Heiðarleg uppskera Frosti Logason skrifar 12. janúar 2017 07:00 Eitt mikilvægasta veganestið sem ég var sendur með út í lífið voru þau einföldu sannindi að besta leiðin til að forðast vandræði væri að segja aldrei ósatt. Það hefur enda margsinnis sýnt sig að fólki sem er heiðarlegt farnast alltaf best í lífinu. Sjáið nýja forsætisráðherrann. Hann er einn af óheppnum íslenskum viðskiptamönnum sem lentu í því að eiga fjármagn á aflandseyju á árunum fyrir hrun. Hann kom heiðarlega fram í því máli, eftir að upp um hann komst, og hann er að uppskera í dag. Skýrsla um málið, sem ráðherrann lét framkvæma, var vissulega tilbúin fyrir lok síðasta þings. Hún var tilbúin á meðan á allri kosningabaráttunni stóð og í allan þann tíma sem menn voru að meta hvaða ríkisstjórnarsamstarf gæti komið til greina næst. En ráðherrann mat það svo að hún ætti ekki erindi í umræðuna fyrr en eftir að hann væri búinn að tryggja sínum flokki aðkomu að næstu ríkisstjórn. Það að hún hafi ekki séð dagsljósið fyrir þann tíma hefur örugglega ekkert með annarlega hagsmuni ráðherrans að gera. Aðilanum, sem ákvað að afmá dagsetninguna af skýrslunni, hefur vafalaust einnig gengið gott eitt til. Hugsanlega hefur ástæðan verið fagurfræðileg. Ekki dettur mér í hug að það hafi verið gert til að villa um fyrir þeim sem töldu á ábyrgð ráðherra að birta skýrsluna eins fljótt og auðið var til að um hana gæti farið fram nauðsynleg umræða fyrir kosningar. Að koma hreint og beint fram er ávísun á velgengni og velvild. Þess vegna spái ég nýrri ríkisstjórn löngu og farsælu lífi. Fram að næsta vori í það minnsta. Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Frosti Logason Mest lesið Hve lengi tekur sjórinn við? Björn Brynjúlfur Björnsson Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun Hliðarveruleiki hræðsluáróðurs og „pólitískur forarpyttur“ Þórður Snær Júlíusson Skoðun Fyrir hverja er Sjúkratryggingar Íslands? Hrefna Sif Jónsdóttir Skoðun Líffræðilega ómögulegt Björn Ólafsson Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun Að bregðast ungu fólki í viðkvæmri stöðu Ingibjörg Isaksen Skoðun Nauðsynlegar breytingar á Menntasjóði námsmanna Ragna Sigurðardóttir Skoðun Vindmyllufyrirtæki í áskrift hjá íslenskum almenningi Linda Jónsdóttir Skoðun Minn gamli góði flokkur Hólmgeir Baldursson Skoðun
Eitt mikilvægasta veganestið sem ég var sendur með út í lífið voru þau einföldu sannindi að besta leiðin til að forðast vandræði væri að segja aldrei ósatt. Það hefur enda margsinnis sýnt sig að fólki sem er heiðarlegt farnast alltaf best í lífinu. Sjáið nýja forsætisráðherrann. Hann er einn af óheppnum íslenskum viðskiptamönnum sem lentu í því að eiga fjármagn á aflandseyju á árunum fyrir hrun. Hann kom heiðarlega fram í því máli, eftir að upp um hann komst, og hann er að uppskera í dag. Skýrsla um málið, sem ráðherrann lét framkvæma, var vissulega tilbúin fyrir lok síðasta þings. Hún var tilbúin á meðan á allri kosningabaráttunni stóð og í allan þann tíma sem menn voru að meta hvaða ríkisstjórnarsamstarf gæti komið til greina næst. En ráðherrann mat það svo að hún ætti ekki erindi í umræðuna fyrr en eftir að hann væri búinn að tryggja sínum flokki aðkomu að næstu ríkisstjórn. Það að hún hafi ekki séð dagsljósið fyrir þann tíma hefur örugglega ekkert með annarlega hagsmuni ráðherrans að gera. Aðilanum, sem ákvað að afmá dagsetninguna af skýrslunni, hefur vafalaust einnig gengið gott eitt til. Hugsanlega hefur ástæðan verið fagurfræðileg. Ekki dettur mér í hug að það hafi verið gert til að villa um fyrir þeim sem töldu á ábyrgð ráðherra að birta skýrsluna eins fljótt og auðið var til að um hana gæti farið fram nauðsynleg umræða fyrir kosningar. Að koma hreint og beint fram er ávísun á velgengni og velvild. Þess vegna spái ég nýrri ríkisstjórn löngu og farsælu lífi. Fram að næsta vori í það minnsta. Greinin birtist fyrst í Fréttablaðinu.
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun