Elín hlaut bjartsýnisverðlaunin Guðrún Jóna Stefánsdóttir skrifar 5. janúar 2017 11:00 Elín Hansdóttir ásamt Rannveigu Rist og Guðna Th. Jóhannessyni. Vísir/Ernir „Þetta er að sjálfsögðu mjög mikil viðurkenning, ekki síst vegna þess að það veitir ekki af því að minna samfélagið á vægi menningarinnar, það er alls ekki mikið um menningarverðlaun á Íslandi,“ segir Elín Hansdóttir myndlistarkona sem hlaut Íslensku bjartsýnisverðlaunin annan janúar. Í dómnefnd sátu frú Vigdís Finnbogadóttir, sem er formaður nefndarinnar, Rannveig Rist, Þórunn Sigurðardóttir og Örnólfur Thorsson. Íslensku bjartsýnisverðlaunin voru fyrst afhent árið 1981 og voru allt til ársins 1999 kennd við upphafsmann sinn, Danann Peter Brøste. „Þau voru á sínum tíma stofnuð vegna þess að Brøste varð svo uppnuminn af því þegar Vigdís Finnbogadóttir varð forseti Íslands. Það var ekki síst mikið gleðiefni í mínu lífi að fá að hitta hana við afhendingu verðlaunanna, þar sem hún er mér mikil fyrirmynd og verður líklega alltaf ein stærsta fyrirmynd íslenskra kvenna,“ segir Elín. Íslensku bjartsýnisverðlaunin hafa fyrir löngu fest sig í sessi. En árið 2000 varð ISAL bakhjarl verðlaunanna. „Verðlaunin eru auðvitað mikil viðurkenning og hafa hvetjandi áhrif fyrir mig til að halda áfram starfi mínu. Sköpunarferli myndlistarmanna er mikið óvissuferli og maður er í stöðugri rússíbanaferð svo þetta er virkilega mikil hvatning fyrir mig til að halda áfram,“ útskýrir Elín. Elín útskrifaðist með BA-próf frá Listaháskóla Íslands og magisterspróf frá Berlín-Weissensee listaháskólanum. Hún hefur haldið fjölda einkasýninga víðsvegar um heiminn. Nú er hún með sýningu í Galleríi i8 sem stendur til 4. febrúar. „Þetta eru níu ljósmyndir sem ég er að sýna, sem eru samt sem áður mjög rýmisbundnar, en þær eru teknar inni í sýningarrýminu sjálfu. Ég er að nota gamla blekkingaraðferð úr kvikmyndaheiminum, þar sem glerplötum var stillt upp fyrir framan kvikmyndavélina, og viðbætur við landslag eða rými voru málaðar á glerið, svo var skotið í gegn um glerið, sem þjónaði þeim tilgangi að bæta við eða breyta rými frá sjónarhorni myndavélarinnar. Það sem ég er að gera í þessu tilfelli er að reyna að stroka út stóra súlu í miðju rýminu með því að setja í hennar stað svífandi blómvönd sem sést frá níu mismunandi sjónarhornum,“ útskýrir Elín og bætir við að þetta sé alls ekki eins flókið og það hljómar. Á næstunni mun Elín einblína á vinnustofuvinnu, þar sem hún ætlar að taka sér tíma til að skapa og búa til ný verk. „Ég mun taka mér tíma á næstunni til að þess að vinna verk. Ég legg það nú ekki í vana minn að plana marga mánuði fram í tímann. En það koma alltaf ný og spennandi verkefni til að takast á við,“ segir Elín að lokum. Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið Fyndnustu dýralífsmyndir ársins Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Sjá meira
„Þetta er að sjálfsögðu mjög mikil viðurkenning, ekki síst vegna þess að það veitir ekki af því að minna samfélagið á vægi menningarinnar, það er alls ekki mikið um menningarverðlaun á Íslandi,“ segir Elín Hansdóttir myndlistarkona sem hlaut Íslensku bjartsýnisverðlaunin annan janúar. Í dómnefnd sátu frú Vigdís Finnbogadóttir, sem er formaður nefndarinnar, Rannveig Rist, Þórunn Sigurðardóttir og Örnólfur Thorsson. Íslensku bjartsýnisverðlaunin voru fyrst afhent árið 1981 og voru allt til ársins 1999 kennd við upphafsmann sinn, Danann Peter Brøste. „Þau voru á sínum tíma stofnuð vegna þess að Brøste varð svo uppnuminn af því þegar Vigdís Finnbogadóttir varð forseti Íslands. Það var ekki síst mikið gleðiefni í mínu lífi að fá að hitta hana við afhendingu verðlaunanna, þar sem hún er mér mikil fyrirmynd og verður líklega alltaf ein stærsta fyrirmynd íslenskra kvenna,“ segir Elín. Íslensku bjartsýnisverðlaunin hafa fyrir löngu fest sig í sessi. En árið 2000 varð ISAL bakhjarl verðlaunanna. „Verðlaunin eru auðvitað mikil viðurkenning og hafa hvetjandi áhrif fyrir mig til að halda áfram starfi mínu. Sköpunarferli myndlistarmanna er mikið óvissuferli og maður er í stöðugri rússíbanaferð svo þetta er virkilega mikil hvatning fyrir mig til að halda áfram,“ útskýrir Elín. Elín útskrifaðist með BA-próf frá Listaháskóla Íslands og magisterspróf frá Berlín-Weissensee listaháskólanum. Hún hefur haldið fjölda einkasýninga víðsvegar um heiminn. Nú er hún með sýningu í Galleríi i8 sem stendur til 4. febrúar. „Þetta eru níu ljósmyndir sem ég er að sýna, sem eru samt sem áður mjög rýmisbundnar, en þær eru teknar inni í sýningarrýminu sjálfu. Ég er að nota gamla blekkingaraðferð úr kvikmyndaheiminum, þar sem glerplötum var stillt upp fyrir framan kvikmyndavélina, og viðbætur við landslag eða rými voru málaðar á glerið, svo var skotið í gegn um glerið, sem þjónaði þeim tilgangi að bæta við eða breyta rými frá sjónarhorni myndavélarinnar. Það sem ég er að gera í þessu tilfelli er að reyna að stroka út stóra súlu í miðju rýminu með því að setja í hennar stað svífandi blómvönd sem sést frá níu mismunandi sjónarhornum,“ útskýrir Elín og bætir við að þetta sé alls ekki eins flókið og það hljómar. Á næstunni mun Elín einblína á vinnustofuvinnu, þar sem hún ætlar að taka sér tíma til að skapa og búa til ný verk. „Ég mun taka mér tíma á næstunni til að þess að vinna verk. Ég legg það nú ekki í vana minn að plana marga mánuði fram í tímann. En það koma alltaf ný og spennandi verkefni til að takast á við,“ segir Elín að lokum.
Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið Fyndnustu dýralífsmyndir ársins Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Sjá meira