Mér fannst spennandi að taka skrefið til fulls 5. maí 2017 09:45 Helga við verkið Lífsmynstur sem er titilverk sýningarinnar. Vísir/Anton Brink Helga Arnalds opnar sína fyrstu einkasýningu á myndlist í SÍM salnum í Hafnarstræti 16 klukkan 17 í dag. Hún nefnist Lífsmynstur og þar er að finna akrílmálverk, blekteikningar og mónóþrykk. Helga er þekkt fyrir sýningar eigin leikhúss sem nefnist Tíu fingur en hún útskrifaðist úr myndlist frá Listaháskólanum árið 2008. Nú hefur Helga búið í Danmörku í eitt og hálft ár, nánar tiltekið í Árósum og segir það dásamlegt. „Maðurinn minn fór í tímabundið verkefni í Árósum og mér fannst það kærkomið tækifæri til að skipta aðeins um gír, það er aðeins annað tempó þar, fjölskylduvænna tempó,“ segir Helga, sem kveðst eiga átta ára dóttur og fjórtán ára son. „Svo skellti ég mér í frábæran skóla í Árósum. Bjóst við að fara þar í hobbímyndlist en þar eru rosa góðir kennarar og áherslur aðeins öðruvísi en hér heima. Danir eru líka svo góðir að tjá sig og spjalla um hlutina.“ Helga á langan og farsælan feril sem leikhúslistakona. Hún fékk Grímuna árið 2015 fyrir sýninguna Lífið sem var valin besta barnaleiksýning ársins og Sproti ársins. Sýning hennar Skrímslið litla systir mín var valin barnasýning ársins 2012. Hún hlaut einnig Íslensku bjartsýnisverðlaunin árið 2012. Í leikhúsinu voru sýningar Helgu á mörkum leiklistar og myndlistar og þar sagði hún sögur með fáum orðum en í Árósum kveðst hún í byrjun hafa einbeitt sér að myndlistinni. „Mér fannst spennandi að taka skrefið til fulls og á þessari sýningu eru bara málverk og teikningar.“ Ekki kveðst Helga þó hafa lagt spunavinnu með efni á hilluna því úti sé hún með verk sem líta megi á sem framhald af leikhúsvinnunni. „Þar fer ég meira út í gjörninga en það er ekkert sem ég hef sýnt enn opinberlega.“ Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Ekki búið spil Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Helga Arnalds opnar sína fyrstu einkasýningu á myndlist í SÍM salnum í Hafnarstræti 16 klukkan 17 í dag. Hún nefnist Lífsmynstur og þar er að finna akrílmálverk, blekteikningar og mónóþrykk. Helga er þekkt fyrir sýningar eigin leikhúss sem nefnist Tíu fingur en hún útskrifaðist úr myndlist frá Listaháskólanum árið 2008. Nú hefur Helga búið í Danmörku í eitt og hálft ár, nánar tiltekið í Árósum og segir það dásamlegt. „Maðurinn minn fór í tímabundið verkefni í Árósum og mér fannst það kærkomið tækifæri til að skipta aðeins um gír, það er aðeins annað tempó þar, fjölskylduvænna tempó,“ segir Helga, sem kveðst eiga átta ára dóttur og fjórtán ára son. „Svo skellti ég mér í frábæran skóla í Árósum. Bjóst við að fara þar í hobbímyndlist en þar eru rosa góðir kennarar og áherslur aðeins öðruvísi en hér heima. Danir eru líka svo góðir að tjá sig og spjalla um hlutina.“ Helga á langan og farsælan feril sem leikhúslistakona. Hún fékk Grímuna árið 2015 fyrir sýninguna Lífið sem var valin besta barnaleiksýning ársins og Sproti ársins. Sýning hennar Skrímslið litla systir mín var valin barnasýning ársins 2012. Hún hlaut einnig Íslensku bjartsýnisverðlaunin árið 2012. Í leikhúsinu voru sýningar Helgu á mörkum leiklistar og myndlistar og þar sagði hún sögur með fáum orðum en í Árósum kveðst hún í byrjun hafa einbeitt sér að myndlistinni. „Mér fannst spennandi að taka skrefið til fulls og á þessari sýningu eru bara málverk og teikningar.“ Ekki kveðst Helga þó hafa lagt spunavinnu með efni á hilluna því úti sé hún með verk sem líta megi á sem framhald af leikhúsvinnunni. „Þar fer ég meira út í gjörninga en það er ekkert sem ég hef sýnt enn opinberlega.“
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Ekki búið spil Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira