess að gestirnir úr Borgarnesi komust í raun ekki nálægt því að ógna forystu Keflvíkinga í síðari hálfleik. Heimamenn spiluðu góða vörn í kvöld og fengu líka mikilvæg stig frá Guðmundi Jónssyni, sem skoraði þrettán af 20 stigum sínum í þriðja leikhluta, þar af tvær þriggja stiga körfur í röð. Það reyndist rothögg Skallagríms í leiknum. Sigtryggur Arnar Björnsson reyndi hvað hann gat að halda sínum mönnum á floti í leiknum en allt kom fyrir ekki. Hann var stigahæstur í liði Skallagríms með 23 stig. Stevens skoraði 31 stig fyrir Keflavík.Whitfield tekinn úr sambandi Keflavík var með yfirhöndina í fyrri hálfleik, sérstaklega þegar þeir hertu vörnina inni í teignum um miðjan fyrsta leikhluta. Amir Stevens og Davíð Páll Hermannsson náðu að taka Flenard Whitfield, hinn öfluga miðherja Skallagríms, úr sambandi en Whitfield hitti úr aðeins þremur af fjórtán skotum sínum í fyrri hálfleik. Heimamenn notuðu fyrstu mínúturnar til að skjóta sig í gang. Það gekk hægt til að byrja með en þegar þristarnir fóru að detta fór að skilja á milli liðanna. Sigtryggur Arnar Björnsson og á köflum Eyjólfur Ásberg Halldórsson reyndu hvað þeir gátu að halda sínum mönnum á floti en það þurfti framlag frá fleirum, sérstaklega Whitfield. Amir Stevens átti stórleik í fyrri hálfleik en hann nýtti átta skot, skoraði sautján stig og tók ellefu fráköst. En það var fyrst og fremst öflug liðsvörn og þá sérstaklega inni í teignum sem að gerði gæfumuninn fyrir Keflvíkinga í fyrri hálfleik. Skallagrímur náði ekki að finna svörin í síðari hálfleik. Whitfield komst aldrei almennilega í gang, þrátt fyrir nokkrar troðslur og eina alvöru vörslu á Magnús Má. Keflavíkurvörnin var bara of sterk í þetta skiptið og má gera ráð fyrir því að nýi þjálfarinn hafi verið ánægður með að hafa haldið svo góðum dampi í vörninni. Keflavík er nú komið aftur á sigurbraut eftir tvö töp í röð en staðan er orðin ansi svört fyrir Skallagrími sem hafa tapað fimm leikjum í röð og eru sem fyrr í næstneðsta sæti deildarinnar.Af hverju vann Keflavík? Liðsheildin var mun sterkari hjá heimamönnum. Auðvitað skilaði Stevens svakalegum tölum en fleiri stigu upp hjá Keflavík á báðum endum vallarins. Vörn liðsins var góð og leikplanið gekk upp. Whitfield hefur verið frábær í liði Skallagríms í vetur en var langt frá sínu besta í kvöld.Bestu menn vallarins Amir Stevens sýndi enn og aftur að hann er einn besti Bandaríkjamaður deildarinnar í ár. Hörður Axel Vilhjálmsson skoraði lítið en stýrði sókninni af miklum myndarskap. Ellefu stoðsendingar hans bera vott um það sem og að hans átta fráköst (öll í vörn) sýna að hann barðist líka mikið í vörninni. Guðmundur Jónsson skoraði líka mikilvæg stig, sérstaklega í þriðja leikhluta.Tölfræði sem vakti athygli Flenard Whitfield hitti úr níu af 27 skotum sínum í leiknum. Hann tók líka ellefu sóknarfráköst en það var líka vegna þess að hann sópaði boltanum ítrekað til sín eftir að hafa klikkað á skoti. Tröllatvennan hans (23 stig, 17 fráköst) lítur því aðeins öðruvísi út í því samhengi. Það vakti líka athygli að Keflavík setti niður ellefu þrista í leiknum en tók líka 31 þriggja stiga skot. Það var nóg skotið í kvöld. Það voru svo 98 fráköst alls í þessum leik. Það hlýtur að teljast ansi vænn skammtur.Hvað gekk illa? Það vantaði allt flæði í sóknarleik Skallagríms sem náði aldrei að finna lausn á vörn Keflvíkinga. Þeir urðu undir í baráttunni í kvöld, sérstaklega undir körfunni þar sem Whitfield er svo mikilvægur fyrir Skallagrím.Keflavík-Skallagrímur 93-80 (30-20, 15-15, 23-18, 25-27) Keflavík: Amin Khalil Stevens 31/20 fráköst, Guðmundur Jónsson 22/6 fráköst, Hörður Axel Vilhjálmsson 14/8 fráköst/11 stoðsendingar, Daði Lár Jónsson 9, Magnús Már Traustason 6, Reggie Dupree 6/5 fráköst, Ágúst Orrason 3, Davíð Páll Hermannsson 2. Skallagrímur: Flenard Whitfield 23/17 fráköst, Sigtryggur Arnar Björnsson 23/7 fráköst, Eyjólfur Ásberg Halldórsson 9/9 fráköst, Magnús Þór Gunnarsson 9, Kristófer Gíslason 4, Darrell Flake 4, Kristján Örn Ómarsson 3, Davíð Guðmundsson 3, Bjarni Guðmann Jónson 2.Friðrik Ingi: Tilfinningin er æðisleg Friðrik Ingi Rúnarsson stýrði í kvöld sínum fyrsta leik sem þjálfari Keflavíkur og hafði betur í honum, og það á heimavelli. „Tilfinningin er alveg æðisleg. Ég gleðst fyrir hönd liðsins og strákanna. Þeir lögðu sig mikið fram og varnarleikurinn langtímum alveg til fyrirmyndar,“ sagði hann eftir sigurinn í kvöld. Friðrik Ingi vildi koma ákveðnum áherslum á varnarleikinn og það gekk vel eftir í kvöld að hans sögn. „Það er gömul saga og ný að varnarleikur skiptir miklu máli. Ef að skotin eru ekki að detta þá er hægt að stjórna leikjum með góðum varnarleik. Mér fannst það ganga vel í dag en það voru ákveðnir hlutir í sókninni sem er hægt að vinna betur með, en það kemur bara.“ Hann bendir þó á að Keflavík hafi spilað mjög vel inni á milli í vetur og því sé hann á jörðinni. Enn fremur segir hann að samheldnin hafi skilað Keflavík sigri í kvöld. „Til þess að vera góður í liðsíþróttum þarf að vinna saman. Það þarf að vera kærleikur og traust á milli manna. Mér fannst það skila sér í kvöld.“ Friðrik Ingi segir að það hafi verið lagt með að taka þá Whitfield og Sigtrygg Arnar úr takti við leikinn. „Þeir skora mikið og við vildum bremsa þá niður. Það gekk að mestu leyti vel.“Finnur: Megum ekki vera eins og litlir kettlingar Finnur Jónsson, þjálfari Skallagríms, vildi sjá mun meiri baráttu og ákefð hjá sínum mönnum gegn Keflavík í kvöld. „Frammistaðan var alls ekki nógu góð. Við vorum flatir og litlir í okkur í þessum leik. Það er miður í svona mikilvægum leik,“ sagði hann. Finnur segir að hans menn hafi aldrei náð að leysa varnarleik Keflvíkinga almennilega í leiknum. „Þeir spila fast og við vorum bara litlir í okkur. Vorum ekki nógu ákveðnir og grimmir á móti þeim.“ Flenard Whitfield átti ekki góðan dag en hann hefur verið í lykilhlutverki í liði Skallagríms, sérstaklega í sókn. „Hann hitti á slæman dag en var líka á móti svakalega góðum leikmanni, Amir Stevens er frábær leikmaður og Flenard varð undir í dag.“ Skallagrímur hefur nú tapað fimm leikjum í röð og er í mikilli fallhættu sem sakir standa. „Staðan er orðin mjög erfið. Við þurfum að taka til í hausnum og þora að mæta í þessa leiki. Ekki vera bara eins litlir kettlingar. Við verðum að gefa liðunum leik.“Stevens: Friðrik Ingi segir það sem þarf að segja Amir Stevens átti stórleik með liði Keflavíkur í kvöld og var lykilmaður í sigri liðsins á Skallagrími, ekki síst í vörninni. „Við [Friðrik Ingi Rúnarsson, þjálfari Keflavíkur] ræddum það fyrir leik að ég átti að spila vel í vörn. Hann veit að ég get skorað mikið en hann vildi sjá hvernig mér myndi ganga gegn einum besta sóknarmanni deildarinnar. Mér fannst það ganga ágætlega,“ sagði Stevens. Hann segir að það hafi gengið á ýmsu í baráttunni við Whitfield undir körfunni. „Það var tekið á því, mikið af villum og ekki dæmt á allt. En þetta var góð barátta og mér finnst skemmtilegt að spila gegn honum.“ Stevens segir að innkoma Friðriks Inga hafi verið sterk og að nýi þjálfarinn hafi verið fljótur að láta til sín taka. „Hann segir það sem þarf að segja. Hann kemur inn með mikinn aga og allir strákarnir bera virðingu fyrir honum. Við þurfum að vera agaðir til að vinna leiki sem þessa.“ Keflavík hefur verið að berjast í neðri hluta deildarinnar en Stevens telur að liðið geti komist á gott skrið á lokaspretti deildarkeppninnar. „Við eigum góða möguleika á að vinna síðustu fimm leikina okkar og það ætlum við að gera. Mér líður sjálfum vel, ég tel að við séum með eitt besta lið deildarinnar - sérstaklega byrjunarliðið - og að við getum nú loksins sýnt okkar rétta andlit.“
Dominos-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn „Gæti verið minn síðasti leikur á laugardaginn“ Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Íslenskur ökumaður fagnaði sigri í Le Mans keppninni Sport Fannst Inter besti kosturinn: „Ekkert að því að búa í Mílanó“ Fótbolti Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn