Tesla slær við markaðsvirði General Motors Finnur Thorlacius skrifar 10. apríl 2017 16:08 Tesla Model S bílar í röðum. Í síðustu viku náði virði hlutabréfa í rafmagnsbílafyrirtækinu Tesla virði bréfanna í stærsta bílaframleiðanda Bandaríkjanna, General Motors. Hlutabréf í Tesla hækkuðu um 3,7% á mánudaginn síðasta og fór með því uppí heildarmarkaðsvirði uppá 51 milljarða Bandaríkjadala. Það þýðir að virðið í Tesla fór 1,7 milljörðum dala yfir virðið í GM. Í dag hækkuðu bréfin í Tesla svo aftur um 3,1% og stóðu í 311,61 dollara á hvern hlut en hver hlutur í GM var á sama tíma í 34,10 dollurum. Þessar hækkanir lýsa best þeirri trú markaðarins að framtíð bíliðnaðarins liggi í rafmagnsbílum eða nýorkubílum almennt. Þessi staða er uppi þó svo að GM hafi kynnt Chevrolet Bolt rafmagnsbíl sinn sem hefur álíka drægi og tilvonandi Tesla Model 3 bíl og fæst hann á svipuðu verði. Hjá Tesla sjá fjárfestar bjartsýni, þor, frelsi og vilja til djörfungar sem ekki sjást hjá flestum öðrum bílaframleiðendum og trúin á framtíð Tesla er fyrir vikið mjög mikil. Engu skiptir þó að Tesla hafi ekki enn skilað ársuppgjöri með hagnaði öndvert við til dæmis GM, sem skilaði ágætum hagnaði á síðasta ári og þar á bæ er von á 9 milljarða dollara hagnaði á þessu ári, en slíkt verður tæplega í kortunum hjá Tesla í ár. Með síðustu hækkunum í hlutabréfaverði Tesla er fyrirtækið orðið sjötti verðmætasti bílaframleiðandi heims á eftir Toyota, Daimler (Mercedes Benz), Volkswagen Group, BMW og Honda. Miklu munar enn á virði Tesla og Toyota því markaðsvirði Toyota er nú 172 milljarðar Bandaríkjadala. Tesla gæti þó hæglega náð Honda á næstunni sem stendur nú í 52 milljarða dollara virði. Rétt er að hafa í huga að búist er við minni sölu bíla hjá GM og Ford í ár en í fyrra, en að Tesla muni auka mjög við sölu sína. Tesla seldi þó aðeins 80.000 bíla í fyrra en GM um 10 milljónir bíla. Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent
Í síðustu viku náði virði hlutabréfa í rafmagnsbílafyrirtækinu Tesla virði bréfanna í stærsta bílaframleiðanda Bandaríkjanna, General Motors. Hlutabréf í Tesla hækkuðu um 3,7% á mánudaginn síðasta og fór með því uppí heildarmarkaðsvirði uppá 51 milljarða Bandaríkjadala. Það þýðir að virðið í Tesla fór 1,7 milljörðum dala yfir virðið í GM. Í dag hækkuðu bréfin í Tesla svo aftur um 3,1% og stóðu í 311,61 dollara á hvern hlut en hver hlutur í GM var á sama tíma í 34,10 dollurum. Þessar hækkanir lýsa best þeirri trú markaðarins að framtíð bíliðnaðarins liggi í rafmagnsbílum eða nýorkubílum almennt. Þessi staða er uppi þó svo að GM hafi kynnt Chevrolet Bolt rafmagnsbíl sinn sem hefur álíka drægi og tilvonandi Tesla Model 3 bíl og fæst hann á svipuðu verði. Hjá Tesla sjá fjárfestar bjartsýni, þor, frelsi og vilja til djörfungar sem ekki sjást hjá flestum öðrum bílaframleiðendum og trúin á framtíð Tesla er fyrir vikið mjög mikil. Engu skiptir þó að Tesla hafi ekki enn skilað ársuppgjöri með hagnaði öndvert við til dæmis GM, sem skilaði ágætum hagnaði á síðasta ári og þar á bæ er von á 9 milljarða dollara hagnaði á þessu ári, en slíkt verður tæplega í kortunum hjá Tesla í ár. Með síðustu hækkunum í hlutabréfaverði Tesla er fyrirtækið orðið sjötti verðmætasti bílaframleiðandi heims á eftir Toyota, Daimler (Mercedes Benz), Volkswagen Group, BMW og Honda. Miklu munar enn á virði Tesla og Toyota því markaðsvirði Toyota er nú 172 milljarðar Bandaríkjadala. Tesla gæti þó hæglega náð Honda á næstunni sem stendur nú í 52 milljarða dollara virði. Rétt er að hafa í huga að búist er við minni sölu bíla hjá GM og Ford í ár en í fyrra, en að Tesla muni auka mjög við sölu sína. Tesla seldi þó aðeins 80.000 bíla í fyrra en GM um 10 milljónir bíla.
Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent