Amiina gæðir 100 ára glæpamynd lífi Stefán Þór Hjartarson skrifar 22. febrúar 2017 10:00 Hljómsveitin Amiina heldur meðal annars til Kína í apríl þar sem hún spilar í sex borgum. Vísir/GVA Amiina gaf út plötuna Fantomas í lok síðasta árs. Platan kom til eftir að sveitinni var boðið að semja tónlist fyrir 100 ára gamla glæpamynd og hefur sveitin bókstaflega verið rennsveitt að spila verkið um allan heim. „Við vorum beðin um að semja tónlist við hundrað ára svarthvíta mynd, Fantomas, árið 2013, til að flytja í París á Halloween í tilefni afmælis myndanna um Fantomas. Þetta er glæpamyndaflokkur í fimm hlutum frá 1913 sem var afar vinsæll í Frakklandi. Í tilefni 100 ára afmælisins var ákveðið að endurgera myndirnar í 4k upplausn og biðja fimm hljómsveitir og tónlistarmenn að gera nýja tónlist og flytja í Théâtre du Châtelet í París. Við gerðum það og það var alveg frábært – þetta var sex klukkutíma löng bíósýning með öllum þessum listamönnum. Þetta voru til dæmis Tim Hecker og Yann Tiersen sem gerði tónlistina í Amelie var listrænn stjórnandi, þannig að þetta var rosa stórt og mjög mikið lagt í að gera tónlist í heila bíómynd,“ segir María Huld Markan Sigfúsdóttir meðlimur hljómsveitarinnar Amiinu, sem hefur verið að gera það gott um allan heim með plötuna Fantomas. Þau gáfu í lok síðasta árs út samnefnda plötu með tónlistinni sem Amiina samdi fyrir myndina og hafa í framhaldinu verið að túra heilmikið og spila yfir myndina.En hvernig kom það til að þau ákváðu að taka upp plötu með tónlistinni? „Þegar frá leið langaði okkur að gera eitthvað meira úr þessu og prufuðum að taka upp og sjá hvernig þetta yrði. Við ákváðum að aðlaga þetta þannig að þetta yrði bara plata og það gekk vel, við fórum í stúdíó svona ári síðar og kláruðum plötuna þarna um daginn. Þetta er bara eins og alveg sjálfstæð plata – maður þarf ekki endilega að vita að tónlistin sé upphaflega samin við mynd. En við höfum spilað þetta með myndinni ansi oft síðan. Myndirnar um Fantomas er ansi mögnuð innsýn í Frakkland fyrir hundrað árum; götustemmingin, hestvagnar, bílar og lestir... það er ansi súrrealísk framvinda í myndinni og allt í ótrúlega hárri upplausn þannig að manni líður eins og maður bara sé staddur í París fyrir hundrað árum. Við spilum tónsporið mjög nákvæmt; við höldum spennunni í spennuköflum, stundum vitnum við í umhverfishljóð og fleira, þannig að tónlistin spilar mjög nákvæmlega með myndinni.“Hvað er svo fram undan hjá ykkur? „Tónleikarnir á Húrra eru upphitun því að við erum að fara að spila í Belgíu núna eftir rúma viku og síðan í apríl spilum við bæði í Bandaríkjunum og Kína. Það verður forvitnilegt að sjá hvernig þetta leggst í öðruvísi menningarheim eins og Kína. Við komumst í gegnum ritskoðun í Kína, það þurfti að athuga hvernig myndin væri þar en það slapp. Við leggjum þetta þannig upp að við flytjum alla myndina, hún er sjötíu mínútur og mjög snörp, þannig að þetta er í rauninni eins og góður kafli fyrir hlé. Í Kína spilum við aðeins fleiri lög – bæði gamalt efni og nýrra. Það var sérstaklega beðið um prógramm fyrir Kína – fyrst að við erum komin svona langt. Venjulega spilum við bara myndina og það tekur líkamlega á – það eru til dæmis hraðir trommukaflar og maður er algjörlega búinn á því. Þetta er smá eins og að fara í ræktina – yfirleitt er það bara meira en nóg fyrir okkur. Þannig að við erum í rosa góðu formi og maður þarf líka alveg að passa sig að taka nokkrar armbeygjur á dag til að vera í nógu góðu formi til að halda þetta út.“ Amiina spilar Fantomas á Húrra í kvöld og annað kvöld. Plötuna Fantomas, sem hefur verið að fá glimrandi dóma hjá gagnrýnendum, er hægt að kaupa meðal annars á vefsíðu sveitarinnar amiina.com. Mest lesið Þriðja lag brúðgumans of klúrt fyrir athöfnina Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó Þriðja lag brúðgumans of klúrt fyrir athöfnina Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira
Amiina gaf út plötuna Fantomas í lok síðasta árs. Platan kom til eftir að sveitinni var boðið að semja tónlist fyrir 100 ára gamla glæpamynd og hefur sveitin bókstaflega verið rennsveitt að spila verkið um allan heim. „Við vorum beðin um að semja tónlist við hundrað ára svarthvíta mynd, Fantomas, árið 2013, til að flytja í París á Halloween í tilefni afmælis myndanna um Fantomas. Þetta er glæpamyndaflokkur í fimm hlutum frá 1913 sem var afar vinsæll í Frakklandi. Í tilefni 100 ára afmælisins var ákveðið að endurgera myndirnar í 4k upplausn og biðja fimm hljómsveitir og tónlistarmenn að gera nýja tónlist og flytja í Théâtre du Châtelet í París. Við gerðum það og það var alveg frábært – þetta var sex klukkutíma löng bíósýning með öllum þessum listamönnum. Þetta voru til dæmis Tim Hecker og Yann Tiersen sem gerði tónlistina í Amelie var listrænn stjórnandi, þannig að þetta var rosa stórt og mjög mikið lagt í að gera tónlist í heila bíómynd,“ segir María Huld Markan Sigfúsdóttir meðlimur hljómsveitarinnar Amiinu, sem hefur verið að gera það gott um allan heim með plötuna Fantomas. Þau gáfu í lok síðasta árs út samnefnda plötu með tónlistinni sem Amiina samdi fyrir myndina og hafa í framhaldinu verið að túra heilmikið og spila yfir myndina.En hvernig kom það til að þau ákváðu að taka upp plötu með tónlistinni? „Þegar frá leið langaði okkur að gera eitthvað meira úr þessu og prufuðum að taka upp og sjá hvernig þetta yrði. Við ákváðum að aðlaga þetta þannig að þetta yrði bara plata og það gekk vel, við fórum í stúdíó svona ári síðar og kláruðum plötuna þarna um daginn. Þetta er bara eins og alveg sjálfstæð plata – maður þarf ekki endilega að vita að tónlistin sé upphaflega samin við mynd. En við höfum spilað þetta með myndinni ansi oft síðan. Myndirnar um Fantomas er ansi mögnuð innsýn í Frakkland fyrir hundrað árum; götustemmingin, hestvagnar, bílar og lestir... það er ansi súrrealísk framvinda í myndinni og allt í ótrúlega hárri upplausn þannig að manni líður eins og maður bara sé staddur í París fyrir hundrað árum. Við spilum tónsporið mjög nákvæmt; við höldum spennunni í spennuköflum, stundum vitnum við í umhverfishljóð og fleira, þannig að tónlistin spilar mjög nákvæmlega með myndinni.“Hvað er svo fram undan hjá ykkur? „Tónleikarnir á Húrra eru upphitun því að við erum að fara að spila í Belgíu núna eftir rúma viku og síðan í apríl spilum við bæði í Bandaríkjunum og Kína. Það verður forvitnilegt að sjá hvernig þetta leggst í öðruvísi menningarheim eins og Kína. Við komumst í gegnum ritskoðun í Kína, það þurfti að athuga hvernig myndin væri þar en það slapp. Við leggjum þetta þannig upp að við flytjum alla myndina, hún er sjötíu mínútur og mjög snörp, þannig að þetta er í rauninni eins og góður kafli fyrir hlé. Í Kína spilum við aðeins fleiri lög – bæði gamalt efni og nýrra. Það var sérstaklega beðið um prógramm fyrir Kína – fyrst að við erum komin svona langt. Venjulega spilum við bara myndina og það tekur líkamlega á – það eru til dæmis hraðir trommukaflar og maður er algjörlega búinn á því. Þetta er smá eins og að fara í ræktina – yfirleitt er það bara meira en nóg fyrir okkur. Þannig að við erum í rosa góðu formi og maður þarf líka alveg að passa sig að taka nokkrar armbeygjur á dag til að vera í nógu góðu formi til að halda þetta út.“ Amiina spilar Fantomas á Húrra í kvöld og annað kvöld. Plötuna Fantomas, sem hefur verið að fá glimrandi dóma hjá gagnrýnendum, er hægt að kaupa meðal annars á vefsíðu sveitarinnar amiina.com.
Mest lesið Þriðja lag brúðgumans of klúrt fyrir athöfnina Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó Þriðja lag brúðgumans of klúrt fyrir athöfnina Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira