Snapchatkeppnin So You Think You Can Snap fór fram í fyrsta skipti á síðasta ári og fékk gríðarlega mikið áhorf. Mest horfðu 25 þúsund manns á keppnina á einum sólahring. Að keppninni standa meðlimir Áttunnar og er keppnin aftur farin af stað í ár.
20 framhaldsskólar taka þátt í So You Think You Can Snap og keppa um það hver sé með besta snapparann.
Keppnin fer fram á Snapchat-reikningi Áttunnar, Attan_official og líkt og á síðasta ári mun Vísir fylgjast vel með gangi mála. Sigurvegarinn fær Lenovo fartölvu frá Nýherja í verðlaun. Nú er komið að lokaviðureign fyrstu umferðar og þar mætast Verzlunarskóli Íslands og Flensborgarskólinn í Hafnarfirði. Þessir skólar mættust einmitt í úrslitum Morfís, mælsku- og rökræðukeppni framhaldsskólanna, í vor og þar hafði Flensborg betur.
Sindri Blær keppir fyrir hönd Flensborgar og Geir Zoëga fyrir Verzlunarskólann.
Hér að ofan má sjá hvernig skólarnir stóðu sig í þessari fyrstu umferð. Það kemur síðan í ljós á morgun hver fer með sigur af hólmi.
Manchester Utd
Arsenal
