Palace skoraði fyrstu mörk sín og lagði Englandsmeistarana Ástrós Ýr Eggertsdóttir skrifar 14. október 2017 15:45 Zaha skoraði sigurmark Palace í dag vísir/getty Crystal Palace tókst ekki aðeins að skora sitt fyrsta mark á tímabilinu, heldur unnu þeir einnig sinn fyrsta leik í dag. Það var enginn smá andstæðingur sem þeir lögðu að velli, en Englandsmeistarar Chelsea voru í heimsókn á Selhurst Park. Það ríkti heppnisstimpill yfir fyrsta marki Palace, en David Luiz fékk boltann í sig í teignum, hann hrökk fyrir Yohan Cabaye sem náði að pota honum í markið. Chelsea voru ekki lengi að jafna þegar Palace sofnaði á verðinum eftir hornspyrnu og Tiemoue Bakayoko skallaði boltann í markið. Palace endaði svo hálfleikinn frábærlega þegar Mamadou Sakho gerir vel í að komast í gegnum vörn Chelsea. Hann sendi svo boltann inn á Wilfried Zaha í hlaupinu sem skilaði boltanum í netið. Eftir sjö leiki án marks komu tvö mörk á 45 mínútum frá Crystal Palace. Palace er samt enn á botni deildarinnar. Chelsea missti mikilvæg stig í toppbaráttunni og er nú níu stigum á eftir toppliði Manchester City. Enski boltinn
Crystal Palace tókst ekki aðeins að skora sitt fyrsta mark á tímabilinu, heldur unnu þeir einnig sinn fyrsta leik í dag. Það var enginn smá andstæðingur sem þeir lögðu að velli, en Englandsmeistarar Chelsea voru í heimsókn á Selhurst Park. Það ríkti heppnisstimpill yfir fyrsta marki Palace, en David Luiz fékk boltann í sig í teignum, hann hrökk fyrir Yohan Cabaye sem náði að pota honum í markið. Chelsea voru ekki lengi að jafna þegar Palace sofnaði á verðinum eftir hornspyrnu og Tiemoue Bakayoko skallaði boltann í markið. Palace endaði svo hálfleikinn frábærlega þegar Mamadou Sakho gerir vel í að komast í gegnum vörn Chelsea. Hann sendi svo boltann inn á Wilfried Zaha í hlaupinu sem skilaði boltanum í netið. Eftir sjö leiki án marks komu tvö mörk á 45 mínútum frá Crystal Palace. Palace er samt enn á botni deildarinnar. Chelsea missti mikilvæg stig í toppbaráttunni og er nú níu stigum á eftir toppliði Manchester City.