Jói Berg og félagar töpuðu fyrir Watford | Sjáðu mörkin

Watford vann Burnley, 2-1, í ensku úrvalsdeildinni í knattspyrnu í dag. Jóhann Berg Guðmundsson kom ekkert við sögu í liði Burnley í leiknum.

Troy Deeney og Mbaye Niang komu Watford í 2-0 í fyrri hálfleiknum en Ashley Barnes minnkaði muninn fyrir Burnley þegar tólf mínútur voru eftir af leiknum.

Jóhann Berg sat allan leikinn á varamannabekknum en hann hefur verið að glíma við meiðsli. Watford er í 10. sæti deildarinnar með 30 stig en Burnley í því 12. með 29 stig.