Afríka er ódýrari en þú heldur Sæunn Gísladóttir skrifar 25. mars 2017 07:00 Hlébarðar eru eitt merkasta dýrið sem hægt er að rekast á í South Luangwa þjóðgarðinumí Sambíu. NordicPhotos/Getty Heimsálfan græna hefur lengi verið draumur helstu ferðalanga. Afríka býður upp á allt: hvítar strendur, náttúrufegurð, dýralíf, ótrúlega ættbálkamenningu og lifandi borgarlíf. Margir hafa sett verðmiðann fyrir sig þegar þeir hafa verið að íhuga ferðalag þangað, það er hins vegar hægt að komast til margra landa álfunnar og ferðast þar um á verði hefðbundins bakpokaferðalags. Sjálf eyddi ég tæpum þremur mánuðum í álfunni fyrr á þessu ári, á ferðalagi um Malaví og Sambíu, og að vinna og ferðast um í tvo mánuði í Gana. Allt eru þetta tiltölulega örugg og ódýr lönd sem bjóða upp á stórkostlegar upplifanir. Fyrir dýravini býður suðurhluti álfunnar upp á mesta fjörið. Þar er hægt að komast á safarí og keyra um milli helstu aðalpersóna Konungs ljónanna. Það vita það ekki allir en helstu dýr Afríku eru ekki á vappi á götunni heldur mega þau einungis eiga heima í þjóðgörðum þar sem þau njóta ákveðinnar verndar.Í Gana klifra menn upp í tré til að ná í kókoshnetur.Mynd/N. RuffaloSjálf heimsótti ég South Luangwa-þjóðgarðinn, níu þúsund ferkílómetragimstein í Sambíu. Þar var hægt að gista í tvær nætur, fá allar máltíðir og heimsækja þjóðgarðinn tvisvar með leiðsögumanni fyrir 150 dollara. Aðstaðan og maturinn var frábær og alveg ótrúleg upplifun að vera umkringd dýrum bæði í þjóðgarðinum en líka á landi hótelsins. Fíll kíkti í heimsókn og ruddi niður girðingu, aparnir sátu í kringum okkur þegar við lásum við stöðuvatnið þar, og maður þurfti að læsa dyrunum á kvöldin enda flóðhestar duglegir að spássera um á nóttunni. Helstu lönd sem bjóða upp á safarí eru auk Sambíu Suður-Afríka, Tansanía, Botsvana og Kenýa. Þó er hægt að kynna sér dýralíf í fleiri löndum. Bæði Gana og Malaví eru með þjóðgarða sem vert er að heimsækja. Ég fékk fylli mína í Sambíu og kaus frekar að heimsækja fílaverndarsvæði í Sambíu og mónumarkettina í regnskógi í Volta-héraði í Gana, enda var það ódýrara en annað safarí og skemmtileg leið til að kynnast einu dýri sérstaklega.Við Malaví vatn eru skálar sem er hægt að gista í fyrir þúsund krónur nóttina.Mynd/SGÞeir sem hafa meiri áhuga á landslagi en dýrum geta sleppt safarí og farið beint í að skoða náttúruna í öllum þessum löndum. Fyrir fjallagarpa er ógrynni af fjöllum í boði til að klífa. Þekktasta fjall Afríku er án efa Kilimanjaro sem tekur marga daga að klífa og kostar mörg hundruð þúsund krónur að fá að heimsækja. Þeir sem vilja verja minna fé geta farið á eigin vegum eða með leiðsögumanni gegn vægu gjaldi, venjulega undir nokkrum þúsund krónum, upp á fjöll í Malaví og Gana. Útsýnið þar er stórfenglegt, sérstaklega nálægt Malavístöðuvatninu og í Volta-héraði í Gana. Oftast er hægt að skipuleggja göngur í með milligöngu gistiheimila. Það eru ekki bara fjöll í þessum löndum heldur eru einnig fallegir fossar. Viktoríufossa má heimsækja bæði Simbabve- og Sambíumegin, einnig eru minni fossar í norðurhluta Sambíu og margir í Gana. Það er eiginlega ekkert betra en að ganga í gegnum frumskóg og enda gönguna á sundi í ískaldri bunu úr fossi eins og til dæmis við Wli-foss í Gana sem sagður er vera hæsti foss Vestur-Afríku. Sambía og Malaví eru landlukt. Þrátt fyrir það er hægt að slaka á á ströndinni ef maður heimsækir löndin tvö. Malavístöðuvatnið er tæplega 30 þúsund ferkílómetrar að stærð og er frábært að gista á Nkahta Bay svæðinu þar og slaka á á ströndinni, snorkla í stöðuvatninu eða þá fara í bátsferð og stinga sér fram af klettum. Þeir sem vilja sérstaklega njóta stranda og þess að skoða vatnadýralíf í suðurhluta Afríku geta einnig heimsótt Mósambík og Zanzibareyju við Tansaníu.Ada Foah ströndin í austur Gana er engri lík.Mynd/SGGana er með langa strandlengju þar sem eru þægileg gistiheimili frá austri til vesturs. Í vestri er sérstaklega vinsælt að prófa brimbretti, en varasamt er að synda nokkurs staðar án þess að vera búin að athuga ölduganginn en öldurnar eru mjög sterkar víðast hvar við ströndina. Í öllum Afríkuríkjum er að finna fjölbreytta menningu hvað varðar mat, listir og tónlist. Vestur-Afríka er sérstaklega þekkt fyrir trommumenningu sína, en talið er að hún hafi borist til Karíbahafseyja og haft áhrif á þróun tónlistar þar. Hægt er að fara á trommunámskeið í Gana, eða einfaldlega fara á vinsæla skemmtistaði til að heyra hressa tóna. Í Malaví er einnig vinsælt að spila á trommur við varðeld á ströndinni, algjör hápunktur í ferð minni þangað.Í Sambíu eru svo skemmtilegar danshefðir, sumar hverjar sem eru sérstaklega fyrir konur og iðkaðar í aðdraganda hátíða eins og brúðkaupa. Hægt er að kaupa afrískar grímur víða, en fyrir þá sem eru til í smá handavinnu er skemmtilegast að búa eina slíka til en það er í boði í Cape Coast í Gana. Hægt er að fara á matreiðslunámskeið og læra að gera helstu þjóðarréttina víða en þau geta verið ansi dýr, einfaldara er ef maður þekkir einhvern innfæddan að fá bara að fylgjast með. Styttra, auðveldara og ódýrara er að ferðast um Afríku en margir gera sér grein fyrir. Einnig er friðsælla í flestum löndum en margir halda. Áður en haldið er í Afríkureisu þarf auðvitað að skoða vel hvernig aðstæður eru í viðkomandi landi, passa upp á bólusetningar og taka malaríulyfin með, en það er allt þess virði til að uppgötva þessa ótrúlegu álfu. Ef Tenerife eða borgarferð til Evrópu hljómar ekki nógu spennandi sem næsta ferð mæli ég eindregið með að draga fram bakpokann og koma sér suður. Ferðalög Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Heimsálfan græna hefur lengi verið draumur helstu ferðalanga. Afríka býður upp á allt: hvítar strendur, náttúrufegurð, dýralíf, ótrúlega ættbálkamenningu og lifandi borgarlíf. Margir hafa sett verðmiðann fyrir sig þegar þeir hafa verið að íhuga ferðalag þangað, það er hins vegar hægt að komast til margra landa álfunnar og ferðast þar um á verði hefðbundins bakpokaferðalags. Sjálf eyddi ég tæpum þremur mánuðum í álfunni fyrr á þessu ári, á ferðalagi um Malaví og Sambíu, og að vinna og ferðast um í tvo mánuði í Gana. Allt eru þetta tiltölulega örugg og ódýr lönd sem bjóða upp á stórkostlegar upplifanir. Fyrir dýravini býður suðurhluti álfunnar upp á mesta fjörið. Þar er hægt að komast á safarí og keyra um milli helstu aðalpersóna Konungs ljónanna. Það vita það ekki allir en helstu dýr Afríku eru ekki á vappi á götunni heldur mega þau einungis eiga heima í þjóðgörðum þar sem þau njóta ákveðinnar verndar.Í Gana klifra menn upp í tré til að ná í kókoshnetur.Mynd/N. RuffaloSjálf heimsótti ég South Luangwa-þjóðgarðinn, níu þúsund ferkílómetragimstein í Sambíu. Þar var hægt að gista í tvær nætur, fá allar máltíðir og heimsækja þjóðgarðinn tvisvar með leiðsögumanni fyrir 150 dollara. Aðstaðan og maturinn var frábær og alveg ótrúleg upplifun að vera umkringd dýrum bæði í þjóðgarðinum en líka á landi hótelsins. Fíll kíkti í heimsókn og ruddi niður girðingu, aparnir sátu í kringum okkur þegar við lásum við stöðuvatnið þar, og maður þurfti að læsa dyrunum á kvöldin enda flóðhestar duglegir að spássera um á nóttunni. Helstu lönd sem bjóða upp á safarí eru auk Sambíu Suður-Afríka, Tansanía, Botsvana og Kenýa. Þó er hægt að kynna sér dýralíf í fleiri löndum. Bæði Gana og Malaví eru með þjóðgarða sem vert er að heimsækja. Ég fékk fylli mína í Sambíu og kaus frekar að heimsækja fílaverndarsvæði í Sambíu og mónumarkettina í regnskógi í Volta-héraði í Gana, enda var það ódýrara en annað safarí og skemmtileg leið til að kynnast einu dýri sérstaklega.Við Malaví vatn eru skálar sem er hægt að gista í fyrir þúsund krónur nóttina.Mynd/SGÞeir sem hafa meiri áhuga á landslagi en dýrum geta sleppt safarí og farið beint í að skoða náttúruna í öllum þessum löndum. Fyrir fjallagarpa er ógrynni af fjöllum í boði til að klífa. Þekktasta fjall Afríku er án efa Kilimanjaro sem tekur marga daga að klífa og kostar mörg hundruð þúsund krónur að fá að heimsækja. Þeir sem vilja verja minna fé geta farið á eigin vegum eða með leiðsögumanni gegn vægu gjaldi, venjulega undir nokkrum þúsund krónum, upp á fjöll í Malaví og Gana. Útsýnið þar er stórfenglegt, sérstaklega nálægt Malavístöðuvatninu og í Volta-héraði í Gana. Oftast er hægt að skipuleggja göngur í með milligöngu gistiheimila. Það eru ekki bara fjöll í þessum löndum heldur eru einnig fallegir fossar. Viktoríufossa má heimsækja bæði Simbabve- og Sambíumegin, einnig eru minni fossar í norðurhluta Sambíu og margir í Gana. Það er eiginlega ekkert betra en að ganga í gegnum frumskóg og enda gönguna á sundi í ískaldri bunu úr fossi eins og til dæmis við Wli-foss í Gana sem sagður er vera hæsti foss Vestur-Afríku. Sambía og Malaví eru landlukt. Þrátt fyrir það er hægt að slaka á á ströndinni ef maður heimsækir löndin tvö. Malavístöðuvatnið er tæplega 30 þúsund ferkílómetrar að stærð og er frábært að gista á Nkahta Bay svæðinu þar og slaka á á ströndinni, snorkla í stöðuvatninu eða þá fara í bátsferð og stinga sér fram af klettum. Þeir sem vilja sérstaklega njóta stranda og þess að skoða vatnadýralíf í suðurhluta Afríku geta einnig heimsótt Mósambík og Zanzibareyju við Tansaníu.Ada Foah ströndin í austur Gana er engri lík.Mynd/SGGana er með langa strandlengju þar sem eru þægileg gistiheimili frá austri til vesturs. Í vestri er sérstaklega vinsælt að prófa brimbretti, en varasamt er að synda nokkurs staðar án þess að vera búin að athuga ölduganginn en öldurnar eru mjög sterkar víðast hvar við ströndina. Í öllum Afríkuríkjum er að finna fjölbreytta menningu hvað varðar mat, listir og tónlist. Vestur-Afríka er sérstaklega þekkt fyrir trommumenningu sína, en talið er að hún hafi borist til Karíbahafseyja og haft áhrif á þróun tónlistar þar. Hægt er að fara á trommunámskeið í Gana, eða einfaldlega fara á vinsæla skemmtistaði til að heyra hressa tóna. Í Malaví er einnig vinsælt að spila á trommur við varðeld á ströndinni, algjör hápunktur í ferð minni þangað.Í Sambíu eru svo skemmtilegar danshefðir, sumar hverjar sem eru sérstaklega fyrir konur og iðkaðar í aðdraganda hátíða eins og brúðkaupa. Hægt er að kaupa afrískar grímur víða, en fyrir þá sem eru til í smá handavinnu er skemmtilegast að búa eina slíka til en það er í boði í Cape Coast í Gana. Hægt er að fara á matreiðslunámskeið og læra að gera helstu þjóðarréttina víða en þau geta verið ansi dýr, einfaldara er ef maður þekkir einhvern innfæddan að fá bara að fylgjast með. Styttra, auðveldara og ódýrara er að ferðast um Afríku en margir gera sér grein fyrir. Einnig er friðsælla í flestum löndum en margir halda. Áður en haldið er í Afríkureisu þarf auðvitað að skoða vel hvernig aðstæður eru í viðkomandi landi, passa upp á bólusetningar og taka malaríulyfin með, en það er allt þess virði til að uppgötva þessa ótrúlegu álfu. Ef Tenerife eða borgarferð til Evrópu hljómar ekki nógu spennandi sem næsta ferð mæli ég eindregið með að draga fram bakpokann og koma sér suður.
Ferðalög Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira