Youtube og Disney slíta sig frá PewDiePie vegna meints gyðingahaturs Samúel Karl Ólason skrifar 14. febrúar 2017 20:00 PewDiePie eða Felix Kjellberg. Youtube og Disney hafa slitið tengslum sínum við vinsælustu Youtube-stjörnu heimsins vegna meints gyðingahaturs hans. Google hefur hætt við framleiðslu annarrar þáttaraðar raunveruleikaþátta PewDiePie, sem heitir í raun Felix Kjellberg, og dregið úr aðgengi hans að auglýsingum í gegnum kerfi Google. Ákvörðun Youtube er í kjölfar ákvörðunar Maker Studios, sem eru í eigu Disney og í raun eiga Youtube-rás Kjellberg, en þeir slitu tengslum sínum við hann í gær.Kjellberg er sagður hafa birt nokkur myndbönd á undanförnum mánuði sem innihalda ummæli og brandara um gyðinga sem gætu talist niðrandi. Í einu myndbandinu greiddi hann tveimur indverskum mönnum fimm dali í gegnum Fiverr fyrir að halda á skilti sem á stóð: „Death to all Jews“ eða „Drepum alla gyðinga“. Umrætt myndband má sjá hér að neðan. Skiltið fer á loft eftir rúmar ellefu mínútur.Samkvæmt frétt Variety heldur Kjellberg því fram að tilgangur myndbandsins hafi verið að sýna fram á hve fáránlegar þjónustur eins og Fiverr eru. Þar er hægt að borga fólki fimm dali fyrir að gera hvað sem er. Hann segir að myndbönd sín séu til skemmtunar og ekki eigi að horfa á þau sem pólitískar yfirlýsingar. Þó segist hann átta sig á því að brandararnir hafi verið móðgandi. Indverjarnir tveir segja að reikningi þeirra á Fiverr hafi verið lokað, en þeir birtu myndband á Youtube þar sem þeir biðjast afsökunar og segjast ekki hafa áttað sig á því hvað þeir væru að gera. Þeir hafi ekki skilið hvað þeir hafi skilað á skiltið. Leikjavísir Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið
Youtube og Disney hafa slitið tengslum sínum við vinsælustu Youtube-stjörnu heimsins vegna meints gyðingahaturs hans. Google hefur hætt við framleiðslu annarrar þáttaraðar raunveruleikaþátta PewDiePie, sem heitir í raun Felix Kjellberg, og dregið úr aðgengi hans að auglýsingum í gegnum kerfi Google. Ákvörðun Youtube er í kjölfar ákvörðunar Maker Studios, sem eru í eigu Disney og í raun eiga Youtube-rás Kjellberg, en þeir slitu tengslum sínum við hann í gær.Kjellberg er sagður hafa birt nokkur myndbönd á undanförnum mánuði sem innihalda ummæli og brandara um gyðinga sem gætu talist niðrandi. Í einu myndbandinu greiddi hann tveimur indverskum mönnum fimm dali í gegnum Fiverr fyrir að halda á skilti sem á stóð: „Death to all Jews“ eða „Drepum alla gyðinga“. Umrætt myndband má sjá hér að neðan. Skiltið fer á loft eftir rúmar ellefu mínútur.Samkvæmt frétt Variety heldur Kjellberg því fram að tilgangur myndbandsins hafi verið að sýna fram á hve fáránlegar þjónustur eins og Fiverr eru. Þar er hægt að borga fólki fimm dali fyrir að gera hvað sem er. Hann segir að myndbönd sín séu til skemmtunar og ekki eigi að horfa á þau sem pólitískar yfirlýsingar. Þó segist hann átta sig á því að brandararnir hafi verið móðgandi. Indverjarnir tveir segja að reikningi þeirra á Fiverr hafi verið lokað, en þeir birtu myndband á Youtube þar sem þeir biðjast afsökunar og segjast ekki hafa áttað sig á því hvað þeir væru að gera. Þeir hafi ekki skilið hvað þeir hafi skilað á skiltið.
Leikjavísir Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið